43
Izipt Ah Jeremiah An Thlenpi
1 Bawipa an Pathian in an hnenah sim dingih i fialmi hmuahhmuah cu misenpi hnenah ka sim òheh.
2 Cutikah Hoshaiah ih fapa Azariah le Kareah ih fapa Johanan le mi puarthau pawl in, “Na thuphan a si. Bawipa kan Pathian in Izipt ram feh lo dingah le um lo dingih sim dingah a lo thlah lo a si.
3 Babilon mi pawl in kan tlunah thu an neih ih in thah theinak dingah, asilole Babilon ih in fehpi theinak dingah Neriah ih fapa Baruk in thusia a lo forh a si,” tiah in ti.
4 Cuticun Judah ram sungih um dingah Bawipa ih thupekmi cu Johanan in siseh, ralbawi pawl in siseh, misenpi pawl khalin siseh, zohman in an thlun duh lo.
5 Cule Johanan le ralbawi pawl in Judah ram ih a tangmi pawl hmuahhmuah le òhekdarh òheh an sinak ram ihsin a ra kirtu pawl hmuahhmuah cu Izipt ram ah an fehpi.
6 Mipa, nunau, nauhak le siangpahrang fanu pawl tla an fehpi òheh. Gedaliah ih kilkhawi dingah Babilon ralkap hotu ralbawi Nebuzaradan ih a retmi hmuahhmuah pawl le, Baruk le keimah tiangin in hruai òheh a si.
7 Bawipa ih thupekmi cu ngai lo in Izipt ram Tahpanhes khua tiang an vung feh a si.Ref 43.5-7 2 Siang 25:26;
8 Cutawkah Bawipa in ka hnenah,
9 “Lungto tum pipi la awla hi khuapi sung acozah inn luhnak hmaiih lamzin phah mi phahlei hnuai ah phum aw; cuti na tuah cu Israel mi hrekkhat in lo hmu hai seh.
10 Cungnungbik Bawipa, Israel ih Pathian keimah in i riantu Babilon siangpahrang Nebuchadnezzar cu hi hmunah ka runter dingih cuih na phummi lung tum pipi parah cun a siangpahrang tohkham a hung dingih an tlunah a siangpahrang puanthlam a zaar ding, ti thu sim aw.
11 Nebuchadnezzar a ra dingih Izipt cu a neh ding. Natnak in thi dingih ruahciami pawl cu natnak in an thi ngaingai ding; sal kaih dingih ruahciami pawl cu sal kaihmi an si ngaingai ding; ral kut in thi dingih ruahciami pawl cu ral kut in an thi ngaingai ding.
12 Izipt ram khawzing pawl ih biakinn pawl cu meisa in ka ur ding. Babilon siangpahrang in an khawzing pawl cu meisa in a ur ding, asilole a phurhlo ding. Tuukhal in a hnipuan parih hrik a lak òheh ih a faiter vekin Babilon siangpahrang in Izipt ram cu a faiter dingih nehtu a si hnuah Izipt ram ihsin a fehsal ding.
13 Izipt ram Heliopolis ih a zarhmi lungto phunmi pawl cu a balcim òheh dingih an khawzing biakinn pawl cu a ur òheh ding a si,” tiah ka ti.