31
Jakob Cu Laban Hnenin A Tlan
1 Veikhat cu Laban fapa pawl in, “Kan pa ih ta a simi hmuahhmuah Jakob in a lak òheh a si. Kan pa ih neihmi a lak ruangah hitiin a lian a si,” tiah an ti kha Jakob in a thei.
2 Cuih tlunah Laban cu a hlan bangtukin a parah a mithmai a òha nawn lo ti kha Jakob in a hmu.
3 Cutikah Bawipa in Jakob hnenah, “Na sungkhat le na laicin ih ram ah kir thlang aw. Na hnenah ka um ding,” tiah a ti.
4 Curuangah òilva pawl a khalhnak hmunah amah ra tong dingin Rachel le Leah cu a cah.
5 An hnenah, “Nan pa ih mithmai cu ka parah a hlan bangtuk a si nawn lo tihi ka thei a si; asinain ka pa ih Pathian cu ka hnenah a um ringring ko.
6 Ka thazang neihmi hmuahhmuah thawn nan pa ih hna ka òuan cu nan pahnih in nan thei.
7 Asinan nan pa in i bum ih ka hlawhman hi vei hra a òhin zo. Sikhalsehla ka parih siatsuahnak a thlenter ding cu Pathian in i siang lo a si.
8 Nan pa Laban in, ‘A òialcipmi me pohpoh cu na hlawhman a si ding,’ i ti tikah me pohpoh in a òialcipmi faate an nei. Cule ‘A òialkaumi me pohpoh cu na hlawhman an si ding,’ i ti tikah me pohpoh in a òialkaumi faate an nei.
9 Pathian cun nan pa hnen ihsin òilva pawl kha a lak ih keimah i pe a si.
10 “Cun òilva an hur caan ah mang ka nei ih ka mang ah mepi a pawltu mecang pohpoh cu òialnganmi le òialcipmi le òialkaumi hlir an si kha ka hmu.
11 Cule Pathian ih vancungmi in ka mang ahcun, ‘Jakob,’ tiah i ko ih, ‘Hinah ka um!’ tiah ka ti.
12 Cule vancungmi cun, ‘Zoh hnik, mepi a pawltu mecang pohpoh cu òialngaan le òialcip le òialkau hlir an si. Hitiih cang dingin keimah ih tuahmi a si. Ziangahtile na parah Laban ih thil a tuah zia ka hmu thluh.
13 Keimah cu hriak toih in hngilhlonak lung na phun ih thu na kamnak Bethel ah na hnenih a rak langmi Pathian ka si. Atu cu na timtuah awla hi ram hi taan in na suahnak khua le ram ah kir thlang aw,’ i ti,” tiah a sim hai.
14 Cutikah Rachel le Leah in, “Kan pa hnen ihsin kan co ding ro zianghman a um lo.
15 Kannih tla cu ramdangmi tluk ah in ruat ko lo maw? Kannih cu in zuar ih kan man ih a ngahmi paisa hmuahhmuah cu a hmang thluh zo fawn.
16 Pathian in kan pa hnen ihsin a lakmi lennak hmuahhmuah cu kanmah le kan faate pawl ih ta a si zo. Curuangah Pathian ih a lo sim bangtukin tuah ko aw,” tiah an ti.
