LUKA
(Luke)
Nganmi Thuthangòha
Thuhmaihruai
“Luka Thuthangòha,” hin Jesuh cu Israel mi hrangih kamciami Runtu le mi hmuahhmuah hrang khalah Runtu a si, tiah a langter. Bawipa ih Thlarau in Jesuh cu, “Mifarah hnenih Thuthangòha sim dingah a ko a si,” tiah Luka in a ngan. Curuangah hi cabu sungah hin mifarah zangfahnak le lainatnak thu vei tampi a lang. Cuih tlunah hi Thuthangòha cabu sungah hin lungawinak thu tampi kan hmu. Jesuh suahnak thuhla ah siseh, Jesuh vancung ih a kainak thu ah siseh, lungawinak a um kha kan hmu. Hi cabu ngantu pa thotho hin kawhhran zumnak a karhzainak le a òhansonak thuhla pawl Dungthluntu cabu sungah a ngan hrih a si.
“Thuthangòha,” cabu dang ih a um lomi tla hi Luka cabu sungah kan hmu thei. Thuòhimnak ah: Bawi Jesuh suah tikah vancungmi ih hlasakmi pawl, tuukhal pawl ih an ra zohnak, Jesuh a no lai ih Biakinn a fehnak thu, Samaria miòhapa le Fapa hlopa ih thu pawl hi Luka cabu sung lawng ah a um. Cuih tlunah hi cabu sungah hin thlacamnak thu, Thiang Thlarau thu, Jesuh hnaòuannak sungah nunau pawl an telnak thu le Pathian in sual a ngaidamnak thu pawl tampi kan hmu a si.
1
1 Duhdawtmi Theofilas,
Mi tampi in kan lakih a cangmi thu pawl hi a òha thei tawpin an ngan.
2 An ngan tikah cuih thil a cangmi a hramthok ihsin mit in a hmutu pawl le cuih thu a simtu ih simmi vekin nganmi a si.
3 Cuti a si ruangah kei khalin hi thuhla pawl hi a hramthok ihsin fel tein ka zingzoi òheh zo ruangah a sangsang tein na hrangah ka ngan le a òha ding tiah ka ruat.
4 An lo sim le an lo zirh cia mi thu hi tlamtling zet le dik zet ih na theihnak dingah hi ca hi ka ngan a si.
Baptisma Petu Johan Suahnak
5 Herod cu Judeaa Hitawkih ‘Herod’ timi hi Herod Lian (Herod the Great) a si ih BC 37 - 4 tiang Judea ram uktu a si. ‘Judea Ram,’ timi hi Palestine ram hmuahhmuah a ti duhnak a si ih Judea, Samaria, Galilee, Perea le Coele-Siria ram pawl a tel thluh. Ram ih siangpahrang a si lai ah, Abijah puithiam phun sungih a tel vemi puithiam Zekhariah a rak um. A nupi cu Elizabeth a si ih anih khal puithiam phun a si ve.Ref 1.5 1 San 24:10;
6 An pahnih in Pathian mithmuh ah nuncan òha in an nung ih Bawipa ih daan le thupekmi pawl kha kim tein an thlun thluh.
7 Elizabeth cu a cin ruangah faate an nei lo; an nupa in an tar zet thlang.
8 Veikhat ah Zekhariah cu nitin a hnaòuan caan a kim ih Biakinn sungah puithiam hna a òuan.
9 Puithiam pawl ih an thlun òheumi daan bangtukin biakòheng parih rimhmui ur dingah camcawhfung zuuk in Zekhariah cu an hril. Curuangah Bawipa ih Biakinn sungah cun a vung lut.
10 Culai ahcun rimhmui ur caan a si ih senpi pawl cu Biakinn lengah thla an cam ciamco.
11 Vancungmi pakhat cu a hnenah a rung lang ih rimhmui urnak biakòheng vorhlam kapah a ding.
12 Zekhariah in a hmuh tikah a thin a phang ih a òih.
13 Asinan vancungmi in, “Zekhariah, òih hlah! Pathian in na thlacamnak cu a thei zo ih na nupi Elizabeth in fapa a lo hrin ding. A hmin ah Johan na sak pei.
