28
Puithiam Pawl Ih Hnipuan
(Suah 39:1-7)
1 “Ka hrangih puithiam an òuannak dingah Israel mi lakin na u Aaron le a fapa Nadab, Abihu, Eleazar le Ithamar pawl cu na hnenah ko aw.
2 Na u Aaron kha mawinak le zohso a co theinak dingin hnipuan thianghlim na tuah sak pei.
3 Thiamnak ka pekmi zungthiam pawl ko awla ka hrangih puithiam thianghlim hna a òuan theinak dingah Aaron ih hnipuan pawl tuahter aw.
4 An tuah dingmi a hnipuan pawl cu òaangbeny 28:4 òaangben: timi hi Mirang òong in Breatpiece an ti ih letmah pakua a kau ih letmah pakua a sau; puithiam pawl in an òaang ah, Ephod timi parah, an benmi a si. Zaal tla a nei ih Urim le Thummim an painak a si. Hridai femte in an hngawng in an thlaih. Lungmankhung hleihnih tla a zalah an ret. Cuih Urim le Thummim cu Puithiam Sang in Pathian duhmi hawlnak ah an hmang. pakhat, òaangthlaihz 28:4 òaangthlaih: timi hi Hebru òong cawng in Mirang òong tla in ephod an ti ih Puithiam Sang òaang ih thlaihmi a si. Baan tawi angki bangin hrukmi a si ih a hngawng tla a um. Thukam Hlun sungah a tican phun dangdang a um nain Suahlannak cabu sungah cun Puithiam Sang ih hrukmi òaangthlaih a si. pakhat, angki fual pakhat, coihcinmawi òelhmi angki leng pakhat, lupawng pakhat le taikhap pakhat an si ding. Na u Aaron le a fapa pawl in ka hrangih puithiam an òuannak dingah kutzungthiam pawl in cuih hnipuan thiang pawl cu an tuah pei.
5 Cutiih an tuah tikah sui siseh, mepian le a sendup mi le a sen mi tuuhmul le puan mankhung pawl tla siseh, an hmang pei.
6 “Òaangthlaih angki cu, sui le mepian, a sen le sendup tuuhmul le phiarmi puan mankhung le coihcinmawi puan in an tuah pei.
7 A liangah òemnak dingah hri pahnih a um pei ih, a siir veve ah òem cih a si pei.
8 Mawi zet ih tahmi taikhap cu a òemnak hri pahnih thawn an peh aw pei ih an tuahdan khal a bangrep thluh ding. Taikhap cu sui le mepian, sendup le a senmi tuuhmul le phiarmi puan mankhung thotho in tuahmi a si pei.
9 Lungmankhung a senmi pahnih la awla a parah Jakob ih fapa hleihnih hmin kher in nan ngan pei.
10 An kum vekin a sangsang in lungmankhung sen pakhat ah hmin ruk, a dang parah a dang hmin ruk nan kher pei.
11 Lungmankhung lamih kutzungthiam mi le hmin khennak a tuah thiamtu pawl ih bomnak thawn Jakob ih fapa hleihnih hmin pawl cu lungmankhung pahnih parah cun nan kher pei ih lungmankhung pawl cu sui in a tlang nan khap pei.
12 Israel mi phun hleihnih theih ringringnak dingah sunghruk angki ih liangbat hri pawl ih parah cun lungmankhung pawl cu nan ben pei. Cuticun an hmin pawl cu Aaron in a liang parah a keng ringring pei ih Bawipa in anmah tla cu a ciing ringring ding.
13 Sui tlangkap pahnih le,
14 hridai vekih merhmi sui hrihrual pahnih tuah uhla, sui hrihrual cu sui tlangkap ah nan ngerh pei.
Puithiam Sang Ih Òaangben
(Suah 39:8-21)
15 “Cun Pathian duhnak theihtheinak dingah òaangben nan tuah pei. Sunghruk angki vek thotho in òha teih òelhmi a si pei. Sui le mepian sendup le a senmi tuuhmul le phiarmi puan mankhung in nan tuah pei.
16 Zungpibok pakua kau le bok kua sau, a tung le a vang a can aw mi a si pei ih bil hnih ih bilmi a si pei.
17 A parah lungmankhung tlar li in nan ben pei; tlar khatnak ah a sen, mepian le sendup nan ben pei.
18 Tlar hnihnak ah tangphaw, a pawlmi le daimon lungvar mankhung;
19 tlar thumnak ah sendup, a sen le a engmi lungmankhung;
20 tlar linak ah tangphaw, sendup le a varmi lungmankhung nan ben pei. Hi lungmankhung pawl cu sui in a kimvel in nan tuam pei.
21 Lungmankhung hleihnih nan ret pei ih, Jakob fapa pawl ih hmin an parah nan khen ciar pei. Cuih an hmin pawl cu fiang tein nan khen pei ih pakhat parah Israel phun ih hmin pakhat ciar nan ngan pei.
