17
Serhtan Cu Thukam Hminsinnak
1 Abram cu kum sawmkua le kum kua a si tikah Bawipa cu a hnenah a lang ih, “Keimah cu Ziangkimtitheir 17:1 Ziangkimtithei timi hi Hebru òong in El Shaddai an ti. Pathian ka si. Na nunsung hmuahhmuah ka thu thlun awla soisel lomi si aw.
2 Ka thukam na hnenah ka tuah dingih tesinfa tampi ka lo pe ding,” tiah a ti.
3 Cule Abram cu a hmai leilung dai in a kuun ih Pathian in,
4 “Nangmah thawn ka fekter dingmi ka thukam cu hihi a si: Leilungtlun miphun tampi cithlahtu na si ding, tiah ka lo kam.
5 Na hmin hi Abrams 17:5 Abram: timi cu sunloihmi an pa tican a si. si nawn lo in, Abrahamt 17:5 Abraham: timi cu Hebru òong in Miphun tampi ih pa ti thawn a aw suah a bang aw. a si thlang ding; ziangahtile miphun tampi ih pa ah ka lo tuah ding.Ref 17:5 Rom 4:17.
6 Tesinfa tampi ka lo pe dingih a hrekkhat cu siangpahrang tla an si ding. Tesinfa tampi na nei dingih miphun tampi ah an cang ding.
7 “Ka thukam cu ka fekter dingih nangmah le na tesinfa pawl hnenah, sankhat hnu sankhat, kumkhua daih thukamnak a si ding.Ref 17:7 Luk 1:55. Keimah cu na Pathian ka si dingih na tesinfa pawl ih Pathian khal ka si ding.
8 Atu na umnak ram, mikhual na sinak ram hi nangmah le na tesinfa hnenah ka lo pe ding.Ref 17:8 Tirh 7:5. Kanaan ram hmuahhmuah hi kumkhua in nan ta a si dingih keimah cu nan Pathian ka si ding,” tiah a ti.
9 Cuih hnuah Pathian in Abraham hnenah, “Nangmah khalin ka thukam cu na fekter pei ih na thlun pei; na tesinfa pawl khalin sankhat hnu sankhat an thlun ringring pei.
10 Nangmah le na tesinfa pawl in ka thukam nan fekternak dingah mipa hmuahhmuah in serh nan tan thluh pei.Ref 17:10 Tirh 7:8.
11-12 Atu thokin mipa pohpoh cu ni riat an ti ni ah an serh nan tan ding; nan innsung suaksal siseh, ramdang ih nan leimi sal siseh, nan tan thluh ding. Himi cu keimah le nanmah karlak ih thukamnak langtertu a si ding.
13 Serhtan an si òheh ding; himi cu kumkhua in nan hnenih ka thukamnak a langnak dingah nan taksa parih hminsinnak a si ding.
14 Serhtan lomi mipa cu ka thukam a thlun lo ruangah a miphun sung ihsin hlon a si ding,” tiah a ti.
15 Cule Pathian in Abraham hnenah, “Na nupi hi Sarai tiah na ko nawn lo pei; atu thokin a hmin cu Sarahu 17:15 Sarah ti cu siangpahrang fanu tican a si. Sarai tikhal a tican a bang aw. a si zo.
16 Sarah cu ka thluasuah dingih amah sung ihsin fapa ka lo pe ding. Ka thluasuah pei ih miphun tampi ih nu ah a cang ding. A tesinfa pawl sungin siangpahrang tampi an suak ding,” tiah a ti.
17 Cumi a theih tikah Abraham cu a hmai leilung dai in a kuun ih a hni; cule thu a ruat ih, “Milai in kum zakhat ti hnuah fa a nei thei pei maw? Kum sawmkua a ti hnuah hin Sarah in fa a nei thei ngaingai pei maw?” a ti.
18 Abraham in Pathian hnenah, “Ishmael tal cu na hmaiah mithmai òha ngah hram seh,” tiah a ti.
19 Cutikah Pathian in, “Abraham, cutiin a si lo. Na nupi Sarah hrimhrim in fapa a lo hrin dingih a hmin ah Isaakv 17:19 Isaak ti cu A hni tican a si. tiah na ko ding. Amah hnenah siseh, a tesinfa pawl hnenah siseh, ka thukam cu ka fekter ding. Ziangahtile kumkhua daih thukamnak a si.
20 Nang in Ishmael thu ah i dil ih ka thei zo; kei in ka tuah dingmi cu hitiin a si: Ishmael cu ka thluasuah dingih tefa tampi le tesinfa tampi ka pe ding. Amah cu siangpahrang hleihnih ih pa ah a cang ding. A tesinfa pawl cu miphun tum zet ah ka canter ding.
21 Hmaikum atu tikcu ah Sarah ih hrin dingmi na fapa Isaak hnenah ka thukam ka hngetter ding,” tiah a ti.
22 Cule Abraham hnenih thusim a òheh tikah Pathian cun a fehsan.
23 A cuih sun rori ah Pathian ih a simta vekin Abraham cun a fapa Ishmael le a sal hmuahhmuah, innsuak sal siseh, a leimi sal siseh, a innsung ih a ummi mipa pohpoh, an serh a tan òheh hai.
24 Abraham cu serh a tan tikah kum sawmkua le kum kua a kim.
25 A fapa Ishmael cu kum hleithum a kim.
26 Cuih ni ah an pa fa, le
27 an innsung ih a ummi sal hmuahhmuah thawn serhtan tlang an si.