8
Butlak
1 Bawipa in Moses hnenah, “Faro hnenah feh awla, Bawipa ih thu cu hitiin a si, “Ka minung pawl in, in biak theinak dingah na thlah pei.
2 Ngai hnik, na thlah duh lo a si ahcun na ram cu butlak in ka hrem ding.
3 Tiva cu butlak in a khat òheh ding. Tiva in an suak dingih na siangpahrang inn le na ihnak khaan, na ihkhun par le na kuthnuai bawi pawl le na minung pawl ih inn tiangin an lut ding. Na tappi le na beel sung tiangin an thleng thluh ding.
4 Na minung, na kuthnuai bawi pawl le nangmah ih par tiangah an ra dawp ding,” a ti va ti aw,” tiah a ti.
5 Bawipa in Moses hnenah, “Aaron hnenah, “Tivapi tlunah siseh, tihriat tlunah siseh, tili tlunah siseh, na kianghrol thlir awla, Izipt ram sungah butlak suakter aw,” tiin sim aw,” tiah a ti.
6 A ti bangtukin Aaron in a kianghrol cu tidai tlunah a thlir ih butlak an suak ngaingai ih Izipt ram cu an khat sohso òheh.
7 Sikhalsehla dawithiam pawl khalin an dawi in butlak cu an ram ah an suakter ve.
8 Cutikah Faro in Moses le Aaron cu a ko ih, “Keimah le ka minung pawl ih hnenin butlak pawl a laakhlo theinak dingah Bawipa ih hnenah thlacam hram uh. Bawipa ih hnenah thawinak pe thei dingin nan minung pawl cu ka thlah ding,” tiah a ti.
9 Cule Moses in Faro hnenah, “Butlak pawl cu nan inn hmuahhmuah sung ihsin an tlan thluh ih Nail tiva sung lawnglawng ih an umnak dingah ziangtikah so nangmah, na kuthnuai bawi pawl le na minung pawl hrangih thla ka cam ding; a tikcu i sim aw,” tiah a ti.
10 Faro in, “Thaisun ah cam aw,” tiah a ti. Cutikah Moses in, “ Bawipa kan Pathian bangtuk Pathian dang a um lo a si, ti na theihnak dingah na tivek ngaingai in a cang ding.
11 Butlak in nangmah siseh, nan inn pawl siseh, na kuthnuai bawi pawl le na minung pawl siseh, an lo taan dingih Nail tiva sung lawnglawngah an um ding,” tiah a ti.
12 Cule Moses le Aaron cu Faro hnen ihsin an suak ih Faro hnenih a thlentermi butlak thu ah Moses in Bawipa ih hnenah thla a cam.
13 Moses ih a dil vekin Bawipa in a kimter ih innsung ih a ummi butlak le hmuansung le lo sungih a ummi butlak an thi òheh.
14 Izipt mi pawl in butlak cu a bur tum pipi ah an peng ih an ram cu butlak rimsia nam in a khat.
15 Faro in butlak pawl an thi òheh thlang ti a hmuh tikah a thinlung cu a haksal lala. Bawipa ih sim cia vekin Moses le Aaron ih thu cu a ngai duh lo.
Fikfa
16 Moses hnenah Bawipa in, “Aaron hnenah, “Na kianghrol in leilung vua awla, Izipt ramsung hmuahhmuah ih leivut cu fikfa ah an cang ding,” tiin sim aw,” tiah a ti.
17 Cubangtuk in an tuah. Aaron in a kianghrol cu a lak ih leilung a vuak. Cutikah leivut cu fikfa ah a cang ih milai le ramsa parah an fu hluarhlo ciamco. Izipt ram sungih leivut hmuahhmuah cu fikfa ah an cang òheh.
18 Cutikah Izipt ram ih dawithiam pawl in fikfa cu a tuah an tum ve nain an tuah thei lo. Khuazakip ah fikfa cu milai le ramsa parah an khat.
19 An dawithiam pawl cun Faro hnenah, “Himi cu Pathian ih thiltinak a si,” tiah an ti. Sikhalsehla Faro ih thinlung cu a hak thotho ih, Bawipa ih rak sim cia vekin Moses le Aaron ih thu cu a ngai duh hrimhrim lo.
Thothe
20 Bawipa in Moses hnenah, “Tiva ih Faro a feh tikah Faro tong dingin zingpit ah va feh awla a hnenah, Bawipa in, “Keimah in biak theinak dingah ka minung pawl thlah aw.
21 Na thlah lo asile nangmah le na kuthnuai bawi pawl le na minung pawl parah le na inn sungah thothe ka khatter ding, tiah atu ihsin ka lo tiamcia. Izipt mi pawl ih inn siseh, an dinnak hmun leilung tiangin thothe a khat òheh ding a si.
22 Asinan cuih ni ahcun ka minung pawl ih umnak Goshen ram cu ka zuah ding; Keimah cu Bawipa ka si ih hitiin thil a titu cu Keimah ka si kha na theihnak dingah Goshen ram ahcun thothe pakhat hman a leeng lo ding.
23 Cuticun ka minung le na minung karlak ah thleidannak ka tuah ding. Cuih mangbangza cu thai sun hrimhrim ah a thleng ding,” a ti tiah va sim aw,” tiah a ti.
24 Bawipa in mangbangza cu a tuah ngaingai ih thothe cu siar cawk lo in Faro siangpahrang inn le a kuthnuai bawi pawl ih inn ah le Izipt ramsung hmuahhmuah ah an khat nohno. An ram cu thothe in a siatsuah òheh a si.
25 Cutikah Moses le Aaron cu Faro in a ko ih, “Feh uhla kan ram sungah hin nan Pathian hnenah thawinak cu pe ko uh,” tiah a ti.
26 Cule Moses in, “Cuticun a cang thiam lo ding; zianghrangah tile Bawipa kan Pathian hnenih thawinak kan pekmi rannung cu Izipt mi pawl thinhengtertu a si ding. Izipt mi pawl mithmuh ah thawinak kan tuah ih kan rannung thahmi cu Izipt mi thinhengtertu ih a can ahcun lungto in, in deng that ding a si.
27 Curuangah kan Pathian ih thu in pek bangtukin Bawipa ih hnenah thawinak pek dingin nelrawn ramòhing ah ni thum sung kan feh a òul hrimhrim a si,” tiah a ti.
28 Faro in, “Hla tuk tiang nan feh lo ding a si ahcun Bawipa nan Pathian hnenih thawinak pe dingah ramòhing ah ka lo thlah ding. Keimah hrangah thlacam aw,” tiah a ti.
29 Cutikah Moses in, “Ka feh ve tein Bawipa ih hnenah thla ka cam pei ih thai sun ah thothe pawl cu na hnen le na kuthnuai bawi pawl ih hnen le na minung pawl hnen ihsin an hlo òheh ding. Asinan ka minung pawl in Bawipa ih hnenah thawinak an pek theinak ding thu ah in bumsal nawn hrimhrim hlah aw,” tiah a ti.
30 Faro hnen ihsin Moses cu a feh ih Bawipa ih hnenah thla a cam.
31 Cule Moses ih a dil vekin Bawipa in a run kimter. Faro le a kuthnuai bawi pawl le a minung pawl hnen ihsin thothe cu pakhat hman tang lo in an kiang reprep.
32 Asinan Faro ih thinlung cu a haksal thotho ih Israel mi pawl cu a suahter duh hrimhrim lo.