15
Abram Hnenih Pathian Thukam
1 Cuih hnuah Abram hnenah Bawipa a lang ih, “Abram, na thinphang hlah; Keimah cu a lo humtu phaw ka si. Na hnenih ka laksawng cu a uak zet ding,” tiah a sim.
2 Cutikah Abram in, “Maw Pathian Bawipa, faale ka nei lo. Ka hnenih na laksawng cu ziangso a si ding? Ka rocotu cu Damaskas khua ih Eliezer lawng a si.
3 Fa pakhatte hman i pe lo ih, curuangah ka ro cu ka salpa pakhat in a co a òul ko,” tiah a ti.
4 Cun Bawipa in Abram hnenah, “Hi na salpa hi na rocotu a si lo ding; na rocotu cu nangmah ih fapa ngaingai a si ding,” tiah a simsal.
5 Bawipa in Abram cu lengah a suahpi ih, “Van khi zoh awla arsi pawl khi na siar thei asile siar hnik; khi arsi zat in na tesinfa pawl cu an tam ding a si,” tiah a ti.Ref 15:5 Rom 4:18; Heb 11:12.
6 Cule Abram in Bawipa cu a zum ih a cuih zumnak cu Bawipa in dingnak ah a co sak.Ref 15:6 Rom 4:3; Gal 3:6; Jeim 2:23.
7 Cun Bawipa in Abram hnenah, “Keimah cu Bawipa ka si. Hi ram hi na ta siter dingah Khaldea ram Ur khua ihsin ka lo òhawnter a si,” a ti.
8 Sikhalsehla Abram in, “Maw Pathian, ka Bawipa ziangtinso ka ta a si, ti ka theih ding?” tiah a sut.
9 Cutikah Pathian in, “Ka hnenah kum thum kim cawla, kum thum kim mela, kum thum kim tuucang, thuro pakhat le laileng pakhat rak keng aw,” tiah a ti.
10 Abram in Pathian hnenah a zate in a rak keng ih an laifang ciar in phel hnih ah a phel ih phel khat cu a dang phel khat hmaiah artlang in tlar hnih ah a ret; vatesa cu a phel lo.
11 Langta pawl in sa cu an rung tlan nain Abram in a rak dawi hai.
12 Zanlam ni a tlak cuahco tikah Abram cu a itthat. Cutikah a hnenah òihnung tuksumza khawthim a rung thleng.
13 Bawipa in a hnenah, “Na tesinfa pawl cu ramdang ah mivai an si ding. Cuih ram ahcun sal an si dingih kum zali sung hremmi an si ding.Ref 15:13 Suah 1:1-14; Tirh 7:6.
14 Asinan na tesinfa a tisiattu ram cu ka hrem ding; thilri tampi thawn cutawk cun an suak leh ding.Ref 15:14 Suah 12:40, 41; Tirh 7:7.
15 Nang cu tlamtling in tarkun tiang na nung dingih thinlung thlangam tein na thi ding; cule phum na si ding.
16 Na tesinfa pawl cu san li hnuah hi ram ah an rakirsal ding; ziangahtile hi tawkih Amor mi pawl hi miòha lo zet ah an cang dingih hremnak an tuar tik lawngah hi ram ihsin ka dawi leh hai ding,” tiah a ti.
17 Cun ni a tlak ih khua a thim tikah, hmakhat teah a khu ih a alh hluahhlo mi beel le a alh hluahhlo mi meifar an lang ih sa tlar hnih ih retmi karlak ihsin an lan zuahzo.
18 A cuih ni ah Bawipa in Abram hnenah thukamnak a tuah ih, “Hi ram hmuahhmuah hi na tesinfa pawl hnenah ka pe ding tiah ka lo kam a si.Ref 15:18 Tirh 7:5. Izipt ramri ih tiva ihsin Eufrates vapi tiang a si ding;
19 cun Ken ram, Keniz ram, Kadmon ram,
20 Hit ram, Periz ram, Refaim ram,
21 Amor ram, Kanaan ram, Girgash ram le Jebus ram pawl tla an tel ding,” tiah a ti.