55
Pathian In Ka Lo Zangfah Ding A Ti
1 Bawipa in,
“Ra uh, ti a haal mi hmuahhmuah ra uh,
hinah tidai a um
Ra uh, paisa a nei lomi pawl
rawl ra lei uhla ei uh.Ref 55.1 Thup 21:6; 22:17;
Ra uh, sabit le cawhnawi ra lei uh;
man lo in nan ngah ding.
2 Ziangahso rawl a si lomi hrangah
paisa nan hman?
Ziangahso pum puarter lomi thil hrangah
nihlawh nan pek?
I ngai uhla ka simmi vekin tuah uh;
Rawl lakih a òha bikmi nan ei dingih
3 Ka minung pawl, i ngai uhla ka hnenah ra uh;
Ka hnenah ra uhla nunnak nan ngah ding.
Nanmah thawn kumkhua hmunmi
thukamnak ka tuah dingih,
David hnenih ka kammi thluasuahnak cu
ka lo pe ding.Ref 55.3 Tirh 13:34;
4 David cu hotu le miphun tampi
hruaitu ah ka tuah ih,
amah hmangin ka cahnak ka langter zo.
5 Atu ah miphun tampi nan ko ding;
A lo thei dah lotu an si hmanah
nanmah lam òang dingah
an lo pan vivo ding.
Israel ih Pathian thianghlim,
Bawipa nan Pathian Keimah in
hibangtuk in ka cangter ding.
Upatnak le sunlawinak ka lo pe ding,” a ti.
6 Ton a theihlai ah Bawipa cu hawl uh,
A nai lai ah amah ko uh.
7 Miòha lo in an ziaza tlansan in
an ruahdan thleng hai seh.
Bawipa kan Pathian hnenah kir hai sehla,
a ngaidam lohli ding.
Amah cu mi zangfahtu a si.
8 Bawipa in, “Ka ruahnak cu
nan ruahnak bangtuk a si lo.
Ka lamzin le nan lamzin cu an dang aw a si.
9 Van tla khi leilung hnakih a sang bangtukin
Ka ruahnak le ka lamzin cu
nan ruahnak le nan lamzin hnakin
10 “Ka òongkam cu van ihsin
leilung ciarter dingih a tla mi
vur le ruah ti bangtuk a si.
Daidaw le vanruah in thlairawl an òhanter;
Ciin dingah thlaici an khoter ih
ei dingah rawl an suahter.Ref 55.10 2 Kor 9:10;
11 Ka kaa sungih a suakmi òongkam cu
cubangtuk a si ding;
Zianghman tuahsuak lo in
ka hnenah a kir lo ding;
Tuah dingih ka tum mi hmuahhmuah cu
12 “Lungawi zet in Babilon ihsin nan suak ding;
Hnangam zet ih hruaisuak mi nan si ding.
Nan hmaiah tlangsang siseh, tlangniam siseh,
hla an sa ciamco ding.
Thingkung pawl tla lungawi in
an au ciamco ding.
13 Hlingkung khohnak hmunah
farthing a kho ding;
Hlingbur khohnak hmunah
lenhmui kung a kho ding.
Himi cu keimah Bawipa in
ka tuahmi theihtersaltu
hminsinnak a si ringring ding,” tiah a ti.