17 Curuangah Jakob cu Kanaan ram ih a pa hnen feh dingah a tim a tuah thluh. A nupi le a faate pawl cu kalauk a toter.
18 A òilva hmuahhmuah cu hmaiah a fehter ih Mesopotamia ram a um sungih a ngahmi thilri hmuahhmuah thawn a pok.
19 Laban cu a tuu pawl ih hmul met dingah a feh ih a um lo sungah Rachel in a pa ih innsang biakmi milem pawl a rak ruk.
20 Aram mi Laban cu Jakob in a bum ih a fehnak ding thu cu sim lo tein a um.
21 A neihmi hmuahhmuah a keng ih a tlan. Cawl lo in a feh ih Eufrates tiva a tan ih Gilead tlang lamah a feh.
Laban In Jakob Cu A Dungin A Dawi
22 Nithum hnuah Jakob a tlan a si tiah Laban an sim.
23 Cutikah Laban in a hnenum pawl a ko ih Jakob cu ni sarih sung an dawi ih Gilead tlang ah an man.
24 Cuih zan ah Laban ih mang ah Pathian a lang ih a hnenah, “Ralring aw, Jakob cu ziangti hman in hringhro cetci hlah,” tiah a ti.
25 Laban in a hei man tikah Jakob cu tlang parah riahbuk a rak sak zo; Laban khal Gilead tlang ah riahbuk a sak ve.
26 Cutikah Laban in Jakob hnenah, “Zianghrangah i bum ih ka fanu pawl ral kaihmi nunau bangih na tlanpi?
27 Zianghrangah i bum ih keimah sim lo in a thup tein na rak tlan ziar? I rak sim cila, na feh tikah khan lungawinak le hlasaknak thawn khuang le dar le òingòang tum phahin ka lo thlah ding a sisi!
28 Ka fanu pawl le ka tule pawl hman i hnamterta lo. Na tuahmi hi aatthlakza thil òha lo zet a si.
29 Nangmah siatsuah theinak cu ka nei ve ko; asinain mizan ah na pa ih Pathian in, ‘Ralring aw, Jakob cu ziangti hman in hringhro cetci hlah,’ tiah i ti.
30 Na tlannak hi na pa ih inn zamrang ih thlen na duhtuk ruangah a si, ti ka thei ko. Sikhalsehla zianghrangah ka milem pawl tla na rak fir?” tiah a ti.
31 Cutikah Jakob in, “Na fanu pawl hi an duh na lo in i long pang ding ti ka phan ruangah a si.
32 Sikhalsehla kan sungte lakih pakhatkhat parah na milem na hmu asile amah cu thah a si pei. Kan milai pawl hi thu theihpitu an si pei ih, hawl awla na ta a simi pohpoh cu la aw,” tiah a ti. Rachel in a pa ih milem pawl a rak ru ti kha Jakob in a thei lo.
33 Cutikah Laban cu Jakob ih riahbuk sungah a lut ih a hawl; cuih hnuah Leah ih riahbuk sungah a feh; cuih hnuah an salnu pahnih teih riahbuk sungah a lut lala. Asinan a milem pawl cu a hmu lo. A netabik ah Rachel ih riahbuk sungah a lut.
34 Rachel cun innsang milem pawl cu a rak la ih kalauk phurhmi dip sungah a khum ih a rak toh nen. Laban cun riahbuk pumpuluk in a hawl nain a hmu lo.
35 Cutikah Rachel in a pa ih hnenah, “Na rung luh ih ka din lo hi bawipa na thinheng hram hlah aw; nunau daan ka neih laifang a si,” tiah a ti. Cuticun Laban in a hawl rero nain a innsang milem pawl cu a hmu thei lo.
36 Cutikah Jakob cu a ai a thok ih thinheng zet in Laban cu, “Ziang mawhnak so ka neih ih ziangvek daan ka tisiat ruangah so hitiih i dawi ih i hawl ciamco?
37 Ka thilri zate in na zoh thluh zo; na ta a simi ziangtal na hmu maw? Na hmuh asile na sungkhat le ka sungkhat hmaiah hin suah hnik; zo kan dik sawn ti kha relcat hai seh.
38 Na hnenah kum kul sung rori ka um ih cuhmuah ka um sungah na tuu le na me veikhat hman an fa a siat dah lo; na tuurual sung ihsin tuucang pakhatte hman ka ei hrih lo.
