12
Jeremiah In Bawipa Thu A Sut
1 “ Bawipa, nang cu a dingmi na si;
Ka thuhla na hnen ka thlenter khalle
na dik thotho ding.
Asinan ka lo sut duhmi thu a um:
Ziangahso miòha lo pawl
an òhangso vivo?
Ziangahso mi depde pawl
an hlawhtlin?
2 Nangmah in na phunhnget ih
hram an nei;
An òhangih rah an rah.
An òongkam cun an lo porh zet,
Asinan an thinlung cun
zianghman ah an lo siar lo.
3 Sikhalsehla Bawipa nang cun i thei;
Ka thil tuahmi na hmu ih
ka lo duh zia khal na thei.
Hi miòha lo pawl hi thah dingmi
tuu bangin hnuk aw;
An thih ni a kim hlan lo
tlanhlo lo dingin kil aw.
4 Ziangtik tiang so kan ram hi a car ding?
Ziangtik tiang so kan ram pumpi ih
hrampi hi a vuai ding?
Ramsa le vate khal an thi rero.
‘Pathian in kan tuahmi a hmu lem lo!’
a titu minung pawl ih
sualnak ruangah a si,” a ti.
5 Bawipa in, “Maw Jeremiah,
Minung hman tlan na zuam thei lo a si ahcun,
ziangtinso rang cu tlan na zuam thei ding?
Lenkolh hmanih na din thei lo a si ahcun,
ziangtinso Jordan tiva kap hramrul lakah
na din thei ding?
6 Na unau pawl, na innsang sungih
sungtel pawl hman in,
an lo phiar ih a lo dotu ah an tel a si.
Annih cu zum hlah,
an òongkam a òhat hmanah,” tiah i ti.
Bawipa A Riahsia
7 Bawipa in, “Israel ka dungtun zo,
Ka hril cia mi miphun cu ka hnong zo a si.
Ka duh zetmi ka minung pawl cu,
an ral pawl ih kut sungah ka san zo a si.
8 Ka hrilcia minung pawl in, in dodal,
Tupi sung kiosa bangin
ka parah an huuk an raak;
Curuangah ka hua hai a si.
9 Ka hrilcia ka minung pawl cu kakip ihsin
khaupi ih dawimi vate vek an si.
An sa einak puai ah ramsa pawl khal ko uh.
10 Ramdang uktu pawl in
ka sabit hmuan an siatsuah òheh;
Ka loram an palbeek òheh ih,
duhnungza a simi ka ram cu
nelrawn ah an canter.
11 Tlansanmi ram ah an canter ih,
Ka mithmuh ah hramlak
ramòhing ah a cang;
A ram pumpi in nelrawnah a cang ih
zohman in an poisa lo.
12 Nelrawn ramòhing tlangsang par
khuazakip ah,
Mi long ding le ram dingah
siatsuahtu an ra;
Ram pumpi khatlam deng ihsin
khatlam deng tiang siatsuahtu cu
Bawipa ih ralnam a si.
Zohman hnangamnak thawn an um thei lo.
13 Ka minung pawl in sangvut an ciing;
asinain hling le so lawng an khawm;
Harsazet in hna an òuan,
asinain zianghman an ngah lo.
Ka thin a hengtuk ruangah,
an thlaikho rah an nei lo,” a ti.
Bawipa Ih Thukamnak
14 Bawipa in, “Ka minung Israel mi pawl ih ram a siatsuahtu, Israel ram kiangih a ummi ram pawl hnenah sim ding ka nei. Cuih miòha lo pawl cu phawi mi thingkung bangin an ram ihsin ka phawisuak dingih an hnen ihsin Judah mi pawl cu ka hum suak ding.
15 Asinan cutiih ka phawisuak hnu ahcun an parah zangfahnak ka neisal dingih an khua le an ram ciar ah ka hruai kirsal ding a si.
16 Baal khawzing hmin in ka minung pawl siatserhnak an rak zirh nain atu ah ka hmin in siatserhnak an zir ih, ‘ Bawipa a nun bangin,’ an ti ih an thinlung ngai in ka minung pawl ih biaknak an pom a si ahcun ka miphun ah an cang ve dingih an òhangso ve ding.
17 Sikhalsehla miphun pakhatkhat in a thlun duh lo ahcun cuih miphun cu ka phawisuak dingih ka siatsuah ding. Keimah Bawipa in ka sim zo a si,” tiah a ti.