5
Nan Luatnak Kha Kilkhawi Òha Uh
1 Khrih in, in luatter zo ih miluat kan si zo. Curuangah fektein ding uhla sal cangsal nawn hlah uh.
2 Ka simmi ngai hnik uh: Serh nan tanter awk a si ahcun Khrih cu nan hrangah zianghman òhathnemnak a nei hrimhrim lo, tinak a si.
3 Ralrinnak thu ka nolhsal ding: Zokhal serh a tanter awk a si ahcun Daan a zate in a thlun òheh a òul.
4 Nanmah lakah Daan thlun tahrat in Pathian hmaiah thiamcotermi si a tumtu cu Khrih thawn nan pehzomnak hri nan sattan zo a si. Culawng a si lo, Pathian zangfahnak ih lenglamah nan thleng zo.
5 Asinan kannih kan ruahsanmi cu Pathian Amah in thiam in coter ding, tihi a si. Cumi cu kan rinnak thawngin Pathian Thlarau ih huham in a tuahsuak ding tiah kan hngahhlap òiaòiami cu a si.
6 Ziangahtile Khrih Jesuh thawn kan pehzom awk ahcun serhtan siseh, tan lo khal siseh, a dang nawn lo. A thupi mi cu duhdawtnak thawn hna a òuantu zumnak lawng a si.
7 Nan fehdan a rak òha zet ko. Thutak thlun cu zo in so a lo leem ih nan bansan?
8 A lo bansantertu cu Pathian a si ual lo. Anih cu nanmah a lo kotu sawn a sisi.
9 “Thilnu fate in sanghlom zate a thoter,” an ti òheumi a kim ngaingai a si hi!Ref 5.9 1 Kor 5:6;
10 Asinan nan hrangah ka bei a dong lo. Kan Bawipa sungih kan pehzom awknak ruangah hin nan thinlung a danglam lo ding ti cu ka zum zet ko. A lo tuaitamtu cu, zo a va si hmanah, Pathian ih hremnak a tong ding a si.
11 Ka u le ka nau tla, serhtan a òul a si tiin thu ka sim ngai sisehla ziangahso hremnak hi ka tuar hrih? Cutiin thu ka sim ngai sisehla, Khrih thinglamtah thu ka simmi hi mi rilhbahnak ah a cang lo ding.
12 A lo hnaihnoktu pawl hi an lamzin zawh lawlaw in an til tla per aw lawlaw hai sehla ka va duh so!
13 Asinan ka u le ka nau tla, nannih cu miluat si dingah kawhmi nan si. Sikhalsehla cuih luatnak cu nan taksa diriamternak ah canter hlah uh. Cuhnakin duhdawtnak thawn pakhat le pakhat rian aw in bawm aw ton uh.
14 Ziangahtile Daan hmuahhmuah cu, “Nangmah na duhdawt awk vekin na innhnen na duhdaw pei,”Ref 5:14 Pui 19:18; Mat 22:39-40; Rom 13:8-10: timi thukham pakhat sungah hin a kim òheh a si.
15 Asinan hramlak ramsa bangin nan nung ih pakhat le pakhat nan keu, nan deh aw a si ahcun ralring uh, nan cemral leh ding a si.
Thlarau Nunnak Le Minung Tisa
16 Ka sim duhmi cu hitiin a si: Thlarau in nan nun zia a uk a si ahcun minung tisa hiarnak cu a di nan riamter lo pei.
17 Ziangahtile minung tisa duhnak le Thlarau duhnak cu an ral aw. Minung tisa ih duhmi kha Thlarau in a hua ih Thlarau ih duhmi kha tisa in a hua ve. Hi te pahnih cu an hua aw. Curuangah a si na duhmi kha na tuah thei lo.Ref 5.17 Rom 7:15-23;
18 Thlarau ih a lo hruai ahcun Daan ih ukmi na si nawn lo.
19 Cule minung tisa ih a tuahmi pawl tla cu a langfiang ko: Nupa sualnak, a thiang lomi ziaza, a mawi lomi thil tuahnak,
20 milem biaknak le dawi le cam tla hi an si. Pakhat le pakhat ralawknak le sualawknak, iksiknak le thinhennak, tawhawknak, hamòamnak le rem aw lo in òhenòhek awknak;
21 nahsuahnak, zuritnak, zoh mawi lo in laam le awn aunak le hibangtuk a dangdang tampi an tuah vivomi pawl hi an si. Ralrinnak thu hmaisa ih ka lo sim zo vekin ka nolhsal ding: Cubangtuk a tuahtu pawl cu Pathian Uknak an co thei lo ding.
22 Sikhalsehla Thlarau ih a rahsuahmi cu duhdawtnak, lungawinak, hnangamnak, lungsaunak, mi zangfahnak, òhatnak, rin tlak sinak,
23 nunnem tangdornak le sup theinak tla an si. Cubangtuk rah umnak ahcun daan cu a òul nawn lo.
24 Cule Jesuh Khrih ih ta a simi pawl cun an taksa hurnak le hiarnak pawl cu thinglamtah ah an khenthat zo.
25 Thlarau in nunnak in pek zo ruangah kan nunnak khal hi Thlarau amah in a uk ding a si.
26 Puarthau ding kan si lo; pakhat le pakhat thinòeuter aw ding kan si lo; iksik aw ding khal kan si lo.