10
Kharbok
1 Bawipa in Moses hnenah, “Faro hnenah va feh aw. Hibangtuk mangbangza ka tuahsuaknak dingah amah le a kuthnuai bawi pawl ih thinlung cu ka hakter zo.
2 Anmah lakah hibangtuk mangbangza ka tuah ih Izipt mi pawl kha hnihsuahsainak menih ka hman hi na tu le na fa hnenih na run sim dingah a si. Bawipa ka si hi nan zate in nan thei leh ding,” tiah a ti.
3 Cuhrangah Moses le Aaron cu Faro hnenah an feh ih a hnenah, “Hebru mi pawl ih Pathian, Bawipa ih a simmi cu: “Ka hmaika ah ziangtik tiang so lungnem tangdor duh lo in na um ding? Keimah in biak theinak dingah ka minung pawl cu feh hai seh.
4 Ka minung pawl thlah ding na el thotho a si ahcun thai sun ah na ram sungah kharbok ka run thlah ding.
5 Kharbok cu an tam tuk ah leilung malte hman lang lo in an khuh mepmep òheh ding. Rial ih a siatsuah lomi thil hmuahhmuah an ei dingih na ram sungih thingkung hmuahhmuah an ei òheh ding.
6 Culawng si lo in na siangpahrang inn, na kuthnuai bawi pawl ih inn le na minung pawl hmuahhmuah ih inn khal an khat òheh ding a si. Na pu le na pa pawl le nan cithlahtu pawl hi ram an thlen pek ihsin thokin an ton dah keel lomi thil siava a si ding,” a ti,” tiah an ti. Cule an hersal ih Faro hnen ihsin an suak.
7 Cutikah Faro ih kuthnuai bawi pawl in, “Ziangtik tiang so hi pa in hnaihnawhnak in pek ding? Bawipa an Pathian cu an biak theinak dingah mipa pawl cu feh ko hai seh. Ziangahtile Izipt ram a siat zo hi na hmu lo maw?” tiah Faro cu an ti.
8 Cutikah Moses le Aaron cu an va kosal ih Faro in an hnenah, “Nan va feh pei ih Bawipa nan Pathian cu nan va biak a si pei cu! Asinan zo pawl so a feh ding?” a ti.
9 Cule Moses in, “Kan zate in kan feh ding; kan fanau le kan nutar le kan patar pawl khal an tel ding. Kan fapa kan fanu, kan tuu le kan me le kan caw pawl thawn kan feh ding, ziangahtile Bawipa hrangah thawinak puai kan tuah ding a si,” tiah a ti.
10 Cutikah Faro in an hnenah, “A òha ko; Bawipa in lo bawm seh. Sikhalsehla nan fanau le nan nunau pawl cu nan fehpi lo pei. Kan hrangih harsatnak suahter dingah in phiar rero a si, ti cu a fiang.
11 Annih cu an feh lamlam zik lo! Mipa lawnglawng nan feh pei ih Bawipa cu nan biak pei. Nan dilmi cu cumi a sisi,” tiah a ti. Cuthluh in Faro hnenin a dawi in an dawi hai.
12 Cutikah Bawipa in Moses hnenah, “Izipt ram sungih kharbok a thlennak dingah na baan cu phar aw. Thingkung hramkung a nungmi hmuahhmuah le rial ih a siatsuah lomi pohpoh cu an ei thluh ding a si,” tiah a ti.
13 Curuangah Moses cun a kianghrol a thlir ih Bawipa in nisuahnak lam ihsin thli a rak hranter ih sun nihlawh le zan khuavar a hrang. Zinglam ah thli cun kharbok pawl cu a rak hrancih ciamco.
14 Izipt ram khuazakip ah an thleng ih a ram pumpuluk in an khat. Kharbok cu an tam tuk ih cubangtuk cu an hmu dah lo. Hmailam khalah cubangtuk cu an hmu nawn lo ding.
15 Leiram lang lo in an khuh òheh ih an khuh tuk ah a dum in a dum hmerhmer. Rial ih a siatsuah lomi thingkung hramkung le thingrah hmuahhmuah an ei òheh. Izipt ramsung hmuahhmuah ah thingkung le hramkung parah hnah hring pakhat hman a tang nawn lo.Ref 10:14, 15 Thup 9:2,3;
16 Cutikah Faro in Moses le Aaron cu zamrang tein a ko ih, “ Bawipa nan Pathian hmai le nanmah hmaiah ka sual zo a si.
17 Curuangah atu veikhat cu ka sualnak i ngaithiam hram uhla hi in pekmi òihnungza hremnak hi ka hnen ihsin lasal dingah Bawipa nan Pathian hnenah i dil sak hram uh,” tiah a ti.
18 Cule Faro hnen ihsin Moses cu a suak ih Bawipa ih hnenah thla a cam.
19 Cutikah Bawipa in nisuahnak lam thli cu nitlaknak lam thli cak zet ah a vun thleng ih a cuih thli cun kharbok pawl cu Tipi Seni 10:19 Tipi Sen: timi hi Hebru Baibal ahcun Phaikung Tifinriat tiin a um. sungah a hran thlak thluh. Izipt ram pumpi ah kharbok pakhat hman a tang nawn lo.
20 Asinan Faro ih thinlung cu Bawipa in a hakter thotho ih Israel mi pawl cu a fehter duh cuang lo.
Thimkhawzing
21 Bawipa in Moses hnenah, “A sah ih tuk taakah pah luihlo tlak thimkhawzing in Izipt ramsung khuh òheh dingah na baan cu van ah phar aw,”Ref 10:21 Thup 16:10; tiah a ti.
22 Curuangah Moses in a baan cu van ah a phar ih Izipt ram cu thimkhawzing sah zet in ni thum sung a khuh thluh.
23 Cutiih khua a thim ruangah Izipt mi pawl cu pakhat le pakhat an hmu aw thei lo ih ni thum sung zohman lengah an suak thei lo. Asinan Israel mi umnak ram ahcun khua a vang ringring ko.
24 Faro in Moses a ko ih a hnenah, “ Bawipa bia dingah feh uh. Nan nunau pawl le nan nauhak pawl khal nan hnenah feh ko hai seh. Asinan nan tuu, nan me le nan caw pawl lawngte nan tanta pei,” tiah a ti.
25 Cule Moses in, “ Bawipa kan Pathian hnenah mei-ur thawinak le thawinak dang hrangih a òulmi òilva pawl cu nangmah in, in ruah sak a òul ding.
26 Cuhrangah kan òilva pawl cu kan hnenah an feh thluh a òul a si; pakhat hman kan tanta lo pei. Bawipa kan Pathian biaknak ih kan hman dingmi òilva cu kan hril dingih a hmun kan va thlen hlanah cun kanmah khalin Bawipa kan biaknak ah khuimi kan hmang pei ti kan thei ve hrih lo,” tiah a ti.
27 Asinan Faro ih thinlung cu Bawipa in a hakter ruangah Israel mi pawl cu a fehter duh thotho lo.
28 Cutikah Faro in Moses hnenah, “Ka hmuh ban lonak ah tlanhlo aw. Ka lo hmuhsal nawn lonak dingah ralring aw, ziangahtile ka lo hmuhsal citcet ahcun cuih ni cu na thih ni a si ding,” tiah a ti.
29 Cule Moses in, “Na ti bangin si ko seh; ziangtik hmanah ka hmai i hmu nawn lo ding,” tiah a ti.