11
Judah Siangpahrang Bawinu Athaliah
(2 San 22:10-23:15)
1 Siangpahrang Ahaziah ih nu Athaliah in a fapa an thah kha a theih tikah a fapa Ahaziah ih innsang pawl cu, siangpahrang an cang pang ding ti phan ah a that òheh.
2 Ahaziah fapa Joash lawng a luat. Amah khal cu thah ding a si nain a ninu Jehosheba in a rak run ngah. (Jehosheba cu siangpahrang Jehoram ih fanu a si ih Ahaziah ih farnu seu a si.) Jehosheba in Joash cu amah umtu nu thawn Biakinn sungih ihnak khaan pakhat sungah a thup ih cutawkah a kilkhawi; cuticun Athaliah in a hmu lo ih a luat.
3 Jehosheba cun Joash cu kum ruk sung Biakinn sungah a thup ih òha tein a zoh; cuih sung cu Athaliah in siangpahrang bawinu a òuan ih rampi uktu a si.
4 Asinan kum sarihnak ah puithiam Jehoiada in siangpahrang bawinu kiltu le siangpahrang inn kiltu bawi pawl cu Biakinn ah a ko ih siatcam in thu a kamter hai ih a tumtahmi cu an hnenah a sim. Siangpahrang Ahaziah ih fapa Joash cu an hmaiah a rak hruai ih,
5 hitiin thu a pek. “Sabbath ni ih mi kiltu nan si tikah nanmah lakih òhenthum òhenkhat in siangpahrang inn nan kil pei.
6 A dang òhenkhat cu Sur Kotka kiltu nan si pei ih a dang òhenkhat in kotka kiltu dunglam in nan kil pei.
7 Sabbath ni ih mi kilvengtu a si lomi burhnih pawl tla a hleice in Biakinn ah òuanvo nan nei pei ih siangpahrang nan kil pei.
8 Siangpahrang Joash cu nan ralnam zuuk cia in nan kil pei ih a fehnak kipah nan thlun pei. A ra lo naihtu poh cu nan that pei,” a ti.
9 Puithiam Jehoiada ih thucah cu bawi pawl cun an ngai ih an kuthnuai milai pawl, Sabbath ni ih mikiltu a simi siseh, mikiltu a si lomi tla siseh, a hnenah an ratter òheh.
10 Jehoiada in bawi pawl hnen ahcun David ih a rak hmanmi, Biakinn sungih an retmi feipi le ralphaw pawl cu a pek.
11 Cule mivengtu ralkap pawl Biakinn kimvel ahcun a ret ih an ralnam keng fekfek in siangpahrang cu an kil.
12 Cutikah Jehoiada in Joash cu a run suahpi ih siangpahrang lukhuh a khum hnuah thukamnak cazual, siangpahrang thuneihnak capi thawn, a pek. Cule hriak a culh ih siangpahrang ah an tuah. Misenpi in an za an beng ih, “Siangpahrang a nunkhua sau hram seh!” tiah an au.
13 Siangpahrang bawinu Athaliah in misenpi le mikiltu pawl an au thawmvang cu a theih tikah misenpi an tonkhawmnak Biakinn ahcun zamrang tein a va feh.
14 Siangpahrang thar cu, a daan bangtukin, Biakinn sung luhnak òhuam kiangah an dinter ih ralbawi pawl le tawtawrawt tumtu pawl in an kil òhepòhep. Misenpi cu lungawi zet in an au; tawtawrawt tum ih an um kha Athaliah cun a hmu. A riahsia in Athaliah cun a hnipuan a thlek ih, “Phiarnak! Phiarnak!” tiah a au.Ref 11:14 2 Siang 23:3;
15 Jehoiada in Biakinn sungah Athaliah thah a duh lo ruangah ralbawi pawl hnenah, “Kai uhla ralkap pawl ih kil phahin a lengah hei dir uh; amah run a tumtu hmuahhmuah cu that uh,” tiah thu a pek.
16 An kai ih siangpahrang inn ah an hei hruai ih Rang Kotka timi ah an that.
Jehoiada Ih Hnaòuanmi
(2 San 23:16-21)
17 Jehoiada cun Bawipa ih miphun an sinak dingah siangpahrang le misenpi cu Bawipa thawn thukamnak a tuahter; siangpahrang le misenpi tla an karlak ah thukamnak a tuahter.
18 Misenpi cu Baal biakinn ah an feh ih an siatbal òheh; biakinn sungih ummi biakòheng le milem pawl cu an deng kuai thluh. Baal puithiam Mattan tla biakòheng hmai rori ah an that.
Jehoiada in Biakinn ah mikiltu a ret ih,
19 amah le ralbawi pawl, siangpahrang kiltu le siangpahrang inn kiltu pawl in siangpahrang bawipa cu Biakinn ihsin siangpahrang inn ah an fehpi ih misenpi pawl in an thlun. Joash cu Mivengtu Kotka timi in a lut ih siangpahrang tohkham parah a to.
20 Mi hmuahhmuah ih thinlung cu lungawinak in a khat; siangpahrang inn sungih ralnam thawn Athaliah an thah hnu cun an khuapi cu a dai.
21 Kum sarih a ti ah Joash cu Judah siangpahrang ah a cang.