22
Thawinak Pekmi Thianhlimnak
1 Aaron le a fapa pawl sim dingah,
2 Moses hnenih Bawipa ih thupekmi cu hitiin a si, “Ka hmin thianghlim cu thangsia ih a um lonak dingah Israel mi pawl in ka hnenih an pekmi thawinak thianghlim pawl cu upat hai seh. Keimah cu Bawipa ka si.
3 Na tesinfa pakhatkhat mithiangfai lo a si caan ah Israel mi pawl in ka hnenih an pekmi thawinak thianghlim kiangih a rat a si ahcun a nun sungah ka hmun thiang ah hna a òuan thei nawn lo ding. Himi cu sanmureng tiang nan thlun dingmi a si. Keimah cu Bawipa ka si.
4 “Aaron tesinfa pawl sungih phaarnat a neimi, asilole hnaidok nat a neimi in mithiangfai ih rel a si hlan ahcun a thianghlimmi thawinak pawl cu a ei lo pei. Miruak a dai ngahtu thilri, asilole miruak a dai ngahtu minung, asilole amah a bua a suakmi puithiam,
5 asilole a thiangfai lomi ramsa le milai a thamtu minung a dai ngahtu puithiam cu mithiangfai lo a si.
6 Mithiangfai lo a simi puithiam cu cuih zanlam tiang mithiangfai lo a si dingih ti a kholh hlan ahcun a thianghlimmi thawinak pawl cu a ei thei lo pei.
7 Ni a tlak hnu lawngah mithiangfai a si ih a rawl a simi a thianghlim thawinak pawl cu a ei thei ding.
8 Mahte thi ramsa pawl siseh, sahrang ih dehmi sa siseh, a ei lo pei; a ei asile mithiangfai lo a si ding. Keimah cu Bawipa ka si.
9 “Puithiam hmuahhmuah in ka lo pekmi daan hi an thlun pei. Cuti a si lo ahcun, daan thianghlim an buar ruangah mimawh an si dingih an thi ding. Keimah cu Bawipa ka si ih keimah in ka thianghlimtermi an si.
10 “Zokhal sisehla, puithiam thawn an um tlang khalle, puithiam ih hlawh phalhmi an si khalle, puithiam sungkhat a si lomi hmuahhmuah cun a thianghlimmi thawinak cu an ei lo pei.
11 Sikhalsehla amah ih paisa rori ih a leimi sal, asilole a òuangsuak sal cun puithiam ih comi rawl cu an ei thei pei.
12 Puithiam si lomi a pasaltu puithiam ih fanu cun thianghlim thawinak rawl pawl cu a ei lo pei.
13 Sikhalsehla puithiam fanu, a pasal ih thihsanmi, asilole a pasal ih maakmi, faate nei lo ih a pa ih inn ih a ra kirmi cun cawmtu dang a neih lo ruangah a pa puithiam ih covo rawl cu a ei thei ding. Puithiam sungkhat a simi lawnglawng inmi thawinak rawl cu an ei thei pei.
14 “Puithiam sungkhat a si lomi pakhatkhat in ziang khuaruat cuca lo in a thianghlimmi thawinak pakhatkhat a ei pang a si ahcun, puithiam hnenah a eimi man a kuan pei ih cuih tlunah zatek kul a kuan bet pei.
15 A ei thei ding tiah ti lomi eiter tahrat in a thianghlimmi thawinak cu puithiam pawl in an borhhlawhter lo pei;
16 cutiih a ei a si ahcun a mawh a si ruangah cupa cun hremnak a tuar pei. Keimah cu Bawipa ka si ih thawinak pawl a thianghlimtertu cu keimah ka si,” tiah a ti.
17 Bawipa in Moses hnenah,
18 Aaron le a fapa pawl le Israel mi pawl hnenah a hnuailam daan pawl sim dingah hitiin thu a pek. Israel mi pakhatkhat in, asilole Israel mi lakih a um ramdangmi pakhatkhat in mei-ur thawinak a pek tikah thu a kam awkmi a kimternakah siseh, lungtho teih a pekmi thawinak ah siseh, a pekmi òilva cu raitluan a si pei.
19 Co tlakmi thawinak si dingah raitluanmi caw, asilole tuu, asilole mecang a si pei.
20 Raitluan lo òilva nan pek ahcun Bawipa in a sang lo ding.Ref 22:20 Daan 17:1;
21 Mi pakhatkhat in Bawipa ih hnenah remnak thawinak a pek tikah thu a kam awknak a kimternak ah siseh, lungtho teih a pekmi thawinak ah siseh, a òilva cu raitluanmi a si tengteng pei.
22 A mit a caw mi, a zengmi, hriamhma a neimi, hma a nei ih a hnai a dok thluahthlomi, a vun a pharmi, asilole thakpherh a neimi òilva pawl cu Bawipa ih hnenah pe hlah uh.
23 Lungtho teih pekmi thawinak ahcun òilva taksa him lomi, asilole taksa kim deuh lomi òilva khal cu nan pe thei; asinain thukam awknak kimter ding ahcun cubangtuk cu co tlak a si lo.
24 Òilva pakhatkhat a til sutkuai cia mi, a til a tlekmi, a til vun a kokmi, asilole a til a pemmi cu Bawipa ih hnenah pe hlah uh. Nan ram sungah hibangtuk cu nan kham pei.
25 Ramdangmi hnen ihsin nan ngahmi òilva cu thawinak ah hmang hlah uh; cubangtuk òilva pawl cu raitluan lo ah rel an si ih co tlak lo an si.
26-27 Caw siseh, tuu siseh, me siseh, faate a hrin tikah ni sarih sung cu a pi thawn nan òhen lo pei. Sikhalsehla ni sarih hnu ahcun thawinak hrangah saan tlak a si.
28 Ni, nikhat ah cawpi le a fa, asilole tuupi le a fa cu thawinak ah nan pe lo pei.
29 Nan lungawinak cu Bawipa ih hnenah thawinak in nan thlenter tikah Bawipa ih comi nan sinak dingah ka lo pekmi daan pawl nan thlun pei.
30 Nan thawi ni ah nan ei pei ih a thaizing tiang nan hlah lo pei.
31 Bawipa in, “Ka thu ngai uh; Keimah cu Bawipa ka si.
32 Ka hmin thianghlim thangsiatnak tuah hlah uh. Israel mi hmuahhmuah in Keimah cu a thianghlim a si tiin thei uh. Keimah cu Bawipa ka si ih ka thianhlimtermi nan si.
33 Nanmah ih Pathian ka sinak dingah Izipt ram ihsin ka lo suahter hai a si. Keimah cu Bawipa ka si,” tiah a ti.