46
Jakob Le A Innsang Izipt Ah An Feh
1 Jakob cu a neihmi thil hmuahhmuah thawn a pok ih Beersheba a thleng. Cutawkah a pa Isaak ih Pathian hnenah thawinak a tuah.
2 A cuih zan ah langnak a hmu ih Pathian in, “Jakob, Jakob!” tiah a ko. Jakob in, “ Bawipa, hinah ka um,” tiah a ti.
3 Cutikah Pathian in, “Keimah cu Pathian, na pa ih Pathian ka si. Izipt ram ih feh ding cu òih aw hlah. Cutawk ram ah na tesinfa pawl cu miphun tum zet ah ka tuah ding.
4 Izipt ram ah nangmah hnenah ka feh dingih na tesinfa pawl cu hitawk ram ah ka kirter leh ding. Na thih tikah Josef cu na kiangah a um ding,” tiah a ti.
5 Beersheba ihsin Jakob cu a pok ih a fapa pawl in an pa Jakob le an fanote pawl le an nupi pawl cu Faro ih a rak kuatmi rangleng pawl parah an toter.
6 Kanaan ram ih an neihmi òilva hmuahhmuah le thilri hmuahhmuah thawn an pok ih Izipt ram ah an feh.Ref 46:6 Tirh 7:15; Jakob cun a tesinfa pawl,
7 a fapa pawl le a tupa pawl, a fanu pawl le a tunu pawl, an zate in a fehpi òheh.
8 Izipt ram ih a fehmi Jakob ih tefa pawl ih hmin cu a hnuailam vek an si: Jakob ih fapa upa bik Reuben,
9 Reuben ih fapa pawl: Hanok, Pallu, Hezron le Karmi.
10 Simeon ih fapa pawl: Jemuel, Jamin, Ohad, Jakhin, Zohar le Kanaan nunaunu ih fapa Shaul.
11 Levi ih fapa pawl: Gershon, Kohath le Merari.
12 Judah ih fapa pawl: Er, Onan, Shelah, Perez le Zerah. (Asinan Er le Onan cu Kanaan ram ah an thita.) Perez ih fapa pawl: Hezron le Hamul.
13 Issakhar ih fapa pawl: Tola, Puvah, Jashub le Shimron.
14 Zebulun ih fapa pawl: Sered, Elon, le Jahleel.
15 (Hi pawl cu a fanu Dinah siar cih in Leah in Mesopotamia ram ah a pasal Jakob a hrinmi fapa pawl an si. Leah thawn an hrinmi tefa pawl cu an zate in sawmthum le pathum an si.)
16 Gad ih fapa pawl: Ziphion, Haggi, Shuni, Ezbon, Eri, Arodi le Areli.
17 Asher ih fapa pawl: Imnah, Ishvah, Ishvi, Beriah, le an farnu Serah. Beriah ih fapa pawl: Heber le Malkhiel.
18 (Hi minung hleiruk cu Laban in a fanu Leah hnenih a fehter mi a salnu Zilpah ih a hrin sakmi Jakob ih tefa an si.)
19 Jakob ih nupi Rachel ih hrinmi fapa pawl: Josef le Benjamin.
20 Cun Heliopolis khua ih puithiam Potifera ih fanu Asenath in Izipt ram ah Josef thawn fapa pahnih Manasseh le Efraim an hring.Ref 46:20 Sem 41:50-52;
21 Benjamin ih fapa pawl: Bela, Bekher, Ashbel, Gera, Naaman, Ehi, Rosh, Muppim, Huppim, le Ard.
22 (Hi minung hleili cu Rachel ih hrinmi Jakob ih tefa pawl an si.)
23 Dan ih fapa cu Hushim a si.
24 Naftali le a fapa pawl: Jahzeel, Guni, Jezer le Shillem.
25 (Hi minung pasarih cu Laban in a fanu Rachel hnenih a fehtermi a salnu Bilhah ih a hrinsakmi Jakob ih tefa an si.)
26 Izipt ram ih a fehmi Jakob ih tefa pawl cu, a fapa pawl ih nupi pawl tel lo in an zate in sawmruk le paruk an si.
27 Izipt ram ah Josef in fapa pahnih a nei ih, curuangah Jakob ih sungte cu an zate in Izipt ram an thlen tikah minung sawmsarih an si.Ref 46:27 Sem 7:14;
Izipt Ram Ah Jakob Le A Sungte
28 Jakob in Josef tong dingah Judah kha hmaiah a thlah ih, “Goshen in, in rak hmuak seh,” tiah a cah. A sungkhat pawl Goshen ram an thlen tikah,
29 Josef cu a rangleng a to ih a pa Jakob hmuak dingah a feh. A pa a ton tikah Josef cu a pa ih hngawng a kuah ih reipi a òap.
30 Cutikah Jakob in Josef hnenah, “Atu cu na hmel ka lo hmu ih na nung ti ka thei zo. Ka thih khalle poi ka ti nawn lo,” tiah a ti.
31 Cule Josef in a unau pawl le a pa ih sungkhat pawl hnenah, “Faro hnenah ka va feh pei ih ka unau le ka pa ih sungkhat pawl Kanaan ram ih a ummi cu ka hnenah an thleng zo.
32 Annih tla cu tuukhal an si ih òilva vulh pawl an si. Atu ah an tuurual le an cawrual le an neihmi dang hmuahhmuah thawn an ra thleng zo a si, ka va ti ding.
33 Faro in a lo kawh ih, ‘Ziang hna so nan òuan?’ tiih thu a lo suh tikah,
34 nannih in, “Bawipa, kan pu le kan pa pawl vekin kan nauhak lai ihsin tuu kan khal a si, nan ti pei. Cuticun Goshen ram ah nan um thei ding,” tiah a ti. Izipt mi pawl in tuukhal pawl cu an ningsin zawng a si ruangah Josef in hitiih a simnak cu a si.