7
Siangpahrang Solomon Inn
1 Solomon in amah ih hrangah siangpahrang inn khal a sak ih kum hleithum a rei.
2-3 Cuih siangpahrang inn sungih Lebanon Tupi Khaan an timi cu pi za le sawmnga a sau, pi sawmsarih le pi nga a kau ih pi sawmli le pi nga a sang. Sidar thing in tuahmi òhuam tlar thum a um ih tlar khat ah òhuam hleinga fingfing an um. Cuih òhuam pawl cu innbo pawl dotu an si. Siling khal sidar thing ih tuahmi a si ih thilri retnak khaan pawl khal siling a um òheh ih òhuam ih domi an si òheh.
4 Khatlam phar ah tukvirh tlar thum a um ih khatlam phar khalah tlar thum thotho a um.
5 A tlar a tlar in a ummi khatlam phar le khatlam phar ih sangkate pawl cu an zawn aw fingfing. Sangka le sangkate pawl cu kil li nei an si òheh.
6 Òhuampi Khaan an timi cu pi sawmsarih le pi nga a sau ih, pi sawmli le pi nga a kau. Hulhliap cu tlunkhuh òha tein an tuah ih cuih tlunkhuh hrangah òhuam dang an phun.
7 Siangpahrang Tohkham Khaan, asilole Thuòhennak Khaan an timi Solomon in thuòhennak ih a hmanmi khaan cu a zial ihsin innbo tiang, a phar pawl le òhuam pawl cu sidar thingpheng in an khuh òheh.
8 Solomon umnak inn, Thuòhennak Khaan timi dunglam ih an sakmi cu inndang pawl vek thotho ih sakmi a si. Cuvek thotho in Izipt siangpahrang fanu a òhitmi a nupi hrang khalah inn pakhat a sak.Ref 7:8 2 Siang 3:1;
9 Hi inn pawl hmuahhmuah cu innhram òohnak ihsin disaapthla tiang, lungto laknak hmunih sermi le a tum a fatet tah tahrat ih tan mi, a sunglam le a lenglam tiang kaih aw dingih atmi lungto in sakmi an si.
10 Innhram òohnak pawl cu lungto laknak hmunah a hrek pi hleihnih sau le a dang pi hleinga sau lungto tum pipi ser mi pawl in tuahmi an si.
11 Cuih lungto tum pipi tlunah a tum a fatet tah tahrat ih ahmi lungto le sidar thing in an dawl.
12 Siangpahrang inn, Biakinn sung khaanpi le biakinn sung luhnak inn khaan ih phar pawl cu atmi lungto thuah thumah sidar thing thuah khat ih thlakmi an si.
Daar Ih Ceimawinak
13 Solomon in Òaiar khua ih a ummi, daar ser thiam Huram an timi pa a ko.
14 A pa cu a thi zo ih a nun lai ahcun a fapa vekin dar lamih kut zungmawi a si. A pa khal cu Òaiar khua mi a si. A nu cu Naftali phun a si. Huram cu mifimvar a si ih kum reipi daar lamih òuan òhangtu a si. Solomon ih a kawh bangtukin a feh ih daar lam hnaòuannak hmuahhmuah cu amah in a ho.
15 Huram in daar òhuam pahnih, pi kul hluansarih a saangmi le a kimvel in pi hleiriat a tummi a ser ih Biakinn sangka kiangah a phun.
16 Cuih tlunah daar lubol pahnih, pi sarih le a hrek a saangmi, cuih daar òhuam pahnih parih ret dingah a tuah.
17 Daar òhuam ih lu cu daar cikcin kulh ih zuk cuang le,
18 daar taleti rah lem tlar hnih cuangin an ceimawi.
19 Òhuam lubol cu daidimpar lem cuang in, pi ruk sang in an tuah ih,
20 Òhuam lu ih daar cikcin zuk tlunah cun an ret. Òhuam lubol parah cun a kimvel in taleti rah zahnih lem tlar hnih an um.
21 Cuih daar òhuam pahnih cu Biakinn sangka hmaiah Huram in a phun: Pakhat cu thlanglam kapah a phun ih Jachin tiah an ko; a dang pakhat cu saklam kapah a phun ih Boaz tiah an ko.
22 Daidimpar lem cuang ih dar lubol pahnih cu cuih òhuam pahnih parah cun an ret.
Cuticun daar òhuam tuah cu an òheh.
Daar Tikuang
(2 San 4:2-5)
23 Huram in pi sarih le a hrek a thukmi, pi hleinga a kau ih a kimvel in pi sawmli le pi nga a tummi daar tikuang hluum pakhat a tuah.
24 Cuih daar tikuang tlang kimvel ahcun daar ih tuahmi uum lem pi sawmli le pi nga sau in tlar hnih in a tuah. Daar tikuang le daar ih tuahmi uum lem cu a peh aw ih tuahmi a si.
25 Cuih daar tikuang phurtu cu daar cawcang hleihnih an si ih, saklam thlanglam, nisuahnak lam le nitlaknak lam kha cawcang pathum fingfing in an hoi.
