35
Thianhlimnak Lamzin
1 Nelrawn ramòhing cu a lung a awi ding;
Hramlak ah pangpar an par ding.
2 Nelrawn cu hla a sa dingih,
lungawi in a au ding;
Lebanon Tlang bangin a mawi dingih,
Karmel le Sharon ih lo bangin
ramòha a si ding.
Zokhal in Pathian sunlawinak cu
an hmu ding,
A nasat zia le a huham neih zia
an hmu ding.
3 Kut caklo pawl cakter uhla,
A òawnòai ih a thirmi khuk pawl
hngetter uh.Ref 35.3 Heb 12:12;
4 Thinnau mi le beidong mi hnenah,
“Cak uhla zianghman òih hlah uh;
Pathian nanmah run dingah a ra lai,
Na ral pawl parih phu la dingah
5 Mitcaw pawl in khua an hmu thei dingih,
hnaset pawl an hna a vang ding.
6 Ke awl mi in an khir an laam dingih,
A òong theilo mi khal
lungawi in an au ding.Ref 35.5, 6 Mat 11:5; Luk 7:22;
Nelrawn sungin tidai a luang dingih,
7 A alhmi vunnel cu tili ah a cang ding.
Leilung a carmi cu
ticawm in a khatsal ding.
Cinghnia an rak um òheunak hmunah,
Phok le phaipheng tla an kho ding.
8 Cutawkah cun misenpi hrangah
lamzin tumpi a um dingih
“Thianhlimnak Lamzin,” ti a si ding.
Misual pawl cu cuih lamzin ah
an feh theilo ding.
Cutawkih a fehtu pawl cu mi-aa pawl ih
hruaisualnak an tong lo ding.
9 Cutawkah cun kiosa a um lo ding;
Sahrang dang tla in an pal lo ding.
Bawipa ih a runsuakmi pawl cu,
hi lamzin thlun in
an inn ah an tlung ding.
10 Lungawi sopar tein Jerusalem
an thleng ding,
Nunnuam zet in hla an sa dingih an au ding.
Ninghan riahsiatnak in
an luat thlang dingih,
Kumkhua in an nun a nuam tata ding.