9
Job in hitiin a sawn:
1-2 Asiko, cupawl cu
ka theih cia mi hlir an si ko.
Sikhalsehla ziangtinso milai in
Pathian hmai ahcun
miding a si thei ding?Ref 9:1-2 Job 4:17;
3 Ziangtinso Pathian cu
thu a el thei ding?
Zohman ih leh thei lo dingmi thu
thawngkhat khal a sut thei a sisi!
4 Pathian ih fimnak cu a thuk tuk,
A huham neihmi a kau tuk;
Zohman amah dodal in a hmaiah
an ding thei lo ding.
5 Tlang pawl a òhawnter hluahhlo,
A thinheng in a siatsuah òheh,
In òhawn a si, ti khal an thei lo.
6 Pathian in ling a hninter ih,
Leilung le a hramòohnak pawl tla
an hnin òheh a si.
7 Pathian cun a thu in ni khi
suak lo dingin a kham thei,
Arsi pawl tla zan ah vang lo
dingin a dawn thei.
8 Van khi puan bangin a zar tikah
Zohman in an bawm lo.
Tipi sung rulhreng ih zaang a ke in
a pal cih theitu Amah lawng a si.
9 Pathian in van ih arsi, zaangkhua,
siruk, likhuk cangthum,
ngambawm le zawltling pawl
a tuah a si.Ref 9:9 Job 38:31; Amo 5:8;
10 Thilmak zetzet a tuahmi pawl
kan thei thei dah lo ding;
Mangbangza a tuahmi pawl khal
kan siar cawk dah lo ding.
11 Pathian cu ka kiang in a lan,
Asinan ka hmu thei lo.
A feh vivo ko nain ka thei thei cuang lo.
12 A duhduh in mi a lak,
zohman ih kham theih a si lo.
‘Ziangso na tuah?’ tiih thusuh
ngam khal a si lo.
13 Pathian thinhennak cu a dai lo,
A ral pawl Tipi rulhreng Rahab le
a bawmtu pawl cu
a palbeek thluh.
14 Curuangah ziangtinso
Pathian cu ka let thei ding?
Ziangtinso amah el theinak ah
òongfang ka hawl thei ding?
15 Mawh nei lo ka si nain anih cu
ka let thei lo,
‘I zangfah hram aw,’ tiah ka
thuòhentu Pathian hnenih
dil lawng hi ka ti theimi a si.
16 Ka òongnak ah tikcu
i pe hmansehla,
Ka òongmi i ngai ding ti ka zum thei lo.
17 Thuhla zianghman um lo in,
Keimah nuai dingah thlisia a kuat;
I tuahmawhnak cu a zai deuhdeuh.
18 Thaw thawtnak caan hman i pe lo,
Ka parih a tuahmi hmuahhmuah in
ka ning i hanter sinsin.
19 Kei thacahnak ka suah ding maw?
Pathian tluk ih thacak zoso a um?
Dingnak thu ah ti sehla,
Zoin so zungah a thlenpi thei ding?
20 Mawh nei lo rin tlak ka si ko nain
Ka awka in i mawh thluk,
Soisel ding um lo ka si ko nain
Ka òongmi pohpoh hi mawh in phurh.
21-22 Sualnak zianghman ka nei lo,
Asinan zianghman a dang nawn lo.
Nun hi ka paih nawn lo.
Kan sual siseh,
kan sual lo khal siseh, a dang lo.
Pathian in, in siatsuah thluh ko ding.
23 Rin lopi in mawh nei lomi
a thih tikah Pathian in a hnihsan.
24 Pathian in leilung cu
miòha lo kut ah a pek.
Thuòhentu pawl ih mit cu
puan in a hup òheh.
Cupawl cu Pathian in a tuah lo,
nan ti asile zo in so a tuah?
25 Ka tikcu cu òhatnak um lo in
an liam vivo,
Zualkotu hnakin a zamrang sawn.
26 Ka nunnak ni cu a lan vivo,
Papairas ih tuahmi lawng bangin;
Ar a namtu khaupi bangin
a zamrang a si.
27 Ka tuarnak cu hngilh tahrat in,
Lungawi sopar ih um
ka tum hmanah,
Ka zonzaihnak cu keimah duum dingah
an ra kirsal cing ding.
28 Ka harsat tuarnak hi ka òih,
Pathian in mawh i phurh ti ka thei.
29 Pathian ih mawh i phurh hnu ahcun
Ziangahso ka òan duh rero ding?
30 Ka sualnak cu ziangvek satpia,
khalin a tlengfai thei lo ding;
31 Pathian in fihnungza kuahrum
sungah i thlak;
Ka hnipuan hman in, in zahpi a si.
32 Pathian hi minung va sisehla,
ka let thei nasa ding;
Kan thu rel dingah zungah
kan feh dingih
kan thu relcat a si ding.
33 Sikhalsehla kan karlak ah
palai an um lo;
Pathian le kei karlak ah
thuòhen theitu zohman an um lo.
34 Pathian, i hrem nawn hlah;
òih na nunnak in
ka thin i phangter hlah seh.
35 Cutin zianghman òihnak um lo in
ka òong ve thlang ding;
Ziangahtile ka thinlung cu
keimah in ka thei bik a si.