3
Moses Hnakin Jesuh A Tum Sawn
1 Pathian ih kawh vemi Khristian unau pawl, kan zumnak hrangih Puithiam Sang si dingah Pathian ih a run thlahmi Jesuh thu hi ruathnik uh!
2 Moses cu Pathian inn sung hnaòuan ah rin tlak a si bangtukin Jesuh khal hi hnaòuantu si dingah a hriltu Pathian hnenah rinsan tlak a si.Ref 3:2 Mipum 12:7;
3 Inn saktu in a sakmi inn hnakin upatnak tam sawn a ngah. Cubangtuk in Jesuh khal Moses hnakin upatnak tam sawn ngah tlak a si.
4 Inn hmuahhmuah cu mi pakhatkhat ih sakmi a si; asinain ziang hmuahhmuah a saktu cu Pathian a si.
5 Moses cu Pathian hnaòuantu a si bangin Pathian innsang sungah rin tlak hnaòuantu a si ih Pathian in hmailam caan ih a sim leh dingmi khal a sim thei a si.
6 Sikhalsehla Jesuh cu Pathian innsang ah hotu rinsan tlak Pathian Fapa a si. Kanmah hi kan ruahsanmi kha thinlung hngetkhoh le ralòha zet in kan kaihnget a si ahcun a innsang kan si.
7 Curuangah Thlarau Thianghlim in,
“Tuih sun Pathian aw nan thei asile,
8 Mi lungruh va si hlah uh.
Nan pupa pawl Pathian dodal ih
an rak si vek cun si hlah uh;
Hramlak ih Pathian an hniksak ni ih
an rak um vek cun um ve hlah uh.
9 Pathian in, “Kha tawkah
nan pupa pawl in, in dodal ih
in hniksak a si;
Kum sawmli sung an hrangih ka tuahmi
an hmu nain,” tiah a ti.
10 Curuangah an parah ka thin a heng ih,
“Annih cu rin tlak lo an si ringring;
Ka thupekmi an thlun duh lo,” tiah a ti.
11 Ka thin a heng ih,
“An colhnak ding hrangah ka timi ram cu
an thleng hrimhrim lo ding,
tiah thu ka tiam,” a rak ti,”Ref 3:7-11 Saam 95:7-11; tiah a ti.
12 Zumtu u le nau pawl, a nungmi Pathian tlansan duh khop tiangih a òha lomi le, zum lonak thinlung nan neih lonak dingah ralring uh.
13 Cuhnakin sualnak ih bummi nan si lonak dingah le mi lungruh nan si lonak dingah Ca Thianghlim in “Tuih sun,” a timi òongfang hi kan hrangah sullam neimi a si sungah cun, nitin tein pakhat le pakhat bawm aw sawn uh.
14 Ziangahtile a hramthok ihsin kan rak comi thinlung hnangamnak kha a netnak tiang kan kaihnget thei a si ahcun kan zate in Khrih ih hawipi kan si ding.
15 Ca Thianghlim in, “Tuih sun ah,
Pathian aw nan theih asile,
Nan pupa pawl in
Pathian an rak dodal vek cun
nan lung ruhter hlah uh,” a ti.Ref 3.15 Saam 95:7-8;
16 Zoso Pathian aw a thei ih a dotu cu an si? Izipt ram ihsin Moses ih a hruaisuakmi pawl an si.Ref 3.16-18 Mipum 14:1-35;
17 Zo parah so Pathian kha kum sawmli sung a thin a heng? Nelrawn ramòhing lakah a sual ih a thimi pawl parah a si.
18 Pathian in thu kam aw in, “An colhnak dingah ka timi ram cu an thleng hrimhrim lo ding,” a ti tikah a ti duh sanmi zoso an si? Amah Pathian a dodaltu kha an si.
19 Cutiin asile a kammi ram sungih an luh thei lonak cu an zum lo ruangah a si, ti kan hmu.