4
Sualsir Dingih Kawhnak
1 Bawipa in, “Maw Israel mi pawl, kirsal nan duh ahcun ka hnenah ra kirsal uh. Ka ningsin zetmi milem biaknak cu nan hlon ih ka hmaiah rin tlak le hngetkhoh ih nan um ahcun,
2 ka hmin saal in siatserhnak nan tuah tikah thudik le dingthluk lairelnak le dingfelnak thawn nan tuah a si ahcun nan hrangah a òhami a si ko ding. Cuticun miphun hmuahhmuah in an parih thluasuah pe dingah in dil dingih in thangòhat ding a si,” a ti.
3 Bawipa in Judah mi le Jerusalem khua mi hnenah, “Nan leileh hrih lomi cu let thlang uh, nan thlaici cu hling lakah vorh hlah uh.Ref 4.3 Hos 10:12;
4 Maw Judah mi le Jerusalem mi pawl, nan Bawipa keimah thawn nan tuahmi thukam kimternak in ka hmaiah serhtanmi si uh; cuticun ka hrangah thianghlim zet in hlanaw uh. Cutiih nan tuah lo asile thil nan tuahsual ruangah nan parah ka thinhennak cu meisa bangin a alh dingih a mit theitu zohman an um lo ding,” tiah a ti.
Judah Hrang Raldonak A Thleng Ding
5 Hi ramsung khuazakip ah
tawtawrawt tum uh,
Ring zet le fiang zet in tum uh.
Judah mi le Jerusalem mi pawl cu
ralhruang ih kulhmi khuapi
sungih tlan dingin sim uh.
6 Zion fehnak lamzin hmuh uh;
Himnak hmunah tlan uh;
Muangcang hlah uh!
Bawipa in harsatnak a thlenter ding;
Saklam ihsin a nasa zetmi
siatralnak a thleng ding.
7 A relhnak ihsin kiosa a rat vekin,
Ram tampi siatsuahtu a tho zo;
Judah siatsuah dingin a ra lai rero.
Judah khua pawl cu khuarop ah
an cang òheh dingih,
zohman a sungah an um lo ding.
8 Curuangah buri hnipuan hruk uhla,
òap-ai in rak ciamco uh;
Ziangahtile Bawipa ih
thinhennak cu Judah par ihsin
a kiang hrih lo a si.
9 Cule Bawipa in, “Cuih ni ahcun siangpahrang le a kuthnuai bawi pawl ih ralòhatnak a cem ding. Puithiam pawl an khawruah a har dingih profet pawl khal mangbang in an um ding,” a ti.
10 Cutikah kei in, “Maw Cungnungbik Bawipa, Jerusalem mi pawl hi nasa zet in na bum hai a si hi! Daihnak a um ding, tiah na sim nain ralnam cu an hngawng thawn a dai aw thlang a si,” tiah ka ti.
11 Jerusalem mi pawl lamah nelrawn ih tlangram ihsin thlipi nasa zet in a hrang ding ti simfiang ding can a thleng zo a si. Cuih thli cu meisa vekih a sami thlipi a si ding. Fanghi a semtu thlizil nem a si lo ding.
12 Bawipa ih thupek in a ra hrangmi thli cu cuhnak ih a cak deuhmi thli a si ding. Cuih thli cu a minung pawl parih thu òhennak a si dingih thu a petu cu Bawipa amah a si ding.
Judah Ram Ral In An Kulh
13 Zoh hnik uh, ral pawl khawdur bangin an ra. An rangleng pawl cu phusing thli hnakin an cak deuh ih an rang pawl cu muvanlai hnakin an zamrang deuh. Kan lamzin a pit! Kan cem a si!
14 Maw Jerusalem, thilsual na tuahmi pawl cu na thinlung ihsin kholhfai òheh awla cutiin runnak na ngah ding. Ziangtik tiang so thilsual cu na thinlung in na ngaihtuah hrih ding?
