2
Bokhim Ah Bawipa Ih Vancungmi
1 Bawipa ih vancungmi cu Gilgal ihsin Bokhim ah a feh ih Israel mi hnenah, “Izipt ram ihsin ka lo suahter ih nan pupa hnenih ka tiamkammi ram ah ka lo thlenpi. Nan hnenih ka thukamnak cu ka bal lo ding.
2 Nannih khalin hi ram ih a ummi miphun dang pawl thawn thukamnak nan tuah ve lo pei ih an biakòheng pawl cu nan bal thluh sawn pei, tiah ka lo ti zo kha! Asinan ka lo ti vekin nan tuah dah lo. Nan tuah sawn mi hi zoh hnik uh!Ref 2:2 Suah 34:12, 13; Daan 7:2-5;
3 Curuangah fiang tein ka lo sim: Hmaiih nan nor tikah himi pawl cu ka dawi lo ding. Nan rald nan ral timi hi nan hnak ti tla a si thei. an si dingih nan hrangah an khawzing pawl cu a lo awktu thang an si ding,” tiah a ti.
4 Cutiih vancungmi ih simmi an theih tikah Israel pawl cu napi in an òap ciamco.
5 Curuangah cuih hmun cu Bokhime Bokhim ti cu Hebru òong in a òaptu pawl tican a si. tiah an ko. Cule Bawipa ih hnenah cutawkah cun thawinak an pek.
Joshua Thihnak
6 Joshua in Israel mi pawl cu an comi ram ciar ah a tlunter hai.
7 Joshua ih nun sung hmuahhmuah le a thih hnu tiang khalah Bawipa ih thiltuahmi a theitu upa pawl an nun sung cu Israel mi pawl in Bawipa an biak.
8 Nun ih fapa Joshua, Bawipa ih salpa cu kum za le kum hra a ti ah a thi.
9 Amah cu Gaash tlang ihsin saklam, Efraim tlangram ih a ummi amah ih ram sungah Timnath Heres ah an phum.Ref 2:9 Jos 19:49, 50;
10 Cule cuih san ih Israel mi pawl cu an thi ih cuih hnu ih a hung suakmi san thar cun Bawipa siseh, Bawipa in Israel hrangih a tuahmi hmuahhmuah siseh, an thei lo.
Israel In Bawipa A Dungtun
11 Bawipa ih hmaiah Israel mi cu an sual ih Baal khawzing pawl an bia sawn.
12 An pupa pawl ih Pathian, Izipt ram ihsin anmah a hruai suaktu Bawipa kha bia nawn lo in an kiangkap pawl ih khawzing tla biak an thok. Cuih khawzing hmaiah an kun ih Bawipa a thin an hengter.
13 Bawipa an tlansan ih Baal khawzing le Ashtarte khawzing pawl sawn an bia.
14 Curuangah Israel parah Bawipa cu a thin a heng ngaingai ih damiah le rukru pawl ih rukmi le rammi ah a canter. An kiangkap ih an ral pawl in an nor vivo ih Israel pawl cu anmah le anmah hman an hum aw thei nawn lo.
15 A rak sim cia zo vekin raldo ih an feh tin tein Bawipa in a hnong hai a si. Curuangah Israel mi cu an van a sang ngaingai.
16 Cule mi ramtu damiah pawl ih kut ihsin an himnak dingah Israel mi hnenah Bawipa in thuòhentu pawl a pek.
17 Sikhalsehla hi thuòhentu pawl ih thu khal an ngai cuang lo. Bawipa ih hrangah cun hlawhhlang vek an si ih khawzing dang pawl an biak. An pupa pawl cun Bawipa ih thupekmi an thlun nain a hi santhar minung pawl cun an thlun nawn lo.
18 An hrangih hotu a pekmi an nun sung cu Bawipa in a bawm ih an ral kut ihsin a luatter ringring hai òheu. Ziangahtile an ral pawl hremnak ruangih an aihramnak kha Bawipa in a theih tikah a zangfah a si.
19 Asinan an hotu a thih vete cun Israel mi pawl cu an nuncan hlun keel ah an kirsal ih a hlan hnakin an luar sawn. Khawzing dangdang an thlun ih an hmaiah an kun ih an biak. Cutiih an nuncan siava cu thlah siang hrimhrim lo in an thlun fetfet.
20 Curuangah Bawipa cu Israel mi tlunah a thin a heng ngaingai ih, “An thlun hrimhrim dingah an pupa hnenih ka thukam cu hi miphun in an bal òheh zo a si. Cutiih ka thu an thlun lo ruangah,
21 Joshua in a thih zawng ih a tanta mi miphun dang pawl cu ka dawisuak lo ding.
22 An pupa pawl in ka thu an thlun vekin hi Israel mi pawl hin ka thu an thlun maw thlun lo ding ti zohnak ah hi miphun dang pawl ka hmang ding,” a ti.
23 Curuangah a cuih miphun dang pawl tla cu Bawipa in Joshua kut sungah a pe lo; zamrang khalin dawi lo in cutawk ih a umternak a si.