2
Jonah Thlacamnak
1 Jonah cun ngapi pum sung ihsin Bawipa a Pathian hnenah thla a cam:
2 “Ka vansannak sungin
Bawipa ka ko ih amah in i thei.
Mithi khua ihsin bomnak ka dil,
Ka aunak cu i thei zo.
3 Nangmah in tipi thuk sungah i hlon,
Tipi laifang tawne ahcun!
Tilik in, in khuh;
Na tilet le na thlisia pawl cu
ka par ihsin an liam vivo.
4 Na mithmuh ihsin dawimi ka si ih
Na Biakinn thianghlim cu ka hmu
nawn lo ding, tiah ka ruat.
5 Ka kiangih tidai pawl cun ka thaw in phit;
In khuh òheh, tipithuanthum cun!
Tisung hrampi in ka lu in tuam.
6 Tlang saangpi hram ahcun ka pil vivo;
Kotkhar in kumkhua ih
hrennak ram ahcun!
Asinan maw Bawipa ka Pathian,
khur sung ihsin ka nunnak cu na suah.
7 Ka nunnak cu ka sungih
a cem cuahco tikah,
Bawipa cu ka hun mangsal.
Ka thlacamnak na hnenah a thleng,
Na Biakinn thianghlim sungah cun.
8 Santlai lo milem a betu pawl cun
Pathian zangfahnak an tlansan.
9 Sikhalsehla kei cun na hnenah
lungawinak hla thawn
thawinak ka lo pe ding.
Ka thukammi cu ka kimter ding,
Rundamnak cu Bawipa ih
hnen ihsin a ra,” tiah a ti.
10 Cule Bawipa in ngapi a fial ih
Jonah cu leilung parah a luaksal a si.