14
Jordan Ihsin Nitlak Lam Ram An Zem Aw
1 Israel mi ih an lakmi Kanaan ram cu puithiam Eleazar, Nun ih fapa Joshua le Israel miphun hotu pawl in Israel mi hnenah an zem a si.
2 Moses hnenih Bawipa ih thupekmi bangtukin Israel miphun phun kua le a hrek pawl ih co dingmi Jordan ihsin nitlaknak lam ram cu camcawhfung zukg Camcawhfung zuk timi cu lungto in tuahmi Urim le Thummim a si ih Pathian duhnak hawlnak ih an hmanmi a si. in an òhen.Ref 14:2 Mipum 26:52-56; 34:13;
3 Jordan ihsin nisuahnak lam ram cu Moses in Israel miphun phunhnih le a hrek hnenah a pek zo; asinain Levi mi pawl hnenah ram a pek lo.Ref 14:3 Mipum 32:33; 34:14, 15; Daan 3:12-17;
4 Josef ih tesinfa pawl cu òhenhnih ah an òhen aw; Manasseh le Efraim an si. Levi mi pawl cu comi ram an nei lo. Leiram ai ah umnak khuapi an nei ih an caw le an òilva hrangah òilva tlannak leiram an nei.
5 Moses hnenih Bawipa ih thupekmi bangtukin Kanaan ram cu Israel mi pawl in an zem aw.
Hebron Cu Kaleb Hnenah An Pek
6 Gilgal ah Judah mi pawl cu Joshua hnenah an ra. Keniz mi Jefunneh ih fapa Kaleb cun Joshua hnenah, “Pathian ih minung Moses hnenah nangmah le keimah ih thu Bawipa in Kadesh Barnea timi hmunih a simmi cu na thei thluh zo.Ref 14:6 Mipum 14:30;
7 Kadesh Barnea ihsin hi ram thlingthla dingah Bawipa ih siahhlawh Moses ih i thlah tikah kum sawmli ka rak ti. Ka feh hnuah fel zet in Moses hnenah ka theihtersal.Ref 14:7 Mipum 13:1-30;
8 Keimah thawn a fehtu pawl cun misenpi lung an phangter thluh. Asinan kei cun famkim zet in Bawipa ka Pathian ih thu cu ka thlun a si.
9 Cule Moses cun, “ Bawipa ka Pathian ih thu cu famkim zet in na thlun hrangah atu ih na fehnak ram hi nangmah le na tefa pawl in nan co ding,” i ti.Ref 14:9 Mipum 14:24;
10 Cule vun ruat ve hnik! Cutiih Bawipa in Moses hnenih a sim cu kum sawmli le kum nga a si zo. A cuih caan ahcun Israel mi cu nelrawn sungih an feh lai caan a si ih, cuih sungah hin Bawipa in harhdam zet in i kilkhawi ringring a si. Atu ah i zoh hnik aw! Kum sawmriat le kum nga ka si zo.
11 Asinan tuih ni tiang Moses ih i rak thlah lai vek thotho in ka cak lai hrih. Raldo dingah siseh, a dang hnaòuan ding vo ka neihmi ah siseh, ka cak zet lai hrih a si.
12 Cu a si ruangah kha lai ih Bawipa ih i tiamkam cia bangtukin atu ah hi tlangpar ram cu i pe hram aw. Anak mi, mitum zetzet pawl cu ralhruang kulhmi khuapi pawl sungah an um, tiah culai ah ka rak lo sim zo. Na hnenah ka um ding, tiih i tiam cia vekin ka hnenih Bawipa a um ngaingai a si ahcun a cuih Anak pawl cu ka dawi thluh ko ding,” tiah a ti.
13 Cutikah Joshua in Jefunneh ih fapa Kaleb cu thluasuah a pe ih a covo ah Hebron khua a pek.
14 Keniz mi Jefunneh ih fapa Kaleb in Israel ih Pathian Bawipa ih thu fel zet ih a thlun ruangah Hebron cu tuih san tiangin Kaleb tefa pawl ih ram a si.
15 A cuih hlanah Hebron cu Kiriath Arba khua tiah an ko. Arba cu Anak miphun lakih mi nasa bik a rak si.
Cuticun an ram cu ral nei lo in a cawl.