39
Josef Le Potifar Ih Nupi
1 Josef cu Ishmael mi pawl in Izipt ram an thlenpi ih Izipt siangpahrang ih inn kiltu bawi Izipt mi Potifar hnenah an zuar.
2 Bawipa cu Josef hnenah a um ih a hrangah ziang hmuahhmuah a tluang thluh. Josef cu Izipt mi a bawipa ih inn ah a um.
3 Cun Bawipa Pathian cu Josef hnenah a um ih a thil tuahmi hmuahhmuah ah a hlawhtling ti cu a bawipa in a hmu.
4 Josef ih ziaza Potifar in a zoh tikah a lung a kim ngaingai ih a innsungsang le a neihmi hmuahhmuah kilkhawitu ah a tuah.
5 A cuih thok ihsin Josef ruangah Izipt mi pa ih inn cu Pathian in thluasuah a pek. A inn sungih a neihmi le a lo sungih a ummi tla Bawipa in a thluasuah a si.
6 Potifar in a neihmi hmuahhmuah cu Josef kut ah a ret òheh ih a eimi rawl siar lo zianghman a ruah òulmi a um lo.
Josef cu a ruangrai a òha zet ih a piang zet fawn.
7 Caan a rei deuh tikah a bawipa ih nupi in Josef cu sualpi duhnak mit in a zoh ringring. Veikhat ah a bawipa ih nupi in, “Ka hnenah ra it aw,” tiah Josef cu a leem.
8 Asinan Josef cun a el ih a hnenah, “Keimah hitawkih ka um ruangah ka bawipa in hi innsungsang thuhla pawl zianghman a helhkam òul lo in a um. A neihmi hmuahhmuah kilkhawitu ah i tuah a si.
9 Hi innsung ah amah tluk in thu ka nei ih a nupi nangmah siar lo a dang zianghman ka hrangah uimi a nei lo. Cuti a si hrangah ziangtinso cutluk thilsia ka tuah dingih Pathian hmaiah ka sual ding?” tiah a ti.
10 Josef cu a bawipa ih nupi in nitin tein a leem rero nain a thu a ngai dah lo ih veikhat te hman a ihpi dah lo.
11 Asinan nikhat ah Josef cu innsung hnaòuan òuan dingah a lut ih midang zohman inn sungah an um lo.
12 Cutikah a bawinu cun Josef cu a angki in a kai ih, “Ka hnenah it aw,” tiah a ti. Asinan Josef cu lengah a tlansuak ih a angki cu a bawinu ih kut ah a tangta.
13 Josef in a angki a tanta ih innsung ihsin a tlanhlo ti a hmuh tikah,
14 a bawinu cun a innsang ih hnenum pawl a ko ih, “Zoh hnik uh; ka pasal in hi Hebru pa hi kan innsang ah a rak hruai; asinain atu ah in hmuhsuam a si. Ka khaan sungah a rung lut ih amah thawn it tlang dingah i sawm; asinain ka au ciamco.
15 Cutiih ka au ruangah ka kiangah a kor tanta in a tlan ih lengah a suak a si,” tiah a ti.
16 Josef ih bawipa a thlen hlan lo a kor cu amah hnenah a ret ringring.
17 A pasal a thlen tikah cuih thu cu a sim. “Hebru salpa na hruai mi pa kha i hmuhsuam tum in ka khaan sungah a lut.
18 Asinan ka au ruangah a tlanhlo ih a kor lawng ka kiangah a tanta,” tiah a rak ti.
19 Josef ih bawipa cu a nupi in, “Na salpa in hitiin i tuah a si,” tiih a rak sim tikah a thin a heng ngaingai ih,
20 Josef cu a kai ih siangpahrang ih thawngtla pawl an retnak thawnginn ah a ret. Cutawkah Josef cu thawng sungah a um.
21 Sikhalsehla Bawipa Pathian cu Josef hnenah a um ih a zangfah hrangah thawnginn uktu bawipa khal Josef parah zangfahnak thinlung a neihter.
22 Curuangah thawngtla pawl kilkhawitu ah Josef cu a tuah ih thawnginn sungih thil a cangmi hmuahhmuah zohtu ah a ret.
23 Josef ih òuanvo lakmi pohpoh cu thawnginn uktu pa ih zohsal a òul nawn hrimhrim lo. Ziangahtile Bawipa Pathian cu Josef hnenah a um ih a thil tuahmi hmuahhmuah ah hlawh a tlinter.