35
Jeremiah Le Rekhab Mi pawl
1 Josiah ih fapa Jehoiakim cu Judah siangpahrang a si lai ah Bawipa in ka hnenah,Ref 35.1 2 Siang 23:36-24:6; 2 San 36:5-7;
2 “Rekhab miphun pawl ih innsang hmuahhmuah ah va feh awla thu va sim aw. Biakinn sungih a khaan pakhatkhat sungah rak hruai awla sabitti pe hai aw,” tiah i ti.
3 Curuangah Rekhab hrin pawl, Habazziniah ih fapa Jeremiah dang ih fapa Jaazaniah le a unau pawl le a fapa pawl cu,
4 Biakinn ah ka hruai. Igdaliah ih fapa profet Hanan ih dungthluntu pawl ih khaan ah ka umter hai. Hi khaan cu Biakinn ih thuneitu bawi a simi Shallum ih fapa Maaseiah khaan tlunah a si ih bawi dangdang pawl ih khaan kiangah a si.
5 Cule khuat le pakan kuum khat in sabitti Rekhab mi pawl hmai ahcun ka ret ih, “Sabitti in uh,” ka ti.
6 Asinan annih in, “Sabitti kan in lo. Kan pu Rekhab ih fapa Jonadab in kanmah siseh, kan tesinfa pawl siseh, sabitti nan in hrimhrim lo pei in ti.
7 Inn sak khalin kham; lo thlawh le sabit hmuan tuah khalin siang lo; a lei khal nan lei lo pei, a ti. Hi ramsung mikhual vekih kan umnak ram ahhin kan um suah theinak dingah puanthlam sungih um ringring dingah thu in pek a si.
8 Jonadab ih in simmi le a thupekmi hmuahhmuah cu kan thlun òheh. Kanmah in sabitti kan in dah lo; kan nupi pawl, kan fanu le kan fapa pawl khalin an in dah lo a si.
9-10 Kan umnak kan inn hrangah tiah inn kan sa dah lo; Puanthlam sungah kan um; sabit hmuan le lo le rawl tla kan nei lo. Kan pu Jonadab thupekmi hmuahhmuah in kim tein kan thlun òheh a si.
11 Sikhalsehla siangpahrang Nebuchadnezzar in hi ram a do tikah Babilon ralkap le Siria ralkap pawl òih ah kan tlan ih Jerusalem ah feh uh si kan tiih curuangah atu Jerusalem ah kan um a si,” tiah an ti.
12-13 Cutikah Cungnungbik Bawipa, Israel ih Pathian in Judah le Jerusalem mi hnenah feh dingah le hitiih va sim dingah i fial, “Keimah Bawipa in, ziangahso ka thusimmi nan ngai duh lo ih ka thupekmi nan thlun duh lo? tiah ka lo sut.
14 Rekhab miphun cu an pu Jonadab ih thupekmi kha a tesinfa pawl in an thlun ih tuih sun tiangin zohman in sabitti an in lo. Asinan nannih cu ka lo sim rero nain ka thu nan thlun duh lo.
15 Ka sal profet pawl pakhat hnu pakhat nan hnenah ka thlah rero ih a dikmi tuah ih thilsual tuahnak nuncan tlansan dingah an lo sim rero. Nan pupa pawl le nanmah hnenih ka lo pekmi hi ram ahhin nan um thei ringringnak dingah Pathian dang pawl rian lo ding le bia lo dingah an lo sim, ralrinnak an lo pek. Asinan ka thusimmi cu nan ngai lo ih zianghman ah nan siar lo.
16 Jonadab ih tesinfa pawl cun an pu ih thupekmi an thlun nain nannih pawl cun ka thu nan thlun lo a si.
17 Curuangah nannih Judah mi le Jerusalem mi pawl nan parah keimah Cungnungbik Bawipa, Israel ih Pathian in ka lo tiam cia mi siatsuahnak hmuahhmuah ka thlenter ding a si. Hibangtuk in nan parah ka thlenter ding, ziangahtile nan hnenih ka òong tikah nan ngai duh lo ih ka lo ko hai tikah in awi duh fawn lo,” tiah a ti.
18 Cule Rekhab hrin pawl hnenah, “Cungnungbik Bawipa, Israel ih Pathian in ‘Nan pu Jonadab ih thupekmi cu nan thlun òheh zo; a thuzirhmi tla nan ngai ih a lo simmi daan hmuahhmuah nan tuah òheh a si.
19 Curuangah keimah Cungnungbik Bawipa, Israel ih Pathian in thu ka lo kam. Rekhab fapa Jonadab in keimah riantu dingah tesinfa fapa cat lo in a nei ringring ding,’ a ti,” tiah ka sim.