14 Cuih na fapa a suah tikah na lung a awi ngaingai dingih midang tampi tla an lung a awi zet ding.
15 Amah cu Bawipa ih mithmuh ah mi maksak ngaingai a si ding. Sabitti siseh, zu siseh, a in lo ding. A suahthlak ve tein Thlarau Thianghlim thawn a khat dingih,Ref 1.15 Mipum 6:3;
16 Israel mi tampi tla Bawipa an Pathian hnenah a kirtersal ding.
17 Bawipa ih hmaiah a rak feh sungtu palai a si dingih profet Elijah vekin a cakmi le hmual nei zetmi a si ding. Pale pawl ih thinlung tla an faale lamah a mer awtersal dingih thu ngai lomi pawl khal miding pawl ih thuruahdan lamzin ah a hruai kirsal ding. Bawipa ih hrangah Bawipa ih minung pawl a timtuah sak ding a si,” tiah a ti.Ref 1.17 Mal 4:5-6;
18 Zekhariah in vancungmi hnenah, “Na sim vekin a cang ngaingai ding ti ziangtinso ka theih ding? Kei hi patar ka si zo ih ka nupi khal a tar zet zo a si,” tiah a ti.
19 Cutikah vancungmi in, “Kei hi Gabriel ka si. Pathian hmaiih a ding ringringtu ka si ih Amah in hi thuòha na hnenih rung sim dingah i thlah.Ref 1.19 Dan 8:16; 9:21;
20 Sikhalsehla ka thu simmi na zum lo khalle a tikcu a kim tikah cun ka thu simmi cu a kim ko ding. Hitiih na zum lo ruangah òong thei lo in na um ding. Na hnenih ka thukammi a kimnak ni a thlen hlan lo kam khatte hman na òong thei nawn lo ding,” tiah a ti.
21 Cuih caan sung hmuahhmuah misenpi pawl in Zekhariah cu an hngak ringring ih ziangah Biakinn sungah cutik tiang lawmmam a rei a si pei tiah an khawruah a har.
22 Biakinn sung ihsin a ra suah tikih a òong thei lo kha an hmuh tikah Biakinn sungah langnak hmuhmi a nei a si, ti an thei. Kam khatte hman a òong thei lo ruangah a kut in a hmuh.
23 Biakinn sungih a hnaòuan tikcu a cem tikah Zekhariah cu inn ah a tlung.
24 Tawkfang a rei tikah a nupi Elizabeth cu fa a vun ih thla nga sung cu lengah a suak lo.
25 Elizabeth in, “Netabik ah Bawipa in i bawm ih misenpi hmaiah ka ningzahnak cu i lak sak zo a si,” tiah a ti.
Jesuh Suahnak Ding Thuthan
26 Elizabeth ih favun a thlaruknak ah Pathian in vancungmi Gabriel cu Galilee ram Nazareth an timi khua ah a thlah.
27 Siangpahrang David ih tesinfa a simi Josef thawn òhi aw dingih thukamnak a neimi fala hnenah thu pakhat sim dingin a thlah. Cuih fala hmin cu Mari a si.Ref 1.27 Mat 1:18;
28 Vancungmi cu a hnenah a ra ih, “Na parah daihnak um ko seh! Bawipa na hnenah a um ih thluasuahnak tampi a lo pek a si,” tiah a ti.
29 Cuih vancungmi ih thusimmi a theih tikah Mari cu a don a har ngaingai ih a òongmi ih tican cu ziang a si pei tiah khawruahhar in a um.
