39
Jerusalem An Lak
1 Zedekiah in Judah siangpahrang a òuannak kum kua kum, thla hra thla ah Babilon siangpahrang Nebuchadnezzar cu a ralkap zate thawn a ra ih Jerusalem a do.
2 Zedekiah in siangpahrang a òuannak kum hleikhat kum, thla li thla, ni kua ni ah khuakulhnak phar dawl cu an bal thei a si.
3 Jerusalem khuapi an lak tikah Babilon siangpahrang kuthnuai ih bawi upa hmuahhmuah an ra ih Kotka Lai an timi ah an to. Cupawl cu Nergal Sarezer, Samgar Nebo, Sarsekhim le a dang Nergal Sarezar an si.
4 Cumi cu siangpahrang Zedekiah le a ralkap pawl in an hmuh tikah khuapi sung ihsin zan ah tlanhlo an tum. Siangpahrang hmuan sung lamzin ihsin an suak ih khuapi kulhnak phar thuah hnih a pehtu kotka zin in an feh ih Jordan phairawn lamzin in an tlan.
5 Sikhalsehla Babilon ralkap pawl in an dawi ih Zedekiah cu Jerikho khua kiang hmunrawn ah an kai. Cule siangpahrang Nebuchadnezzar hnenah an fehpi. Nebuchadnezzar cu Hamath peng sung Riblah khua ah a rak um ih cutawkah cun Zedekiah ih thu cu a rel.
6 Riblah khua ahcun Zedekiah ih fapa pawl cu an pa ih hmuhhngan ah Nebuchadnezzar in a thah; Judah ramsung bawi upa pawl khal a that òheh.
7 Cuih hnuah Zedekiah ih mit a phorh ih Babilon ih fehpi dingah thir cikcin in a khih.
8 Cutiih an tuah lai ah Babilon ralkap dang pawl in siangpahrang inn le misenpi inn pawl an ur ih Jerusalem khuakulhnak phar dawl tla an bal òheh.
9 Netabik ah an ralkap pawl hotu ralbawi Nebuzaradan in Jerusalem khuapi sungih a tang hrihmi pawl le amah hnenih a ra tlantu pawl kha sal ih tang dingah Babilon ah a hruai a si.
10 Judah ram ah mifarah bik pawl, thilri le loram zianghman a nei lo pawl a òan ih sabit hmuan le lo pawl a pekta.
Jeremiah An Suah
11 Cule siangpahrang Nebuchadnezzar in ralkap hotu ralbawi Nebuzaradan hnenah thu a pe ih,
12 “Jeremiah hawl ah feh awla òha tein va kilkhawi aw. Zianghman harsatnak pe hlah aw. A duhmi hmuahhmuah tuah sak sawn aw,” tiah a ti.
13 Curuangah Nebuzaradan le bawi dang Nebushazban le Nergal Sarezer le a dang bawi upa dangdang pawl an ra òheh ih,
14 siangpahrang inn kiltu pawl umnak inn ih in retnak ihsin in ra suah. Keimah humhim dingih òuanvo an pekmi Ahikam fapa le Shafan ih fasuan a simi Gedaliah ih kuthnuai ah in ret. Cuticun ka miphun pawl lak ahcun ka um.
Ebedmelek Hrangah Ruahsannak
15 Siangpahrang inn kiltu pawl umnak inn ih in ret lai ah Cungnungbik Bawipa, Israel ih Pathian in,
16 “Sudan mi Ebedmelek hnenah sim aw: ‘Ka tuah ding ka ti bangtukin hi khuapi hnenah hin òhansonak si lo in siatsuahnak ka thlengter ding. Cumi tikcu a thlen tikah a hmutu na si ve ding.
17 Asinan keimah Bawipa in nang cu ka lo hum dingih na òih mi pawl hnenah pek na si lo ding.
18 Ka lo humhim dingih zohman in an lo that lo ding. Keimah i rinsan zo ruangah na nunnak cu a him dingih na luat ding a si. Keimah Bawipa in ka sim zo,’ va ti aw,” tiah a ti.