30
Zihmui Rimthaw Urnak Biakòheng
(Suah 37:25-28)
1 “Zihmui rimthaw urnak ah lawithing in biakòheng nan don pei.
2 Dong khat sau, dong khat kau, a tung a vang a can aw ih dong hnih saangmi a si pei. Thingzum nan bunmi pawl cu biakòheng thawn an peh aw thluh pei.
3 A par le a kil pali le thingzum bunmi pawl cu sui in nan khuut thluh pei ih a kimvel cu sui in nan khap pei.
4 A putnak zawnfung pawl kaitu ah sui kual pahnih nan tuah pei ih a zim hnuai, a siirlam pahnih ah nan bun pei.
5 Hi zawnfung pawl cu lawithing in nan tuah pei ih sui in nan khuut pei.
6 Sin a neimi Thukam Kuang hmaiih a thlai aw mi puanzar ih hmaiah biakòheng cu nan ret pei. Cutawkah ka lo tong hai ding a si.
7 Aaron in meivanmi a zoh tikah a cuih biakòheng parah zingtin tein zihmui rimthaw a ur pei.
8 Zanlam ih meivanmi a thleng tik khalah zihmui rimthaw cu a ur pei. Hi zihmui rimthaw nan pekmi cu sankhat hnu sankhat cat lo in nan tuah ringring pei.
9 Hi biakòheng parah thlenter lo dingih khammi zihmui siseh, mei-ur thawinak ih hmanmi òilva le thawinak ih hmanmi rawl tla siseh, nan ret lo pei ih inmi-thawinak ih hmanmi tidai khal nan burh lo pei.
10 Kum khat ah vei khat, Aaron in thingzum bunmi pawl ih parah sual ngaidamnak hrangah thawinak ih hmanmi sathi thawn a cuih biakòheng cu a thianghlimter pei. Himi khal hi sankhat hnu sankhat tuah ringring a si pei. Bawipa ih hnenah pekmi a thianghlim zetmi biakòheng a si ding,” tiah a ti.
Bawipa Ih Umnak Puanthlam Hrang Ngunkhuai
11 Bawipa in Moses hnenah,
12 “Israel mi pawl mipum nan siar tikah Bawipa ih hnenah mi hmuahhmuah in an nunnak tlennak man an pek ciar pei; ziangahtile mipum siar lai ah an hnenih siatsuahnak a thlen lonak dingah a si.
13 Mipum siarnak cazin sungih a telmi hmuahhmuah in hmunthiang cuaithlainak ih an khiahmi zat in an pek ciar pei. Himi cu Bawipa ih hnenah thawinak a si bangtukin mikip in an pek thluh pei.Ref 30:13 Suah 38:25, 26; Mat 17:24;
14 Kum kul le a tlunlam mi hmuahhmuah in mipum siarnak cazin sungih telhcih an si hrangah hi paisa cu Bawipa ih hnenah an pek ciar pei.
15 Nan nunnak man Bawipa ih hnenah nan pek tikah milian le mifarah thleidannak um lo in bangrep tein nan pek pei.
16 Israel mi hnenin hi paisa cu nan khong pei ih Keimah umnak Puanthlam sungih hnaòuannak ah nan hmang pei. Bawipa in Israel mi pawl cu a ciin ringringnak dingah le nan nunnak hrangih pekmi ah hi paisa cu a si ding,” tiah a ti.
Kutke Kholhnak Darkheng
17 Bawipa in Moses hnenah,
18 “Kutke kholhnak ah kheng pakhat dar in nan tuah pei ih a tawdam khal dar in nan tuah pei. Pumkhawmnak thlam le mei-ur thawinak biakòheng karlak ah a cuih darkheng cu nan ret pei ih a sungah tidai nan ret pei.Ref 30:18 Suah 38:8;
19 Aaron le a fapa pawl in an kut le an ke kholhnak ah cuih tidai cu an hmang pei.
20 Bawipa ih hnenah mei-ur thawinak pek dingah pumkhawmnak thlam sungih an luh tik le puithiam hnaòuan in biakòheng an naih tikah hi tidai thawn an kholh aw a si ahcun an thi lo ding a si.
