33
1 Curuangah Job, ka òong dingmi
hmuahhmuah hi òha tein ngai hnik.
2 Ka thinlung ih a ummi
ka hmurka in a suak ding;
3 Ka òongmi hmuahhmuah hi
ka thinlung ih ummi thungai an si;
Fel tein ka sim ding.
4 Pathian ih thlarau in i tuah ih,
Ziangkimtithei ih thaw in
5 I let hnik, i leh thei asile,
Na òong dingmi cu ruat hnik!
Ka hmaiah dingin òang hnih!
6 Nang le kei cu Pathian hmaiah
kan bangrep.
Kan pahnih in tlaklei ih
tuahmi kan si.
7 Curuangah i òih duh hlah;
Ka lo neh nen ciamco lo ding.
8 Na òong ka theihmi cu:
9 “Mawhnak ka nei lo, thilòha lo
zianghman ka tuah lo;
Mawh nei lo ka si ih
sualnak in ka luat.
10 Asinan Pathian in i do duh
ruangah thu a hawl ih,
a ral vekah i tuah.
11 Ka ke thir cikcin in a òem ih
Ka ke kar hmuahhmuah tla
a zohhliah a si,” na ti.Ref 33:11 Job 13:27;
12 Asinan Job, fiang tein ka lo sim:
Na palh a si!
Pathian cu zovek milai hnak
hman in a tum sawn a si.
13 Ziangahso milai ih phunzainak
a sawn dah lo tiah,
Pathian cu na mawhthluk rero?
14 Pathian cu milai hnenah
atu le atu a òong,
Asinan a òongmi cu
zianghman ah an siar lo.
15 Milai an itthat lai, an mang ah
mang le langnak in
an hnenah a òong.Ref 33:15 Job 4:13;
16 A òongmi ngai dingah
an hna a ongter ih a sim,
Ralrinnak a simmi kha an òih.
17 Sualnak tuah nawn lo dingah le
mi puarthau si nawn lo dingin a sim.
18 Thlankhur sung a thlenter hai lo;
Thihnak ihsin a run hai a si.
19 Pathian in milai nun a sim tikah
natnak a tuarter,
An taksa pumpi in natnak a tuar.
20 Mi dam lo pawl cun
rawl ei an hiar lo;
Rawl thaw bik hman an luak a suak.
21 An taksa a cem deuhdeuh ih
An ruh lawng a tang.
22 Thlankhur an pan deuhdeuh,
Mithi khua an thleng cing ding.
23 Milai òuanvo simfiangtu dingah,
Pathian vancungmi thawng tampi
lakah pakhat tal,
Cuih milai bawm ding le a dikmi
sim dingah a ra men ding.
24 Vancungmi in zangfahnak
thinlung thawn,
“Anih kha cu thlah uh!
Mithi khua ih feh dingmi a si lo;
Amah tlennak man hinah
a um,” a ti ding.
25 Cutiin a taksa cu a no dingih
a caksal ding.
26 Thla a cam tikah
Pathian in a let ding,
Lungawi in Pathian a bia dingih,
Pathian in a hrangah
ziang hmuahhmuah
a tluangtersal ding.
27 Cule anih in misenpi hmaiah,
“Ka sual a si, a dik lo ka tuah,
Asinan Pathian in
ka nunnak i zuah.
28 Thlankhur feh ding
i siang lo ih sun khuatleu
ka hmu hrih a si,” a ti ding.
29 Cutiin Pathian in atu le
atu hna a òuan;
30 Mi nunnak cu thlankhur
thleng lo in a run ih,
A san sungah lungawinak a pek.
31 Curuangah Job,
ka lo simmi hi ngai aw;
Dai tein um awla
ka òong hrih ding.
32 Asinan thusim ding
na neih asile sim aw,
ka ngai ding;
Lungawite in na dik a si ka ti ding.
33 Cuti a si lo ahcun dai tein
um awla i ngai aw;
Fimnak thu ka lo sim ding.