30 Cule vancungmi in, “Mari, òih hlah! Pathian mithmai òha na co a si.
31 Fa na vun dingih fapa na hring ding. A hmin ah Jesuh na sak ding.Ref 1.31 Mat 1:21;
32 Mi maksak a si dingih Cungnungbik Pathian ih Fapa tiah kawh a si ding. Amah cu Bawipa Pathian in a pu David bangtukin siangpahrang ah a tuah dingih,
33 Jakob tesinfa pawl ih tlunah a kumkhua in siangpahrang a si ding. A uknak cu a cem dah lo ding,” tiah a sim.Ref 1.32-33 2 Sam 7:12, 13, 16; Isa 9:7;
34 Mari in vancungmi hnenah, “Kei cu fala him ka si.b fala him ka si timi hi Grik òong ahcun mipa ka thei lo tiin a um. Cubangtuk cu ziangtinso a si thei ding?” tiah a ti.
35 Vancungmi in, “Thlarau Thianghlim cu na hnenah a ra thleng dingih Cungnungbik ih cahnak huham cu na parah a um ding. Curuangah na hrin dingmi fa cu fapa thianghlim a si dingih Pathian Fapa tiah kawh a si ding.
36 Na sungkhat Elizabeth kha na thei a si lo maw? Fa a nei thei nawn lo tiah simrelmi a si nain a tar zet hnuah fa a vun ih atu ah thla ruk a si zo.
37 Ziangtin a si tile Pathian ih tuah thei lomi zianghman a um lo,” tiah a ti.Ref 1.37 Sem 18:14;
38 Mari in, “Kei cu Bawipa ih salnu ka si. Na sim vek cun ka parah si ko seh,” tiah a ti. Cule vancungmi cun a fehsan.
Mari In Elizabeth A Leeng
39 Cuih hnuah Mari cu a tim a tuah ih Judea peng tlangpar khua ah zamrang tein a hung feh.
40 Cutawk a thlen tikah Zekhariah inn ah a lut ih Elizabeth cu cibai a buk.
41 Mari ih òongkam cu Elizabeth in a theih ve tein a pum sungih naute cu a cang. Elizabeth cu Thlarau Thianghlim in a khat ih,
42 ring zet in, “Nang cu nunau hmuahhmuah lakah a thluasuak bikmi nunau na si. Na hrin dingmi fa khal hi thluasuahmi fa a si!
43 Ziangahso ka Bawipa ih nu in kei vek tla hi i hung leen duh?
44 Ziangahtile na òong ka theih ve tein ka pum sungih naute hi lungawi aipuang in a khir a si.
45 Bawipa in na hnenih a simmi thu hi na parah a kim taktak ding ti na ruat ih na lungawidan ding hi a va mak ve!” tiah a ti.
46 Mari in, “Ka thinlung in
Bawipa cu a thangòhat;
47 Pathian i Runtu parah
ka nunnak cu a lung a kim zet;
48 Ziangahtile minauta a salnu hi
hngilh lo in i thei ringring a si.
Atu thokin mi hmuahhmuah in
mi thluasuak in ti ding.Ref 1.48 1 Sam 1:11;
49 Ziangkimtithei Pathian in ka hrangih
thil maksak a tuah zo ruangah hin.
Amah ih hmin cu a thianghlim,
50 Sankhat hnu sankhat
amah a òihzahtu pawl cu a zangfah a si.
51 A baan thacak a hawi ih
mi puarthau pawl cu an tumtahnak thawn
a òhekdarh òheh.
52 Siangpahrang cak zet pawl kha,
an lal tohkham ihsin a òhum ih,
minauta pawl a khaisang a si.Ref 1.52 Job 5:11, 12:19;
53 Rilrawngmi pawl cu thil òha in
a cawm ih, milian pawl cu
kut lawngin a kirter.
54 Kan pupa pawl hnenih
a thukamnak cu a kimter ih,
a siahhlawh Israel bawm dingah
a ra zo a si.