21 An thih lonak dingah an kut le an ke pawl cu an kholh tengteng pei. Himi cu anmah le an tesinfa pawl tiangin a kumkhua in an thlun ringring dingmi daan a si,” tiah a ti.
Culhnak Sahriak Le Zihmui Rimthaw
22 Bawipa in Moses hnenah,
23 “Zihmui phun òha bik pawl: Cingthling pawngkul, a rimhmuimi sinnamon thing thling pawnghra, a rim thaw mi futi pawnghra,
24 lawi thingthling pawngkul, (biakinn cuai khainakih khaimi fekfek) le olif hriak khuat nga nan la pei.
25 Himi pawl cu zihmui rawithiamtu ih rawimi bangin nan rawi pei ih culhnak ding hriak ah nan hmang pei. Cumi cu a thianghlimmi culhnak ding hriak a si pei.
26 Hi hriak in Keimah umnak Puanthlam, Thukam Kuang,
27 sang retnak cabuai le a thilri pawl, meisa vannak fung le a thilri pawl, zihmui rimthaw urnak biakòheng,
28 mei-ur thawinak biakòheng le a thilri hmuahhmuah le kut kholhnak kheng le a tawdam pawl cu nan culh òheh pei.
29 Cubangtuk in thlam sungih thilri pawl cu Pathian hrangah nan thianghlimter pei ih a thianghlim ngaingaimi thil zarh ah an cang ding. Himi thilri pawl a daitu hmuahhmuah cu an thianghlim ve dingih a zarhmi ah an cang ve ding a si.
30 Cun Aaron le a fapa pawl cu hriak nan culh pei ih ka hrangih puithiam an òuan theinak dingah nan thianghlimter pei.
31 Cule Israel mi pawl hnenah, “Hi culhnak ding hriak thiang cu nan hrangah sankhat hnu sankhat a thianghlimmi siti a si ding.
32 Mi menmen parah nan burh lo pei ih hi hriak thiang bangtukin rimthaw mi zihmui le hriak rawi in nan hmang lo pei. A thianghlimmi hriak a si bangtukin a thiangmi a si tiin nan ruat pei.
33 Hi hriak bangtuk tuah a cawngtu le puithiam siar lo midang parih a hmangtu pohpoh cu a miphun sung ihsin hlon a si pei,” tiin sim aw,” tiah a ti.
Zihmui Rimthaw
34 Bawipa in Moses hnenah, “Zihmui rimthaw a phunphun: Stakte, onikha, galbanum le a citmi frankinsens zihmui pawl ihsin a zatrep ciar in la aw.
35 Cupawl cu zihmui tuah thiamtu pawl ih an tuah vekin fel tein rawi awla zihmui rimthaw ah tuah aw. Cumi cu ci thawn rawi awla thiangfai ding le thianghlim dingah alter aw.
36 A hrek cu a vut òha zet ih cang dingin deng awla, a hrek cu ka lo tonnak ding hmun, Puanthlam sungih Thukam Kuang hmaiah thawinak ah nan hmang pei. Hi zihmui rimthaw cu a thianghlim zetmi ah nan ruat pei.
37 A cuih zihmui rimthaw bangtukin nanmah hrangah tuah tahrat in nan hmang lo pei. Hi zihmui rimthaw cu Bawipa ih hnenah pek cia mi thil thianghlim a si kha nan thei pei.
38 Mi pakhatkhat in a cuih zihmui rimthaw bangtuk a tuah ih a hmang a si ahcun a miphun sung ihsin hlon tengteng a si pei,” tiah a ti.Ref 30:22-38 Suah 37:29;