39 Sahrang in na tuu a deh tikah keimah sualnak a si lo ti langter duh in a sa na hnenah ka rak keng dah lo, a ai ah keimah tein ka rak ruul mai ringring sawn. Sun ah siseh, zan ah siseh, rukru pawl in an ru asile na kuan pei i ti.
40 Vei tam zet sunih niling ka tuar ih zan ih khawsik khal ka tuar. Ka it thei dah lem lo.
41 Kum kul khengte na hnenih ka um sung hmuahhmuah cutiin ka rak tuar cuahco a si. Na fanu pahnih hrangah kum hleili na hna ka òuan; na tuurun pawl kum ruk sung ka khal. Cucing hman in ka hlawhman vei sawmsahra na òhin.
42 Ka pa ih Pathian, Abraham ih Pathian le Isaak ih biakmi Pathian ka hnenah um hlah sehla ka kut lawngin i dawihlo zo ding. Asinan Pathian in ka hnaòuanmi le ka zonzaihnak a hmuh ruangah mizan ah a lo kawk a si kha!” tiah a ti.
Jakob Le Laban Thukamnak
43 Cule Laban in, “Hi nunau pawl hi keimah ih fanu an si; na faale pawl khal hi keimah ih faale an si ih òilva rual khal hi keimah ih ta hlir an si. Na hmuh mi pohpoh hi ka ta an si thluh. Asinan tuih hnu ahcun hi ka fanu pawl le an faale pawl hrangah zianghman ka tuah thei nawn lo.
44 Curuangah ra awla thukamnak kan tuah sawn pei ih hminsinnak ah lungdawl kan tuah pei,” tiah Jakob cu a ti.
45 Curuangah Jakob in lungpheng pakhat a la ih hngilhlonak lung a phun.
46 Cule a hnenum pawl cu lungto peng dingin a fial. Lungto cu an peng ih an lungpen kiangah cun rawl an ei.
47 Cuih lungpen cu Laban in Jegar Sahaduthaa 31:47 Jegar Sahadutha: ti cu Aramaik òong in theihternak lungpen tican a si. tiah hmin a sak ih Jakob in Galeedb 31:47 Galeed: ti cu Hebru òong in theihternak lungpen tican a si. tiah hmin a sak.
48 Laban in, “Hi lungpen cu nangmah le keimah karlak ah thutheitu a si ding,” tiah a ti. Cutiin cuih hmun cu Galeed tiah an tita.
49 Cule Laban in, “Kan òhen awk tikah Bawipa in kan umnak fingfing ah in kilkhawi hram seh,” tiah a ti. Curuangah cuih hmun cu Mizpahc 31:49 Mizpah: ti cu Hebru òong in, In kilkhawinak hmun ti thawn a aw suah a bang aw. tiah hmin an sak lala.
50 Laban cun Jakob hnenah, “Ka fanu pawl na tisiat hai ih, nupi dang tla na òhit le keimah ih ka theih lo hmanah Pathian in, in hmu ringring ti thei aw.
51 Hitawkah kan pahnih karlak ah hngilhlonak lungphun le lungpen tla an um ti na hmuh ko.
52 Hi lungpen le hngilhlonak lungphun cu kan thutheitu an si ding. Nangmah do dingah hi lungpen hi ka lan lo pei ih, nang khalin keimah do dingah hi lungpen, asilole hi lungphun hi na lan lo pei.
53 Abraham ih Pathian le Nahor ih Pathian cu kan karlak ih thureltu a si ding,” tiah a ti. Cutikah Jakob cun a pa Isaak ih biakmi Pathian hmin in siatcam in thu a kam.
54 Cule Jakob in òilva pakhat a that ih tlang parah thawinak a pek. A sungkhat pawl a ko òheh ih zanriah an ei tlang hnuah tlangpar ahcun an riak.
55 A thaizing zingpit ah Laban cu a tho ih a fasuan pawl le a fanu pawl a hnamta ih thlaza a camta hnuah a khua lamah a kir.