22 Òaangben hrangah hrihrual bangtukin a hrual aw mi sui hlir in suiòhi nan tuah pei ih,
23 Òaangben tlunlam kil veve ih ben dingah sui kual pahnih nan tuah pei.
24 Cuih sui hrihrual pahnih cu sui kual pahnih parah nan khit pei.
25 A cuih sui hrihrual ih khatlam zim pahnih cu lungmankhung benmi parah nan khit pei. Cubangtuk in sunghruk angki ih hmailam liangbah parah nan hei khit pei.
26 Cun sui kual pahnih nan tuah pei ih òaangben ih thuailam kiil, òaangthlaih sangtu a sunglam zimah nan sih veve pei.
27 Sui kual dang pahnih nan tuah hrih pei ih òaangthlaih angki ih hmailam liangbah thuailam ah nan hun khit pei ih òha zet ih tahmi, taikhap ih tlunah nan vun sih pei.
28 Òaangben ih kual pawl cu òaangthlaih angki ih kual pawl thawn mepian hrihrual in nan òawnkom pei ih cuticun òaangben cu taikhap ih tlunah seep puakpo lo in a bek thlepthli ding.
29 “Aaron kha Hmun Thianghlim ih a luh tikah Israel miphun pawl ih hmin cu a òaang parih a ummi thurelcatnak òaangben parah a kher aw ding a si ruangah Bawipa keimah in anmah kha ka ciing ringring ding. Cuih òaangben cu Aaron ih lung zawn ah a um ding.
30 Urim le Thummima 28:30 Urim le Thummim timi thilri pahnih lungto in tuahmi tiin kan zum. Puithiam Sang in an òaangben parih zaal sungah an ret òheu. Ziangvek cekci in an hmang ti khal theih fiang thei a si nawn lo. Asinan Puithiam Sang in Pathian duhnak hawlnak ah an hmanmi a si. timi lung thianghlim kha thurelnak òaangben ih sungah nan ret pei ih Aaron kha Bawipa ih hmaika ih a luh tikah a òaang ah an um ding. Cuvek caan ah a òaangben kha a hruk ringring pei ih cutiin Israel miphun hrangih ka duh sakmi kha a thei thei ding a si.Ref 28:30 Mipum 27:21; Ezr 2:63; Neh 7:65;
A Dang Puithiam Thuam
(Suah 39:22-31)
31 “Sunghruk angki lengih hrukmi angki fualpi cu tuuhmul mepian hlir in nan tuah pei.
32 Angki fualpi ih laifangah lu hrolhnak dingah a ong nan tuah pei. Cuih ongih kimvel cu savun angki nan tuah bangtukin tlek lo dingin a tlang nan khul pei.
33 Cuih angki ih thuailam zim cu tuuhmul mepian, sendup le a sen in tale rah cuangin nan òelh pei. Angki ih kimvel ah cubangtuk in nan òelh pei ih nan òelhmi ih karlak ah sui khingte nan thlaih pei.
34 Cubangtuk in angki fualpi ih thuailam zim kimvel a zate in tale rah zuk òelhmi le sui khingte thlaihmi an um òheh ding.
35 Aaron cu puithiam hna a òuan tin tein cuih angki cu a hruk ringring pei. Bawipa ih hmaika, hmun thianghlim sungih a luh le a suah tin tein khingte awn selso cu theih a si dingih Aaron cu thihter a si lo ding.
36 “Sui hlirih tuahmi calben nan tuah pei ih a parah, “ Bawipa ih hrangih a thiangmi,” tiin nan kher pei.
37 Cuih calben cu lupawng hmailam ah mepian hridai in nan thlaih pei.
38 Aaron in a cal ah a ben pei ih, cubangtuk in Israel mi pawl in Bawipa ih hnenah an pekmi parah soiselnak a um lo ding. An pekmi pawl kha Bawipa ih saantlak a sinak dingah a cuih calben cu Aaron in a cal ah a ben ringring pei.
39 “Pat mankhung thawn Aaron angki le a lupawng nan tah pei ih a taikhap cu coihcinmawi puan mankhung in nan tah pei.
40 “Aaron ih fapa pawl hrangah mawinak le zohso an conak dingin angki, taaiòemnak le lukhum pawl tla nan tuah sak pei.
41 Cuih hnipuan pawl cu Aaron le a fapa pawl nan hrukter pei. Cuòheh in ka hnaòuantu puithiam si dingah pumpeknak le Pathian hnenih hlannak thawn hriak nan culh hai pei ih cuticun puithiam ah an cang pei.
42 An taksa lang lo dingah an tai le an kawng hup thei dingin bawngbi tawi nan òhit sak pei.
43 Aaron le a fapa pawl in puithiam hnaòuan dingin Hmun Thianghlim sungih an luh ah siseh, tonkhawmnak thlam sungih biakòheng an pan tikah siseh, an zahmawh a langlonak dingah le thihter an si lonak dingah cuih bawngbi tawite cu an hruk òheu pei. Himi hi Aaron le a tesinfa pawl ih hrangah an thlun ringring dingmi daan a si.