15 Dan khua le Efraim tlangpar ram ihsin thuthang sia thantu dingah tirhmi an ra thleng.
16 Ral pawl ram hlapi ihsin an ra ding tiah miphun pawl le Jerusalem ralrinnak pe dingah an ra a si. Ral pawl in Judah khua pawl cu an auh dingih,
17 mi in an lo an kil vekin Jerusalem khuapi cu an kulh òheh ding. Ziangahtile a minung pawl in Bawipa an dodal in ral an tho a si. Bawipa in a sim zo.
18 Maw Judah, na nun zia le na thil tuahmi in hi thil poimawh cu na parah na thlengter. Na sualnak in hi tuarnak cu a suahter. Feipi bangin na thinlung a lo sun zo a si.
Jeremiah A Riah A Sia
19 A va na ve! A nat ka tuar thei lo!
Ka thinlung a na! Ka thin a tur dukdo!
Dai tein ka um theilo.
Tawtawrawt tum thawm ka thei!
Raldonak au thawm ka thei.
20 Siatralnak pakhat hnu pakhat an thlun aw;
Ram pumpi cu hnawmpen ah a cang;
Rinlopi in kan puanthlam pawl cu
siat òheh an si.
An puanzar pawl cu an thlek òheh a si.
21 Ziangtik tiang so raldo awknak thawm hi
ka theih dingih,
Tawtawrawt tum thawm cu
ka theih hrih ding?
22 Bawipa in,
“Ka minung pawl hi an aa a si;
Keimah in thei nawn lo,
Nauhak aa vek an bang;
Theihthiamnak zianghman an nei lo.
Thilsual tuah cu an thiam zet,
Asinan thil òha cu an tuahsuak
dah lo,” a ti.
Jeremiah In Siatralnak A Hmu Cia
23 Leilung ka zoh ih òiosanmi
ramòhing le hnawmpen a si.
Van ka hun zoh ih tleunak
zianghman a um lo.
24 Tlangsangpi ka zoh ih, an hnin aw durdo;
Tlang fate pawl an seep aw rero.
25 Milai zohman an um nawn lo;
Vate pawl khal an zamhlo òheh zo.
26 Ramòha zet cu nelrawn ah a cang zo.
Bawipa ih thinhennak ruangah
an khuapi pawl cu hnawmpen ah
an cang òheh zo.
27 Bawipa in, “Leilung pumpi cu
ramòhing ah a cang ding,
asinain ka siatter òheh lo ding,” a ti.
28 Leilung cu mithi a ngai ding;
Van tla khi a thim òheh ding.
Bawipa in a sim zo ih
a thinlung a thleng nawn lo ding.
A thu a ruat cat zo ih,
dungah a siip nawn lo ding.
29 Rang ralkap le conkiang ralkap
pawl ih thawmvang an theih tikah
zokhal an tlan òheh ding.
Mihrek cu tupi sungah an relh ding,
Midang cu lungkhaam ah an van ding.
Khua hmuahhmuah in a òhing òheh
dingih milai zohman
an umsal nawn lo ding.
30 Maw Jerusalem, na cem riai a si!
Ziangahso hnipuan sen in
na thuamawk ciamco?
Ziangahso nan sui le nan ngun hlawnthil
nan suah ih, nan thuam awk hi?
Ziangahso nan mit tla mawinak sii nan hnih?
A lakah nan mawi awter men a si!
A lo ngaitu na tlangval pawl in
an lo hnong zo ih,
thah an lo tum sawn a si.
31 Nunau nau neih tikih ai thawm
bangtuk ka thei;
Fatir nau neih ih òah ai thawm vek a si.
Cumi cu Jerusalem in
a thaw a thawt thei lo ih ai thawm a si.
A kut a hun thlir ih,
“Kei cu ka cem zo e,
Keimah thah dingah an ra zo,”
tiih a ainak thawm a si.