THESALON
(1 Thessalonians)
Kawhhran Hnenih Paul Cakuat
Thuhmaihruai
Paul in Thesalon kawhhran hnenih ca a vei khatnak a kuatmi hi cuih Khristian pawl thapeknak ah le beidong lo in an hnget theinak dingih a nganmi a si. Zumnak le duhdawtnak an neih thuhla a theih tikah an parah lungawi thu a sim. An hnen a rak um lai ih a nun zia vun mangsal dingin a theihter hai. Cule Khrih ratsalnak ding thu thawn peh aw in thusuhnak a ummi pawl kha a let. Ziangtikah so Khrih a ratsal ding? Khrih a ratsal hlanih a thimi zumtu pawl hi a ratsal tikih kumkhua nunnak sungah covo an nei ve ding maw? ti thusuhnak pawl hi let dingih a zuammi pawl an si. Paul ih a forh duh bikmi cu: Khrih cu a rasal ding, asinain cumi in nan hnaòuan lo pelhter hlah seh, tihi a si.
1
1 Paul, Silas le Timote in, Thesalonika khua ih a ummi kawhhran, Pathian kan Pa le Bawipa Jesuh Khrih ih ta a simi, nan hnenah ca kan lo kuat.Ref 1.1 Tirh 17:1;
Pathian zangfahnak le daihnak cu nan hnenah um hram seh.
Thesalon Khristian Pawl Nunnak Le Zumnak
2 Nanmah ih ruangah Pathian cu cat lo in kan thangòhat ih kan thlacamnak in kan lo ciing ringring a si.
3 Ziangtintile nan zumnak cu nitin nan nuncandan ih a langnak thu, duhdawtnak nan neih ruangah nasa zet ih hna nan òuannak thu le kan Bawipa Jesuh Khrih sungih ruahsannak nan neihmi a hnget daan pawl thu thlacamnak in kan Pa Pathian hnenah kan sim ringring.
4 U le nau pawl, Pathian in a lo duhdawt ih amah ih minung si dingah a lo hril, ti kan thei a si.
5 Ziangahtile Thuthangòha nan hnen kan thlenpi tikah òongkam men lawng si lo in cahnak huham le Thlarau Thianghlim le thutak a sinak theihfelnak thawn kan thlenpi a si. Nan hnenih kan um sungah ziangbangtuk in kan um kan tlang a si, ti cu nan thei; nanmah ih òhatnak hrangah a si.
6 Kan nundan le kan Bawipa nundan nan cawng ih harsatnak tampi nan tong nain Jesuh Khrih ih thu cu Thlarau Thianghlim hnen ihsin a rami lungawinak thawn nan pom a si.Ref 1.6 Tirh 17:5-9;
7 Curuangah nanmah cu Masidonia le Akhaiaa 1:7 * Akhaia timi hi Grik peng Greece ti tla in an ngan. Paul cakuat lai caan ah Masidonia le Akhaia cu Rom ih ukmi peng an rak si. Anmahte uk aw mi ram an si lo pengih a ummi zumtu Khristian pawl hrangah zohòhim tlakmi nan si.
8 Ziangahtile Bawipa ih thu cu nanmah ih hnen ihsin Masidonia le Akhaia peng khuazakip ah a thlen lawng si lo in Pathian nan zumnak thu cu khuaza ramkip ah a thang a si. Kanmah ih sim rero hman a òul lo.
9 Nan zumnak thuhla a rak theitu pawl hmuahhmuah in kan lo tlawn lai ih in rak cohlan zia, milem pawl nan tlansan ih Pathian nan pan zia, a dikmi le a nungmi Pathian rian dingih nan pan zia tla an sim ih,
10 vancung ihsin a Fapa a ratnak ding nan hngahnak khal an sim a si. A Fapa Jesuh cu thihnak ihsin a thawhtermi le a ra dingmi
Pathian thinhennak ihsin in runsuaktu a si.