17
Judah Sualnak Le Hremnak
1 Bawipa in, “Maw Judah mi pawl, nan sualnak hi thirzum in ngan an si; nan thinlung parah lungvar hriam in ngan an si ih nan biakòheng kil ah khen an si.
2 Nan minung pawl in khawzingnu Asherah hrangih an tuahmi hramlak tlangsang parah le tlangniam par khalah, thinghring hmuahhmuah hnuai khalah biakòheng an dawlmi le,
3 Òhuam thianghlim an phunnak kipah khawvang an biak. Nan ram sungih sualnak nan tuahmi ruangah nan thilri le nan sumsaw longtu dingah nan ral pawl ka thlah ding.
4 Ka lo pekmi nan ram cu nan suahsan dingih midang kut ah nan ap a òul ding. Nan theih dah lomi ram sungah nan ral pawl nan rian ding; ziangahtile ka thinhennak cu meisa bangtuk a si ih kumkhua in a alh ding,” a ti.
5 Bawipa in,
“Ka hnen ihsin a tlan ih
milai a rinsantu,
milai cahnak men a rinsantu cu,
Keimah in ka hnong ding.
6 Amah cu nelrawn ih a khomi
hrambur vek a si;
Ramcar le ramòhing,
leilung alnak ram,
Zianghman a khoh thei lonak ih
hrambur vek a si.
A hnenah thil òha zianghman
a thleng dah lo.
Bawipa Ih Òongmi A Phunphun
7 “Sikhalsehla keimah i rinsantu cu,
Bawipa ah rinsannak a neitu cu,
thluasuah ka pe ding.
8 Tiva kiangih a khomi thingkung,
a hram tidai a thlengmi thingkung
bangtuk a si.Ref 17.8 Saam 1:3;
Òhal caan nisa khal a òih lo,
A hnah a hring ringring.
Ruah a sur lo khalah a phang lo,
9 “Milai ih thinlung cu
zoso a theithiam ding?
Ziangdang hnakin mibum hmang bik a si;
Damter dingah a har zet,
a natnak a besia tuk!
10 Keimah Bawipa in
milai ih thinlung cu ka hmu ih
an sunglam thil ka hniksak.
Mikip an nuncandan in ka zoh ih,
An tuahmi vekin ka tuah rul ve,” a ti.Ref 17.10 Saam 62:12; Thup 2:23;
11 A dik lo in tangka a khawl vivotu
minung cu, mah ih ti lo ti a optu
vate vek a si.
A sanòhat laitak ah a lennak a sung ding.
A netnak ahcun zianghman a si lo
12 Kan Biakinnpi hi siangpahrang
tohkham sunglawi vek a si;
A hramthok ihsin tlangsang parah a ding.
13 Maw Bawipa,
nangmah cu Israel ruahsannak na si.
Nangmah a lo hnongtu cu mual an pho ding.
Vunnel parih hmin nganmi vekin
an hlo ding;
Nunnak tidai Bawipa nangmah
an lo hnon ruangah.
Jeremiah In Bawipa Bomnak A Dil
14 Maw Bawipa, i damter awla, ka dam ngaingai ding; i run awla ka him taktak ding. Ka thangòhatmi cu nangmah lawng na si.
15 Misenpi in ka hnenah, “ Bawipa in, in hro le in òhihòhaihnak òongkam cu khuiahso a si? Kimter ngaingai hnikseh,” an ti.
16 Asinan maw Bawipa, an parih harsatnak thlenter dingah ka lo forhfial dah lo. Harsatnak an ton cu ka saduhthah a si lo. Maw Bawipa, cumi cu na theihmi a si, ka òongmi khal na thei ko.
17 Ka hrangah òihnungza si hram hlah aw; harsatnak a thlen tikah nang cu ka himnak na si.
18 I hremtu pawl parah ningzahnak thlenter aw; asinain Bawipa kei cu i luatter hram aw. Annih cu thlaphannak in khahter aw; asinain kei cu i òihter hram hlah. An parah vansiat malmaknak thlenter awla annih cu dengkuai òheh aw.
Sabbath Ni Ulh Daan
19 Bawipa in ka hnenah, “Jeremiah, Misenpi Kotka timi Judah siangpahrang pawl khuasung ih an luh an suahnak ah va feh awla ka thu va phuang aw; cuih hnuah Jerusalem kotka dang tla ah va feh aw.
20 Siangpahrang pawl le Judah mi hmuahhmuah le Jerusalem khuasung mi hi kotka ihsin a suak a lutmi pawl cu hi ka thusimmi ngai dingah va sim aw.
21 An nunnak an ui a si ahcun Sabbath ni ah thil phur hlah hai seh; Jerusalem kotka ihsin ziangthil hman luhpi hlah hai seh.Ref 17.21 Neh 13:15-22;
22 An inn ihsin Sabbath ni ah zianghman suahpi hlah hai seh. Sabbath ni ah hna an òuan lo pei. An pupa pawl hnenih thu ka pek vekin Sabbath ni cu nizarh a si ih an ul pei.Ref 17.22 Suah 20:8-10; Daan 5:12-14;
23 An pupa pawl cun ka thu an ngai lo ih an poisa fawn lo. An lung a ruh ih ka thu an thlun lo, an zir duh fawn lo.
24 Ka thupekmi thlun hrimhrim dingin misenpi pawl sim aw. Hi khuasung ah ziang thil hman phur in Sabbath ni ah an luhpi lo pei. Sabbath ni cu nizarh a si ruangah an ul pei ih ziang hna hman an òuan lo pei.
25 Cutin an tuah asile an siangpahrang le an bawi pawl cu Jerusalem kotka ah an lut dingih siangpahrang David bangin huham an nei ve ding. Judah mi le Jerusalem mi pawl thawn hmunkhat ah an rang le rangleng parah an to dingih Jerusalem khuapi sungah minung an khat ringring ding.
26 Judah khua pawl in le Jerusalem khua kiangkap khuate pawl ihsin mi tampi an ra ding; Benjamin ram, tlanghram pawl ram, tlangpar ram le Judah ram thlanglam ihsin tla an ra ding. Ka Biakinn sungah mei-ur thawinak le thawinak dangdang, sangphut thawinak le rimhmui pawl, lungawinak hrangih pekmi khal an rak keng ding a si.
27 Sikhalsehla ka thu an thlun ih Sabbath ni cu nizarh a si ruangah an ulh a òul a si. Hi ni ah Jerusalem kotka sungin ziangvek thil hman an phur lo pei; an phurh asile Jerusalem kotka cu meisa in ka ur ding. Jerusalem siangpahrang inn pawl khal meisa in a kang dingih a hmit theitu zohman an um lo ding,” tiah a ti.