7
Gideon In Midian Mi A Neh
1 Gideon (Jerub Baal) le a milai pawl cu zingpit in an tho ih Harod Cerhti kiangah an riak. An saklam Moreh tlang kiangih hmunrawn ah Midian pawl an riak.
2 Cule Bawipa in Gideon hnenah, “Midian pawl neh dingah ka hrangih na neihmi ralkap an tam tuk. Keimah hnenih thangòhatnak si sawn lo in anmah ih thazang ih neh bangin tluangkhawnnak ah an hmang pang ding.
3 Na milai pawl hnenah than awla, òihnak a neimi hmuahhmuah cu Gilead tlang ihsin inn ah kir hai seh,” tiah a ti. Cutikah minung thawng kul hluanhnih an kir ih minung thawnghra an tang.Ref 7:3 Daan 20:8;
4 Cule Bawipa in Gideon hnenah, “Na milai an tam tuk lai thotho. Tiva ah vun fehpi awla keimah in ka lo òhen sak ding. Na hnenah feh seh, ka timi cu a feh pei. Na hnenah feh hlah seh, ka timi cu a feh lo pei,” tiah a ti.
5 Cutiin a milai pawl cu Gideon in tiva ah a vun fehpi ih, Bawipa cun, “Uico bangtukin a lei in tidai a liak ih a intu pawl le khukbil tahrat ih tidai a intu pawl òhen aw,” tiah a ti.
6 An sumpi in tidai a la ih a liaktu cu an zate in zathum an si. A dang pawl hmuahhmuah cu an khuk an bil ih tidai cu an in fingfing.
7 Cutikah Bawipa in, “Ka lo bawm dingih tidai a liaktu minung zathum thawn Midian mi pawl cu nan neh ding. A dang pawl cu tlung hai seh,” tiah Gideon hnenah a ti.
8 Cuhrangah minung zathum siar lo a dang Israel mi hmuahhmuah cu an inn ciar ah a tlunter; asinain an lamcaw le an tuucangki tawtawrawt pawl cu an taan thluh. Midian mi pawl ih riahbuk cu an umnak ihsin thuailam horkuam ah a si.
9 A cuih zan cu Bawipa in Gideon hnenah, “Hmakhat teah vung feh awla Midian mi pawl cu an riahnak ah vung nam aw. Ziangahtile na kut sungah nehnak ka lo pe ding a si.
10 Sikhalsehla na òih a si ahcun na hnenumpa Purah thawn vung feh hmaisa uh.
11 An òongmi pawl nan thei pei ih do dingah na ngam ding,” tiah a ti. Curuangah Gideon le a hnenumpa Purah cu an ral pawl ih umnak kiang tontir ralvennak tiang an vung feh.
12 Midian mi, Amalek mi le nelrawn miphun pawl cu a cuih kuam ahcun a ram ih kipah kharbokj kharbok timi hi cuih ram, cuih san ahcun kharbok tam ngaingai in an suak ih lorawl khal an ei thluh òheu. Leilung ih an vak asile peng hnih tla an khuh òheh; an zam asile ni tla an phen thei. bangin an tor; an kalauk an tam zia cu tifinriat kap ih vunnel zat an si.
13 Cule Gideon cutawkih a vung thlen tikah mipa pakhat in mang a man ih a cuih a mang cu a rualpi pakhat hnenih a sim rero lai kha a thei. “Ngai hnik! Ka mang ah barli sangvut ih tuahmi sang zawlkhat kan riahnak ahhin a rung ril. Kan riahnak ih puanthlam pakhat a run ngah ih a cuih puanthlam cu a tlu; a tluk hnuah a linglet aw ih lei parah a pharh aw,” tiah a ti.
14 Cutikah a rualpi cun, “Na mang ih tican cu Joash ih fapa, Israel mi Gideon ih ralnam a si; a tican hi thil dang a si hrimhrim lo ding. Midian mi pawl le kan ralkap hmuahhmuah cu Pathian in Gideon kut ah a pek zo a si,” tiah a ti.
15 A cuih mang le a tican cu Gideon in a theih tikah khukbil in Bawipa a biak. Cuih hnuah Israel mi pawl ih riahnak ah a feh ih, “Tho uh! Midian ralkap pawl parah Bawipa in nehnak a lo pek ding a si,” tiah a ti.
16 Cule a ralkap zathum pawl cu òhenthum ah a òhen ih tawtawrawt pakhat fingfing le a sungih meisa van cia mi thawl pakhat fingfing a pek.
17 “Midian ralkap pawl riahnak kiang kan thlen tikah keimah i zoh uhla ka tuahmi vekin tuah uh.
18 Keimah le ka minung pawl in kan tawtawrawt kan tum tikah an riahnak kimvel in nan tawtawrawt nan tum ciar pei ih, “ Bawipa hrang le Gideon hrangah,” tiah napi in nan au pei,” tiah a ti.
19 Gideon le a minung zakhat pawl cu zanòim hlan deuh ah Midian ralkap pawl riahnak kiang tontir ralvennak an thleng ih riahbuk kiltu ralveng pawl an rak thleng awk pekte a si. Cutikah an tawtawrawt cu an tum ih an kenmi thawl cu an khuai ciamco.
20 An bu thum in an tawtawrawt cu an tum ih an thawl an khuai. An kehlam kut in meisa an khai ih an vorhlam kut in tawtawrawt an keng. “ Bawipa hrang le Gideon hrangah ralnam!” tiin an au ciamco.
21 An riahnak kiangih an dinnak hmun ciar ahcun an ding. Cule Midian ralkap pawl cu mangbang in an au phah ih an tlan ciamco.
22 Cutiih minung zathum an tawtawrawt an tum rero lai ahcun Midian ralkap pawl cu Bawipa in anmah le anmah a thah awkter. An zam ih Zererah lamah Beth Shittah tiang, cule Tabbath kiangih Abel Meholah khua tiang an zam.
23 Naftali miphun, Asher miphun le Manasseh miphun sungin ralkap an ko aw ih Midian mi pawl cu an dawi.
24 Cule Gideon in Efraim tlangpar ram hmuahhmuah ah mi a thlah ih, “Rung uhla Midian mi pawl rung do uh. An tlansuak lonak dingah Jordan tiva le tivate dang pawl ihsin Bethbarah tiang rak khan hai uh,” tiah a cah. Efraim mi pawl cu a ko khawm ih Jordan tiva le tiva dang pawl ihsin Bethbarah tiang an khan khelh hai.
25 Midian bawi pahnih, Oreb le Zeeb, an kai. Oreb Lungto ah Oreb cu an that ih, Zeeb sabitti sawrnak ah Zeeb cu an that. Midian mi pawl cu an dawi vivo; cuih hnuah Oreb le Zeeb ih lu pawl cu Jordan tiva ralah Gideon hnen ahcun an hei keng.