20
Rolnak Khuapi Pawl
(Mipum 35:9-28; Daan 4:41-43; 19:1-13)
1 Bawipa in Joshua hnenah,
2 “Hitiin Israel mi hnenah sim aw, “Moses hnen ihsin ka lo sim zo vekin mithattu an rolnak ah khuapi pawl hril uh.
3 Tumtahnak zianghman nei lo ih mi a that pangtu an um tikah phuhlamtui phuhlamtu timi hi cuih san ahcun an thahmi ih a sungkhat in phuhlam tengteng a òul tiah an rak zum. hnen ihsin an luatnak dingah nan hrilmi khuapi pawl cu an rolnak hmun a si pei.
4 Mithattu cu hi khuapi pakhatkhat ah a tlan pei ih khuasung luhnak kotka ah cawl tahrat in khuasung upa pawl hnenah a thuhla cu a sim pei. Cuih hnuah khuasung ah an lutter pei ih a umnak hmun an ngaihtuah sak pei.
5 Phuhlam duhtu in cutawk khua tiang a rak dawi asile a kut sungah mithattu cu pe hlah hai seh. Huatawknak zianghman nei lo in a thah pang a si ruangah khuasung mi in an rak hum pei.
6 Khuasung misenpi hmaiih a thu an rel hlan sung le, culai ih Puithiam Sang a thih lai hlan lo, a cuih khua ah a um ringring pei. Cuih hnuah a duh a si ahcun a ra tlannak khua ah a kir theisal ding,” tiin sim aw,” tiah a ti.
7 Curuangah Jordan in nitlaknak lamah Naftali tlangpar ram Galilee pengah Kedesh khua, Efraim tlangpar ram ah Shekhem khua, Judah tlangpar ram ah Kiriath Arba (cucu Hebron) khua,
8 Jordan tiva ihsin nisuahnak lamah Jerikho khua in nisuahnak kapih a ummi tlangrawn ah Reuben hrin pawl ram Bezer khua, Gad hrin pawl ih ramsung Gilead ah Ramoth khua, le Manasseh hrin pawl ih ramsung Bashan ah Golan khua an hril.
9 Hi khua pawl cu Israel mi hrangah siseh, anmah ih lakih a ummi ramdangmi hrangah siseh, an rolnak hrangih hrilmi an si. Tumtahnak nei lo ih mi a that pangtu cu hi khua pawlah hin humhimnak an ngah pei. cutawkah misenpi hmaiah a thu an rel hlanah cun phuhlamtu in an that thei lo ding a si.Ref 20:1-9 Mipum 35:6-32; Daan 4:41-43; 19:1-13;