15
Pathian In Moab A Siatsuah Ding
1 Hihi Moab ih thuhla a si:
Ar le Kir khuapi cu zan zankhat sungah siatsuah an si ih, Moab ram cu a òhing reprep.Ref 15.1-16:14 Isa 25:10-12; Jer 48:1-47; Ezk 25:8-11; Amo 2:1-3; Zef 2:8-11;
2 Dibon khua mi pawl cu biakòheng ih òap dingah tlang parah an kai. Moab mi pawl cu Nebo le Medeba khua pawl an hmuh tikah riahsia le ninghang in an òap an ai. An riahsia in an sam le an khahmul an met òheh.
3 Khuasung lamzin ih a feh pawl in buri hnipuan an hruk; an khuasuah le an inn parin an òap ih an raak an kio.
4 Heshbon le Elealeh khua mi pawl cu an òap an au ih an aw cu Jahaz tiang a thang. Ralkap ralòha bik hman an khur; an ralòhatnak cu a hlo òheh.
5 Moab hrangah ka thin a na a si! A minung pawl cu Zoar khua le Eglath Shelishiyah khua tiang an tlan òheh. Mi hrekkhat cu Luhith lamzin an zawh ih an feh phah ah an òap vivo; a hrek cu Horonaim lamah an tlan ih lungngai in an òap phah vivo.
6 Nimrim Tiva cu a kang òheh, a kiangkap ih hrampi cu an vuai òheh; a hringmi zianghman a um nawn lo.
7 An neihmi hmuahhmuah thiar in Partiam Phairawn an tan ih khatlam ralah tlan an tum.
8 Moab ramri kipah òahnak thawm a thang. Eglaim le Beerelim khua khalah an òahnak thawm a thang.
9 Dibon khua ah tiva cu thisen in a khat; asinain cuhnak ih besia deuh an hrangah Pathian in a thlenter hrih ding. A si, Moab ram sungih a tangsun mi pahnih khat tla cu thah òheh an si ding.