26 Daar tikuang cu letmah pathum a sah. A tlangzim cu khuathai tlangzim bangtuk a si ih pangpar zim vekin a lenglam ah a parh. Tidai pung thawnghnih le zanga a dawl.
Daar Cawleng
27 Cuih tlunah Huram in daar cawleng pahra a tuah. Pi ruk sau, pi ruk kau le pi li le a hrek a saangmi an si fingfing.
28 Cawleng ih a lengraan cu a tia aw mi kil li nei thing a si ih,
29 a parah kiosa pawl, cawcang pawl le cherubim pawl an zuk. A fungpi par, kiosa le cawcang zuk pawl ih tlun le hnuai ah pangpar kual an zuk.
30 Cawleng pakhat in daar lengke pali le daar kehrolh fung an nei fingfing. Cawleng ih kil li ah maihum dotu daar tawdam an um fingfing. Cuih tawdam pawl cu pangpar kual zuk in an òelh.
31 Maihum tlunah cun a hlummi fung a um. Cuih fung cu cawleng tlunah letmah hleiriat a suak ih cawleng sungah letmah pasarih a lut. A pumte in òelhmi a si.
32 Lengke cu pi kul hluannga a sang ih lengtlang hnuai ah a um. Cule a kehrolh fung cu cawleng thawn thing pakhat ih tuahmi a si.
33 Lengke cu rangleng ke bangtuk a si ih a kehrolh fung, a ke tlangzim, a kehrolh fung le a kehrolh fung khamtu pawl cu daar hlir ih tuahmi an si.
34 Cawleng kil li ih hnuailam ah dotu pakhat fingfing an um ih cawleng thawn thing pakhat ih tuahmi an si.
35 Cawleng tlunlam kimvel ah lengkhap a um. Leng dotu le a tlangpi pawl cu leng thawn thing pakhat ih tuahmi an si.
36 Dotu le leng tlangpi pawl cu cherubim le kiosa le tuumkung zuk pawl in an mawiter ih a lawngnak kipah pangpar kual zuk a cuang vivo a si.
37 Cubangtuk in cawleng an tuahdan cu a si: An zate in an bangrep ih an tia aw thluh fawn.
38 Cuih tlunah Huram in cawleng pakhat hrangah maihum pakhat fingfing in maihum pahra a tuah. Maihum pakhat cu pi ruk a kau ih tidai pung sawmnga a dawl.Ref 7:38 Suah 30:17-21;
39 Biakinn thlanglam kapah cawleng panga a ret ih, a dang panga cu biakinn saklam kapah a ret. Tikuang cu thlanglam nisuahnak lam kapah a ret a si.
Biakinn Thilri Pawl
(2 San 4:11-5:1)
40-45 Huram in beel pawl, cawhlek pawl le kheng pawl khal a tuah. Solomon ih fial vekin Huram in Bawipa ih Biakinn hrangih a hnaòuan hmuahhmuah cu a òheh. A tuahmi pawl cu a tanglam pawl hi an si:
òhuam pahnih;
òhuam parih retmi, kheng a bangmi
lubol pahnih,
òhuam lubol ceimawinak
daar cikcin zuk pawl
òhuam lubol parih tlar hnih in zukmi
taleti lem rah zali
Cawleng pahra
Maihum pahra
Tikuang pakhat
Tikuang phurtu cawcang hleihnih
Beel pawl, cawhlek pawl le
kheng pawl.
Siangpahrang Solomon hrangih Huram in a tuahmi hi Biakinn thilri pawl cu ngilzet ih hnawtmi daar an si.
46 Jordan Phairawn, Sukkoth le Zarethan karlak ih daar sernak so-thlam ih tuahmi hlir an si.
47 Daar in tuahmi hi thilri pawl cu Solomon in cuai a thlaiter lo. A tam tuk ruangah cuai ziangzat an rit ti siar cawk ding a si lo.
48 Cuih tlunah Biakinn hrangah Solomon in sui thilri pawl khal a tuahter. Cupawl cu sui biakòheng, sang serh hrangah sui cabuai,Ref 7:48 Suah 25:23-30; 30:1-3;
49 Biakinn sung Hmun Thianghlim Bik sungta khaan hmaiih retmi sui meivannak pahra, thlanglam ah panga, saklam ah panga ret mi; sui pangpar pawl, sui mei-inn pawl, sui caiceh pawl,Ref 7:49 Suah 25:31-40;
50 sui khuathai pawl, sui caicehte pawl, suikheng pawl, rimhmui retnak ih sui pakan pawl, meivam kennak suikheng pawl le Biakinn khaanpi le Hmun Thianghlim Bik luhnak sangka ih sui kopza pawl an si.
51 Solomon in Biakinn hnaòuan a òheh tikah a pa David in Bawipa ih hnenah a rak pekmi sui le ngun le a dang thilri pawl cu Biakinn thilri retnak khaan sungah a zate in a ret òheh.Ref 7:51 2 Sam 8:11; 1 San 18:11;