24
1 Ziangahso Pathian in
thuòhennak ni a khiah lo?
Amah a riantu pawl in
thudik an conak dingah!
2 Milai in ram tam deuh ngah duh ah
ramri lungphun an òhawn;
Tuu an rak fir ih anmah ih
tuu lakah an ret.
3 Ngakòah farah pawl ih
laak tla an fir;
A leiba a kuan òheh hlan lo
nuhmeinu ih cawcang an hren.
4 Mizonzai pawl an pal cih hai ih,
mi tlasam pawl cu
anmah òih ah an relh.
5 Curuangah mifarah pawl cu
hramlak laak bangin ramcar ah
rawl an hawl;
Kuitawk hmanah an faate hrangah
rawl an ngah thei lo.
6 Midang lo sungah rawl an lak;
Miòha lo pawl ih sabit hmuanah
sabit rah an khawm.
7 Zan ah puan lo in lawngte in an it,
An taksa hlumtertu
zianghman a um lo.
8 Tlang parih ruah in a ciah hai;
Beunak a um lo ruangah
9 Miòha lo pawl in pa nei lo
nauta pawl sal ah an zuat;
Mifarah ih faate pawl cu
leiba ai ah an lak.
10 Mizonzai pawl hnipuan nei lo in
khualeng ah an feh;
Fangtel an phur rero nain
an ril a rawng thotho.
11 Siti dingah olif an rial,
Sabitti dingah sabit rah an rial;
Asinan an ti a haal thotho.
12 Khuapi sungah hriamhma pu mi le
a thi cuahco mi pawl an au rero;
Asinan an thlacamnak cu
Pathian in zianghman ah a siar lo.
13 Annih cu tleunak duh lotu an si;
A theih khal an thei lo ih
a lamzin an thlun duh lo.
14 Zinglam khawfingcat ah mithattu cu
farah le mitlasam that dingah a pok,
Cule zan ah mi thil a fir.
15 Uire pa cu khawthim ah mi a hngak,
‘Zohman in, in hmu lo ding’ a ti;
Theih òih ah a hmai a khuh aw.
16 Fifir in zan ah inn an bauh,
Asinan sun ahcun inn ah an relh;
Tleunak cu an hrial.
17 Sun vang cu an òih;
Asinan zan khawthim cu an ngam.
[Zofar]k Zofar ih òongmi a si, tiah a zumtu an um.
18 Miòha lo cu tilian in a fenhlo;
A ram neihmi cu
Pathian ih siatcam mi ram a si;
A sabit hmuan ih hnaòuan dingah
an feh nawn lo.
19 Vur cu a satnak le a carnak
hmun ahcun a ziam vekin,
Misual cu a nungmi umnak ram in
an hlo a si.
20 Zohman in an thei lo,
amah ih nu hman in a ciing nawn lo;
Tholung in an ei ih
zanthing tlu bangin a rop òheh.
21 Ziangahtile nuhmei a tisiat,
Fa nei lo a cingmi nunau parah,
Zangfahnak zianghman a nei lo.
22 Pathian in a huham in
micak pawl a siatsuah,
A caangvai ih miòha lo an thi.
23 Pathian in himnak hmunah a umter,
Asinan a mit in a thlingthla ringring.
24 Caan tawi sung cu
mi hlawhtling zet a si;
Asinan rei lo teah hrampi bangin
a vuaisal;
Ah cia mi fangkung bangin.
25 Ka simmi vekin a si lo, tiah
a el theitu nan um maw?
Ka òongmi hi a dik lo, tiah
a langter theitu nan um maw?