MIKAH
(Micah)
Thuhmaihruai
Profet Mikah hi Isaiah thawn san khat sungih hnaòuan tlang le thlanglam ram Judah peng khuate ih suak veve an si. Saklam ram pawl harsatnak nan tuar ding a si tiah Amos ih a sim bangin Judah ram khalin a tuar dingih saklam ram pawl an dik lo le an fel lo ruangah Pathian in harsatnak a pek bangin thlanglam ram khalin a tuar ve ding a si tiah Mikah in a thei. Asinan Mikah ih simmi thu sungah hmailam ah ruahsannak a um lai ti thu fiang deuh le fel deuh in a langter.
Himi sungah hminsin tlakmi cu Pathian zarah leitlun hmuahhmuah ah remnak a um ding (4:1-4), David tefa sungin remnak le daihnak thlentertu siangpahrang a suahnak ding thu (5:2-4) le caangkhatte sungah biaknak timi hi ziangso a si, ti thu famkim tein a sim (6:8.)
1
1 Jotham, Ahaz le Hezekiah in Judah siangpahrang an rak òuan lai ah Moresheth khua mi Mikah hnenah Bawipa ih òongkam a ra thleng. Samaria le Jerusalem thuhla ah Bawipa in Mikah hnenah a run langtermi a si.Ref 1.1 2 Siang 15:32-16:20; 18:1-20:21; 2 San 27:1-7; 28:1-32:33;
Samaria Le Jerusalem Hrangih Òahhla
2 Rak ngai uh, nannih miphun pawl,
Leilung parih mi hmuahhmuah in
rak thei uh.
Cungnungbik Bawipa in
a lo mawhthluk a si;
Ngai uh, vancung a biakinn ihsin
thu a sim.
3 Bawipa cu a hmun thianghlim ihsin a ra lai;
Tlangzim par ihsin a rung òum ding.
4 A ke hnuai ah tlang pawl cu
meisa sungih khuailul bangin
an tlorh ding;
Phairawn pawl khal an puak kuai dingih
tlangpar in tidai a luan bangin
horkuam sungah an luang ding.
5 Hi thil pawl cu a kim ding, ziangahtile Israel mi pawl an sual ih Pathian an dodal ruangah a si. Israel ih sualnak hi zo mawhthluk ding so a si? An khuapi bik Samaria rori mawhthluk ding a si. Judah ram sungih milem biaknak a um hi zo mawhthluk ding so a si? Amah Jerusalem a si ko.
6 Curuangah Bawipa in, “Samaria cu phuul lakih khawrop le sabit hri cinnak ah ka canter ding. Khua dawlnak lungto pawl cu horkuam sungah ka hril òheh dingih khua hramòohnak lungphum pawl cu ka langter òheh ding.
7 An sunloih zetmi milem pawl ka vuakkuai òheh dingih an biakinn hlawhhlang pawl an pekmi thil hmuahhmuah meisa in ka ur òheh ding. An milem pawl cu hnawmpen ah an cang òheh ding. Samaria in hi thil pawl cu hlawhhlan man ah a ngah ih atu ah cupawl cu a ral pawl in hlawhhlang man ah hmundang ah an pek ding,” tiah a ti.
8 Cule Mikah in, “Hiti a si ruangah kei cu riahsia in ka òap ding. Ka riahsiatnak langternak ah ka ke lawngin le ka lawngfangkheh in ka vak rero ding. Cinghnia bangin riahsia in ka bo dingih kalauk vate bangin lungleng in ka ai ding.
9 Samaria ih hma cu damter a theih nawn lo; Judah khal cuvek thotho in a tuar ding. Siatsuahnak cu ka minung pawl an umnak Jerusalem kotka a thleng zo,” a ti.
Ral In Jerusalem An Pan
10 Ral ih in neh zia hi Gath ih um kan ral pawl sim hlah uh; kan òah rero hi hmu hlah hai seh. Maw Beth Leafrah khua mi pawl, nan riahsiatnak cu leivut lakah ril tahrat in langter uh.
11 Maw Shafir khua mi tla, taklawng le ningzak in sal ah feh uh. Zaanan khua ih a ummi pawl cu an khua in an suak ngam lo. Bethezel khua mi pawl an riahsiatnak nan theih tikah cutawkah beunak a um lo ti thei uh.
12 Bawipa in harsatnak cu Jerusalem khua kiangte tiang a thlenter zo ruangah Maroth khua mi pawl cu bomnak ngah ding an hngakhlap zet.
13 Nannih Lakhish ih a ummi pawl, rang pawl cu rangleng ah òem cih uh. Nannih in Israel sualnak nan cawng ih cuticun Jerusalem nan sualter.
14 Curuangah, maw Judah mi pawl, Moresheth Gath khua cu òhenawknak laksawng nan pek a òul ding. Akzib khua cu Israel siangpahrang pawl hrangah cun bumnak lawng a si.
15 Maw Mereshah mi pawl, nan ral in nan khua an la dingih Bawipa in nan ral kut sungah a lo thlenter ding. Israel hruaitu pawl cu an tlan dingih Adullam lungpuk ah an relh ding.
16 Maw Judah mi pawl, nan fahniang pawl nan ngai ruangah riahsia in nan sam met uh. Nan faale pawl cu sal ah an kai dingih ramdang ih an fehpi ding ruangah nan lu cu langta lu bangin met kolh thluh uh.