20
Thungailotu Pawl Cawhnak
1 Israel mi hnenih than dingin,
2 Bawipa in Moses hnenah hitiin a sim, “Nanmah lakin siseh, nan lakih a um ramdangmi pawl lakin siseh, Molek khawzingh 20:2 Molek khawzing: timi hi Kanaan ram a rak luah hmaisatu pawl ih biakmi khawzing hmin a si ih siangpahrang tican a si. Nauhakte mei-ur thawinak pek tahrat in an biakmi a si. biaknak ah a sungsuak fa a petu cu Israel mipi in lungto in den that a si pei.
3 Molek khawzing hnenah a fa a pek ih ka Puanthlam a borhhlawhter ih ka hmin thianghlim a thangsiat ruangah amah cu ka hnong pei ih ka minung ah ka siar nawn lo ding.
4 Sikhalsehla Israel miphun pumpi in cupa ih tuahnak cu an umsan men ih that lo in an zuah a si ahcun,
5 cupa le a sungkhat hmuahhmuah cu ka hnong ding. Cuih tlunah Molek khawzing biaknak ah cupa hnenih a telmi hlawhhlang phun pawl hmuahhmuah cu keimah hrimhrim in ka hnong ding a si. Cupawl cu ka minung ah ka ruat nawn lo ding.
6 “Mithi thlarau a kothiamtu pol le tinzoh thiam pawl a lengtu cu keimah in ka hnong pei ih ka miphun sungah ka siar cih nawn lo ding.
7 Tithianghlim aw uh; ziangahtile keimah cu Bawipa nan Pathian ka si.
8 Ka daan thlun uh, ziangahtile Bawipa ka si ih a lo thianghlimtertu cu Keimah ka si,” a ti.
9 Cuih tlunah a tanglamih daan pawl hi Bawipa in an hnenah a pek. A nu siseh, a pa siseh, a camtu cu thah a si pei;Ref 20:9 Suah 21:17; Mat 15:4; Mar 7:10; a nu le a pa a camsiat ruangah a sualnak thisen cu amah ih lu parah a thleng a si.
10 Mi pakhat in midang nupi a sualpi ahcun òaangòawm sualnak a tuahtu nu-le-pa an pahnih in thah an si pei.Ref 20:10 Suah 20:14; Pui 18:20; Daan 5:18;
11 A pa ih nupi pakhatkhat a sualpitu cu a pa a mualphoter ruangah an pahnih in thah an si pei. Anmah ih sual ruangah an thi a si.Ref 20:11 Pui 18:8; Daan 22:30; 27:20;
12 A fapa ih nupi a sualpitu pa cu a sualpimi nunau thawn thah an si pei. Sungkhat sualpi tahrat in thil borhbah an tuah ruangah an thih cu an sualman a si.Ref 20:12 Pui 18:15;
13 Mipa pakhat cu a dang mipa pakhat thawn an pawl aw a si ahcun thil fihnung an tuah ruangah an pahnih in thah an si pei. Anmah ih sual ruangah an thi a si.Ref 20:13 Pui 18:22;
14 Mi pakhat in nupi a òhit ih a nupi ih nu khal a òhit fawn a si ahcun thil borhbah an tuah ruangah an pathum in meisa in ur that an si pei. Hibangtuk cu nan lakah nan umter lo pei.Ref 20:14 Pui 18:17; Daan 27:23;
15 Mipa pakhat in òilva a pawl a si ahcun amah le cuih òilva cu thah an si pei.
16 Nunau pakhat in òilva pawl ding a zuam ih an pawl aw a si ahcun amah le cuih òilva cu thah an si pei. Anmah ih sual ruangah an thi a si.Ref 20:15, 16 Suah 22:19; Pui 18:23; Daan 27:21;
17 Mipa pakhat in a farnu, asilole a farnuseu a òhit a si ahcun misenpi hmaiah ningzak le mualpho in tuah an si hnuah Israel mipi sung ihsin dawihlo an si pei. A farnu a sualpi ruangah hremnak a tuar a òul a si.Ref 20:17 Pui 18:9; Daan 27:22;
18 Nunau pakhat nunau daan a neih lai ah mipa pakhat in a pawl a si ahcun, thil thiangfai le thiangfai lo hrangih daan a ummi an buar ruangah Israel mipi sung ihsin an pahnih in dawihlo an si pei.Ref 20:18 Pui 18:19;
19 Mi pakhat in a ni a sualpi a si ahcun thil fihnung an tuah ruangah an pahnih in hremnak an tuar pei.
20 Mi pakhat in a paseu ih nupi a sualpi a si ahcun a paseu ih hmin a siatter ruangah an pahnih in hremnak an tuar pei; fa nei lo in an thi pei.Ref 20:19, 20 Pui 18:12-14;
21 Mi pakhat in a unau ih nupi a òhit ahcun rocotu fa nei lo in an thi ding. A thiangfai lomi thil a tuah ih a unau hmin a siatter a si.Ref 20:21 Pui 18:16;
22 Bawipa in, “Ka lo thlenpinak hi ram hin a lo hnon lonak dingah ka daan le ka thupekmi hmuahhmuah cu thlun uh.
23 Hi ram nan luah theinak dingah hi ram ihsin ka dawimi khawvel pawl ih cin le daan cu thlun ve hlah uh. An thlunmi thil òha lo pawl in i ning tuk zo a si.
24 Sikhalsehla hi ram, cawhnawi le khuaitizu a luannak ram cu nan luah dingah ka lo kam zo vekin nan hnenah ka lo pe ko ding. Keimah cu Bawipa nan Pathian ka si ih miphun dang pawl thawn rawi lo in um dingah nannih cu a hran teih ka lo retmi nan si.
25 Cuti a si ruangah vate siseh, òilva siseh, a thiangfaimi le thiangfai lomi cu fel tein thiatdan nan thiam pei. A thiangfai lomi vate le òilva cu nan ei lo pei. Sathiangfai lo ka ti zomi an si ih nan ei asile mi thiangfai lo ah nan cang ding.
26 Mi thianghlim nan si pei ih keimah lawng ih ta nan si pei; ziangahtile keimah cu Bawipa ka si ih a thianghlimmi ka si. Keimah lawng ih ta nan sinak dingah ramdangmi pawl thawn rawi lo in a dangte ih ka lo retmi nan si.
27 “Mipa siseh, nunau siseh, thimi thlarau a kotu pol le dawithiam pawl cu lungto in den that an si pei; hibangtuk a tuahtu cu amah ih sual ruangah a thi a si,” tiah a ti.