55 Abraham le a tesinfa pawl parah
a kumkhua in zangfah dingah
a ciing ringring!” tiah a ti.Ref 1.46-55 1 Sam 2:1-10;Ref 1.55 Sem 17:7;
56 Mari cu Elizabeth hnenah thla thum hrawng a um hnuah a inn ah a tlung.
Baptisma Petu Johan Suahnak
57 Elizabeth cu a hrin nithla a kim ih fapa a nei.
58 Elizabeth parih a makmi Bawipa ih zangfahnak cu a sungkhat le innhnen pawl hmuahhmuah in an thei ih an zate in an lungawipi.
59 Naute cu a suah hnu ni sarih ah a serhtan dingah an ra ih a pa hmin suangin Zekhariah tiah a hmin sak an tum.Ref 1.59 Pui 12:3;
60 Asinan a nu in, “A si lo, a hmin cu Johan a si ding,” tiah a ti.
61 Annih in, “Nan sungte lakah cuvek hmin a neitu zohman an um si lo!” tiah an ti.
62 Cule a pa cu kutzung hmuh in an biak ih a fapa hmin sak a duhmi kha an sut.
63 Zekhariah in ca ngannak cahnah a dil ih, “A hmin cu Johan a si,” tiah a ngan. An zate in an lau ih an mang a bang ngaingai.
64 Cu òheh ve tein Zekhariah ih hmur le lei cu an nungsal ih òong theisal in Pathian a thangòhat.
65 An innhnen pawl cu an thin a phang zet; cuih thu cu Judea tlangpar ram hmuahhmuah ah a thang òheh.
66 Cuih thu a theitu hmuahhmuah in an thinlung ciar in an rak ngaihtuah fingfing ih, “Hi naute cu ziangbangtuk minung ah hung cang pei maw!” tiah an ti cio. Ziangahtile Bawipa ih huham cu naute parah a um ti kha a fiangin an thei.
Zekhariah Thusimmi
67 Johan ih pa Zekhariah cu Thlarau Thianghlim in a khat ih hitiin Pathian thu a sim:
68 “Israel ih Pathian Bawipa cu
thangòhat uh si;
A minung pawl bawm dingah le,
luatter dingah a ra zo.
69 Kan hrangah a mak zetmi
Runtu a suakter zo;
Amah cu Bawipa ih siahhlawh
David ih tesinfa a si.
70 Khuahlan a profet thianghlim
pawl sung ihsin thu in kam cia zo;
71 In huatu pawl kut sungin le
kan ral pawl kut sung ihsin
humhim dingah.
72 Kan pupa pawl hnenah
‘Zangfah thinpemnak ka nei dingih,
ka thukamnak thianghlim cu
ka hngilh lo ding,’ tiah a ti.
73-74 Kan pu Abraham hnenah,
‘Nan ral pawl kut ihsin ka lo run ding;
Òihnak zianghman um lo in
ka hna nan òuan ding;
75 Nan nunsung hmuahhmuah
ka hmaiah miding le
Mi thianghlim nan si ding,’ tiah
siatcam in thukamnak a rak tuah.
76 “Ka fa, nang cu a sang bik
Pathian ih profet tiah kawh na si ding.
Nang cu Bawipa ih lamzin
rak sial saktu dingah a hmaiah
na rak feh ding.Ref 1.76 Mal 3:1;
77 A minung pawl cu an sual
ngaidamnak in rundamnak
an ngah ding a si, tiih simtu dingah.
78 Kan Pathian cu mi zangfahtu le
mi nunnem a si ruangah,
Rundamnak zing khawtleu cu
kan parah a tlangter ding;
79 Thimnak le thihnak phenthlam hnuai ih
a ummi pawl hrangah
Vancung ihsin a tlang dingih,
remnak lamzin ah in fehter ding,” tiah a ti.Ref 1.79 Isa 9:2;
80 Naute cu taksa in siseh, thlarau in siseh, a òhangih a cak vivo. Israel mi hnenah zapi hmuh ih a lang hlansung cuih ramòhing ahcun a um.