4
Jerusalem A Siat Hnuah
1 A tle zohzo mi kan sui pawl cu
An dal òheh zo.
Biakinn ih lungto pawl cu lamzin ah
2 Kan hrangah Zion tlangval pawl cu
Sui tluk in an rak sunglawi.
Sikhalsehla atu ahcun
tlakbeel tluk men ah ruah an si.
3 Cinghnia pinu hman in a faate cu
òha tein zoh a thiam.
Asinan ka minung pawl cu
nelrawn kalauk vate vek an si;
Zangfahnak zianghman an thiam lo.
4 Ka minung in an fano an thihter,
Rawl lo le ti lo in.
Nauhak in rawl an dil nain,
5 Lamzin ah rawl lo in an thi,
Rawl thawbik a rak eitu pawl cu.
Hnawmhne hlonnak ah rawl an hawl,
Nunnuam zet ih rak cawmmi pawl cun.
6 Ka minung pawl in
cawhkuan hremnak an tuar.
An tuarnak cu a luar sawn;
Milai kut tel lo in rin lo ih
a siatmi Sodom khuami pawl hnakin.Ref 4.6 Sem 19:24;
7 Jerusalem lal pawl cu borhbah lo in
vur vekin an thiang;
Cawhnawi bangin an raang.
An harhdam ih an cak zet;
Mepian lungvar bangin
an mawi ih an naal zenzen.
8 Atu ahcun lamzin ah an thi,
Rapòing hnakin an dum sawn;
Zohman in an theithiam nawn lo.
An vun cu an ruh ah a erh aw òheh,
9 Ral kut in a thimi kha an van nei sawn;
Neta ih a thimi pawl hnak cun.
Ei ding zianghman nei lo in,
Rawl lo ih nuamte ih thih cu a har sawn.
10 Tuksumza ngaingai a si,
Ka minung hnenih a thlengmi
vanduainak cu;Ref 4.10 Daan 28:57; Ezk 5:10;
Lainatu nule pawl in rawl ai ah an suan hai,
An sungsuak an faate pawl cu.
11 Bawipa in a ai thawhnak cu,
meivam bangin a run burh.
Zion ah meisa a alhter ih,
A hramòohnak tiang
12 Zohman in an zum thei lo,
ramdang uktu bawi khalin
an zum thei lo;
Jerusalem khuapi sung luh thei ding cu;
Jerusalem kotka sungih ral pawl
13 Asinan an lut thei,
A profet le a puithiam pawl
an sual ruangah.
A profet le a puithiam pawl in
thil poimawh an tuah,
Mawh nei lomi ih thisen
14 An hotu pawl cu an vakvai,
Lamzin tluan ah mitcaw bangin.
Thisen an hnihawknak a luar tuk,
Zohman ih tham òha lo an si.
15 Misenpi pawl in, “Tlan uh,
Mi borhbah nan si,
In dai hlah uh,” an ti.
Curuangah ram kip ah an vakvai,
Khui hmanah tlun inn an tong lo;
“Hinah nan um thei lo” an ti.
16 Bawipa in
an hrangah helhkamnak
zianghman a nei lo;
A òhekdarh sawn hai a si.
Kan puithiam le kan upa pawl cu
17 Bomnak a ra hmang ding ti zoh
na ah kan mit a kham òheh;
Bomnak cu a ra dah si lo.
Bomnak in pe hmang ding tiah
kan hngak rero nain,
Khui ram hman in bomnak in pe thei lo.
18 Kan ral pawl in, in thlingthla,
Kan dung in, in thlun ringring;
Lamzin hmanah kan vak ngam lo.
Tikcu le caan kan nei nawn lo,
Kan cem netnak ni a thleng zo a si.
19 Van ih khaupi hnakin,
Zamrang sawn in kan ral in, in dawi.
Tlang parah in dawi ih,
Nelrawn ah rinlopi in, in man.
20 Kan nunnak hram an kai ngah,
Bawipa ih hriakculhmi
kan rinsan bikmi cu.
In dotu pawl kut ihsin in hum ding;
A thla hnuai ah kan um ding, kan timi cu.
21 Hni rero uh, Edom le Uz mi pawl,
Nan lungawi ko uh,
tikcu nan neih sungah cun.
Nan siatralnak tikcu
a ra thleng ve ko ding;
Taklawng le ningzak in nan sawn
22 Zion in a sualman cu a kuan òheh zo;
Bawipa in saltannak ah
in ret nawn lo ding.
Sikhalsehla Edom,
nang cu Bawipa in a lo hrem ding;
Na mawhnak hmuahhmuah a langter òheh ding.