22
Pathian In Abraham A Hniksak
1 Cuih hnuah Pathian in Abraham cu a hniksak ih, “Abraham,” tiah a ko. Abraham in, “ Bawipa, hinah ka um,” tiah a ti.
2 Pathian in, “Na duh zetmi na fapa neihsun Isaak cu hruai awla Moriah ram ah fehpi aw. Cutawk ram ih a ummi ka lo hmuh dingmi tlang parah Isaak cu mei-ur thawinak ah pe aw,”Ref 22:2 2 San 3:1; tiah a ti.
3 A thaizing zingpitte ah Abraham cu a tho ih a laak tohkham a dam ih a fapa Isaak le a hnenum pahnih thawn an feh. Thawinak hrangih hman dingah zanthing a khawm ih Pathian ih a sim cia mi ram ah a feh.
4 A ni thumnak ni ah a cuih hmun cu hlavang in a hei hmu.
5 Cutikah a hnenum pawl hnenah, “Laak thawn hitawkah rak um uh. Kei le ka fapa cu Pathian kan va bia dingih nan hnenah kan ra kirsal ding,” tiah a ti.
6 Cun Abraham in thawinak hrangih zanthing cu a fapa a phurhter; amah in meiòek le kawlnam a keng ih an pafa an feh.
7 A rei hlanah Isaak in, “Ka pa,” tiah a ko. A pa in, “Ziang a si ka fa?” tiah a ti. Isaak in, “Meiòek le zanthing hmuah kan keng ih thawinak hrangih tuufaate khuiahso?” tiah a sut.
8 Cule Abraham in, “Amah Pathian in, in pe leh ko ding, ka fa,” tiah a ti. Cutiin an pafa an feh vivo.
9 Cule Pathian ih a sim cia mi hmun an thlen tikah, Abraham in biakòheng a don ih a parah zanthing a ret. Cun a fapa Isaak cu a òem ih biakòheng par zanthing tlunah cun a hlum.Ref 22:9 Jiem 2:21;
10 Cutikah a fapa that dingin a kawlnam cu a vun zuuk.
11 Culaifang ah Bawipa ih vancungmi in vancung ihsin, “Abraham, Abraham!” tiah a ko. Abraham in, “ Bawipa, hinah ka um!” tiah a ti.
12 Cutikah vancungmi in, “Na fapa that hlah; zianghman ti aw hlah. Na fapa neihsun ka hrangih na sian ruangah Pathian na òihzah zet a si, ti kha ka thei zo,” tiah a ti.
13 Cule Abraham in a kiangkap a hei zoh ih tuucang pakhat hri hnok lakah a ki ih awk aw mi a hmu. A va la ih a fapa ai ah mei-ur thawinak ah a hmang.Ref 22:1-13 Heb 11:17-19;
14 Cuih hmun cu Abraham in, “Yahweh Jireh,”a 22:14 Yahweh Jireh timi cu Bawipa in a pe tican a si. tiah hmin a sak. Curuangah tuih san tiangin, “ Bawipa ih tlang ah Bawipa in a pe,” tiah mi in an run tita.
15 Cun Bawipa ih vancungmi in Abraham cu vancung ihsin a kosal ih,
16 “ Bawipa in hitiin a ti: Ka hmin in thu ka lo kam, hi thil na tuah ih na fapa neihsun ka hrangih na sian ruangah tlamtling zet in ka lo thluasuah ding.
17 Na tesinfa pawl cu ka karhzaiter dingih van ih arsi zat inRef 22:16, 17 Heb 6:13, 14; le tifinriat vunnel zat in an tam ding a si.Ref 22:17 Heb 11:12; Na tesinfa pawl in an ral pawl cu an neh thluh ding.
18 Cun annih ka thluasuah bangtukin leilungtlun ih miphun kip in thluasuah in dil ding.Ref 22:18 Tirh 3:25; Hi thil hmuahhmuah cu keimah ih thu na ngai ruangah a si,” tiah a ti.
19 Cuih hnuah Abraham cu a hnenum pawl hnenah a kir ih an zate in an umnak Beersheba ah an tlungsal.
Nahor Ih Tesinfa Pawl
20 Cuih hnuah Abraham in a unaupa Nahor le Milkah in fapa an neih kha a thei.
21 Upa bik cu Uz a si ih a naupa cu Buz a si; Aram ih pa Kemuel le
22 Khesed, Hazo, Pildash, Jidlaf le Bethuel tla an si.
23 (Bethuel cu Rebekka ih pa a si.) Nahor ih nupi Milkah in hi fapa pariat hi a hrinmi an si.
24 Cule Nahor ih nusun Reumah in Tebah, Gaham, Tahash le Maakah a hring.