3
Pathian In Moses A Ko
1 Moses cu Midian ram ih puithiam a pu Jethro ih tuu le me pawl a khal òheu. Veikhat ah a òilva pawl cu nelrawn ramòhing ah a fehpi ih Pathian tlang Sinaid 3:1 Sinai Tlang: cu Horeb tlang ti khalin an ko. Atu ahcun Jebel Musa tlang an ti. timi ah a va thleng.
2 Pathian ih vancungmi hrambur sungih meisa alh in a hnenah a lang. Moses in a zoh ih hrambur cu a alh rero nain a kang lo, ti kha a hmu.
3 Cutikah, “Mangbangza thil hi naih deuhin ka zoh hnik pei. Ziangahso hrambur a kang lo?” tiah a ti.
4 Moses ih a naih vivo cu Bawipa in a hmuh tikah hrambur sung ihsin, “Moses, Moses!” tiah a ko. Moses in, “ Bawipa, hinah ka um,” tiah a ti.
5 Cutikah Pathian in, “Rak naih nawn hlah. Na kedam phuak aw, ziangahtile na dinnak hmun cu hmun thianghlim a si.
6 Keimah cu na pu le na pa ih Pathian ka si. Abraham ih Pathian, Isaak ih Pathian le Jakob ih Pathian ka si,” tiah a ti. Cuve tein Moses cu a hmai a hup; ziangahtile Pathian cu a zoh ngam lo.
7 Cun Bawipa in, “Ka milai pawl Izipt ih hrem an tuar cu fiang tein ka hmu zo. Salkhawngtu pawl kutsung ihsin luat dingih an aihramnak tla ka thei zo. An tuarnak hmuahhmuah khal ka thei a si.
8 Curuangah Izipt mi pawl ih kut sungin a suahtu ding le cuih ram ihsin suak tahrat ih ramòha le ramkau ih thlenpitu dingah ka rung thleng zo a si. Cuih ram cu cawhnawi le khuaitizu a luannak ram, atu ahcun Kanaan mi, Hit mi, Amor mi, Periz mi, Hiv mi le Jebus mi pawl an umnak ram a si.
9 Israel mi pawl ih òah-ainak aw cu ka hnen a thleng ih Izipt mi pawl in ziangtlukin an neh nen hai, ti khal ka hmu a si.
10 Curuangah ka milai Israel mi pawl Izipt ramsung ihsin suah dingah nangmah cu Faro hnenah ka lo thlah ding,”Ref 3:2, 10 Acts 7:30-34; tiah a ti.
11 Cutikah Moses in Pathian hnenah, “Keimah cu zoso ka si ih Izipt ram ihsin Israel mi suakter dingah Faro hnenih ka va feh ding cu?” tiah a ti.
12 Pathian in, “Na hnenah Keimah ka um dingih a lo thlahtu Keimah ka sinak a langtertu cu himi hi a si ding: Izipt ram ihsin Israel mi pawl na suahpi tikah, hi tlang parah hin in bia ding a si,” tiah a ti.
13 Cun Moses in Pathian hnenah, “Israel mi hnenah ka feh ih “Nan pu le nan pa ih Pathian in nan hnenah i thlah a si,”Ref 3:13 Suah 6:2,3; ka ti tikah, “A hmin zoso a si?” in ti asile ziangtinso ka sim ding?” tiah a ti.
14 Cutikah Pathian in, “Keimah cu Keimah ka si.Ref 3:14 Thup 1:4,8; Keimah e 3:14 Keimah: a simi timi cu Hebru òong ih Yahweh timi thawn a aw suah a bang aw ih Bawipa tiin kan let. a simi in nan hnenah i thlah a si, tiin Israel mi hnenah na sim pei,” tiah Moses hnenah a ti.
15 Cule Pathian in Moses hnenah hitiin a tisal. “ Bawipa, nan pu le nan pa ih Pathian, Abraham ih Pathian, Isaak ih Pathian le Jakob ih Pathian in nan hnenah i thlah a si tiin Israel mi pawl hnenah na sim pei. Hihi a kumkhua in ka hmin a si ih hmailam san minung hmuahhmuah khalin hitiin, in ko ding.
16 Va feh awla Israel hruaitu pawl ko khawm awla an hnenah, Bawipa, nan pu le nan pa ih Pathian, Abraham, Isaak le Jakob ih Pathian cu ka hnenah a lang ih hitiin nanmah sim dingah i fial a si! “Nan hnenah ka ra zo ih Izipt mi pawl in nan tlunih an tuahmi cu ka hmu zo.
17 Curuangah hrem nan tuarnak Izipt ram ihsin lo suah ding le Kanaan mi, Hit mi, Amor mi, Periz mi, Hiv mi le Jebus mi pawl ih umnak ram lo thlenpi dingah ka ruatcat zo a si. Cuih ram cu cawhnawi le khuaitizu a luannak ram a si,” tiah na ti pei.
18 Na simmi thu cu an lo ngai ding. Cun Israel mi hruaitu pawl thawn Izipt siangpahrang hnenah nan feh pei ih a hnenah, “Hebru mi pawl ih Pathian, Bawipa in, in tong zo. Curuangah ni thum sung nelrawn ramòhing ah kan feh ih Bawipa kan Pathian hnenih thawinak kan pek theinak dingah in thlah hram aw,” tiah nan dil pei.
19 Sikhalsehla kut cakih a hnek dah ti lo ahcun Izipt siangpahrang cun a lo thlah lo ding, ti cu ka thei ko.
20 Ka cahnak ka hmang pei ih ka tuah dingmi mangbangza pawl in Izipt mi pawl cu ka hrem ding. Cuih hnuah a lo thlah ding a si.
21 “Cuih tlunah ka milai pawl cu Izipt mi pawl ih upat tlak in ka tuah pei ih Izipt ram ihsin nan suah tikah nan kut lawngin nan suak lo ding.
22 Israel nunau hmuahhmuah in an innsung ih a ummi Izipt nunau hnenin siseh, an innhnen ih Izipt mi hnenin siseh, hnipuan le hlawnthil, sui le ngun an dil pei ih, nan fanu le nan fapa pawl in an hruk pei. Cutiin Izipt mi pawl cu an thilri hmuahhmuah nan lak sak thluh ding a si,”Ref 3:22 Suah 12:35,36; tiah a ti.