5
A Ratsalnak Hrang Timtuah Uh
1 U le nau tla, Bawipa ih ratnak ding ni le caan, ziangtikah a si ding, ti thu ahcun nan hnenah ca kuat a òul lo.
2 Ziangahtile nanmah rori in Bawipa ih ratsalnak Ni cu zan ih fifir rat bangin a ra ding, ti fiang tein nan thei.Ref 5.2 Mat 24:43; Luk 12:39; 2 Pit 3:10;
3 Mi in, “Daihnak le himnak a um,” an ti laifangah nunau in nauhrinnat a tuar bangin rinlopi ah siatralnak an parah a thleng dingih zohman an luat lo ding.
4 Sikhalsehla u le nau tla, nannih cu khawthim sung ummi nan si lo ruangah cuih Ni in zan ih fifir bangin nan rinlo lai ah lo man hlah seh.
5 Nannih cu nan zate in tleunak sung ummi nan si; sun minung nan si. Thimnak sungmi kan si lo; zan ih minung khal kan si lo.
6 Curuangah midang pawl bangin itthat ding kan si lo; itthat lo in fimhring tein a nung dingmi kan si.
7 Minung cu zan ah an itthat; zan ah zu an ri.
8 Sikhalsehla kannih cu sunih mi kan si ih fimvar zet ih a um ding kan si. Curuangah zumnak le duhdawtnak cu òaangphaw ai ah hmang in kan ruahsanmi rundamnak cu thirlukhuh ai ah hmang uh si.Ref 5.8 Isa 59:17; Efe 6:13-17;
9 Pathian in a thinhennak tuarter dingah in hril lo; sikhalsehla kan Bawipa Jesuh Khrih sungin rundamnak co dingah in hril a si.
10 Kan Bawipa cu a ratsal tikah kan rak nunah siseh, kan rak thih zo khalah siseh, amah thawn um tlang dingah kan ai ah a thi a si.
11 Curuangah atu ih nan tuah rero zo bangin pakhat le pakhat thazang pe aw in bawm aw uh.
Thucahnak Le Cibai Buknak
12 Ka u le ka nau tla, Khristian nitin nan nunnak ah a lo hotu le a lo zirhtu pawl, nan lakah hna a òuantu pawl kha upat hmaizahnak pe uh, tiah kan lo forh.
13 Nan hrangih hna an òuan ruangah hmaizahnak a sang bik le duhdawtnak pe hai uh. Nanmah lakah daite le remawte in um uh.
14 U le nau tla, zaangzel pawl kha ralrinnak pe uh, thinnau mi pawl an ral òhatter uh, a derdaimi pawl bawm uhla mikip parah thinsau in um uh, tiah kan lo forh.
15 Zohman in òhat lonak cu òhatlonak in lehrulh ding a si lo; sikhalsehla pakhat le pakhat parah siseh, mi hmuahhmuah parah siseh, òhatnak tuah tum ringring uh.
16 Cat lo in nan lungawi uh;
17 thlacam ringring uh.
18 Ziangvek dinhmun khalah lungawi thu sim uh. Cucu Khrih Jesuh ah Pathian ih a lo duhsakmi a si.
19 Thlarau Thianghlim kha hmit hlah uh;
20 profet thusim thiamnak kha nautat hlah uh.
21 Ziang hmuahhmuah hniksak hmaisa uh; a òhami asile pom uhla,
22 a òha lomi hmuahhmuah in hnong uh.
23 Daihnak in petu Pathian amah in famkim zet in lo thianghlimter sehla, kan Bawi Jesuh Khrih a ratsal tikah nan thlarau, nan thinlung le nan taksa, nan ziangzongza in mawhnak nei lo ah lo tuah hram seh.
24 Nannih a lo kotu cu rinsan tlak a si ruangah cumi cu a tuah ding a si.
25 U le nau tla, kannih hrang khalah thla in cam sak ve uh.
26 Zumtu unau pawl kha a thianghlimmi hnamnak thawn cibai buk uh.
27 Kan Bawipa ih thupeknak in hi cakuat hi zumtu hmuahhmuah hnenah rak siarsak uh tiah ka lo forh a si.
28 Kan Bawipa Jesuh Khrih zangfahnak cu nan parah um hram seh.