22
Biakson Awk A Veithumnak
(22:1-27:23)
Elifas in hitiin a ti:
1-2 Ziangvek milai,
mifim bik khal sisehla,
Pathian hrang ih mi òhahnem
an um ngai ding maw?
3 Thildik na tuahmi cu
Pathian hrangah
a òhathnemnak a um maw?
Asilole na òhatnak in
Pathian ziangtal a bawm maw?Ref 22:2-3 Job 35:6-8;
4 Nun a lo zirh ih hniksak na ton hi
Pathian na òihzah ruangah a si lo.
5 Na òhatlonak a nasat ruangah le
Na sualnak a tam tuk ruangah
a si sawn.
6 Na unau in tangka an lo bakmi
kuanter dingah thuhrennak na lak;
A hnipuan cu na long òheh ih
hruk ding dang zianghman
nei lo in na ret.
7 Thabang ih tihal pawl hnenah
tidai na pe lo ih,
Rilrawngmi pawl hnenah
rawl na pe duh fawn lo.
8 Huham na neihnak le
mi upa na sinak cu,
Ram pumpi luah thluhnak ding
lawngah na hmang.
9 Nuhmei pawl na bawm duh lo
lawng si lo in, ngakòah farah pawl
an thil na long ih na siatsuah hai.
10 Curuangah na kiangkap ah
a lo awktu ding thang tampi an um;
Rinlopi in òihphannak in na khat;
11 Thimnak a sah tuk ih
zianghman na hmu thei lo;
12 Vancung sangbik ah Pathian a um;
Arsi pawl cu an sang ve nain,
Pathian in a run zohsuk hai
a si lo maw?
13 Asinan nang in,
“Pathian cun ziangso a theih ding?
Mero in a phen a sisi! Ziangtinso
ka thu a òhen thei ding?” tiah na ti.
14 Vankuumpi parah
Pathian lam a len tikah,j Pathian lam a len tikah tihi Israel mi pawl an rak zum daan ahcun van khi a kuumpi a si ih a tlunah Pathian lam a leeng òheu tiin an zum.
Mero sahzet in a phen ih
i hmu lo ding, tiah na ruat!
15 Miòha lo pawl ih an thlun
ringringmi lamzin hlun cu,
Thlun dingah na duh thotho maw si?
16 Miòha lo pawl cu an tikcu
a kim hlanah tilik in a fen hai;
Hrihram an neihmi hmuahhmuah thawn
a fenhlo thluh hai a si.
17 Himi pawl cu Pathian a eltu le
Kan parah zianghman
a tuah thei lo ding,
tiih a ruattu an si.
18 Asinan anmah a liantertu cu
Pathian Amah thotho a si;
Miòha lo pawl ih ruahnak cu
ka ngaih lo zawng hrimhrim a si.
19 Miòha lo pawl hremnak
an tuar tikah,
miòha pawl an lung a awi ih
mawh nei lo pawl an hni.
20 Miòha lo pawl ih thil neihmi
hmuahhmuah cu a cem,
A tangsun cu meisa in a kang òheh.
21 Curuangah Job,
Pathian thawn rem aw uh,
Amah cu na ral ah ruat nawn hlah,
Cutin asile a lo thluasuah ding.
22 A thuzirhmi cu pom awla,
A òong cu na lung sungah ret aw.
23 A si, tangdornak thinlung thawn
Ziangkimtithei hnenah kir awla,
Na inn sungih thil òha lo hmuah
cu a hlapi ah hlon aw;
Cutin a lo hlawhtling tersal ding.
24 Na sui hlawnthil hlon òheh aw;
Ofir ihsin na sui òha bik khal
tikua lungto bangin hlon òheh aw.
25 Ziangkimtithei Pathian cu
na sui a si dingih,
Amah cu na hrangah hril hleice mi
ngun bangtuk a si ding.
26 Cutiin Pathian cu na lungawinak
a si ringring dingih,
Mithmai òha thawn Amah lamah
thinnuam in na hoi ding.
27 Thla na cam tikah a lo let ding;
Na tiamkammi pawl cu
fel tein na kimter ding.
28 Na thu relcatmi hmuahhmuah
tuahsuak an si dingih,
Na fehnak lamzin a tleu ding.
29 Pathian in mi puarthau pawl
a òhum ih,
mi tangih a dor pawl a hum a si.
30 Na tuahmi a thiang ih
mawhnak nei lo na si ahcun
Amah in a lo run ding.