4
Mordekai In Esther Bomnak A Dil
1 Cule cutiih thil tawlrelnak a um cu Mordekai in a theih tikah a thinpit in a hnipuan a thlek òheh. Cule buri hnipuan in a thuam aw ih a lu ah vutcam phulh aw in òap phah le ai phahin khuapi sungah a feh.
2 Siangpahrang inn kotka a va thleng; asinain a sungah cun a lut lo, ziangahtile thilthuam òha teih thuam awk locun zohman luhdan a si lo.
3 Persia ramsung khuazakip ah, siangpahrang ih thupekmi an thannak kipah cun Judah mi pawl cu òap le ai in an um òheh. Rawl an ul, an òap, an raak; buri hnipuan an sin ih vutcam lakah an it.
4 Mordekai cutiih a um cu Esther ih nunau hnenum pawl le amah kiltu tilpermi pawl in Esther cu an sim tikah a thin a nuam lo ngaingai. Mordekai hnenah hnipuan thlengnak ding Esther in a kuat nain Mordekai cun a la duh fawn lo.
5 Cutikah siangpahrang bawipa in amah kiltu dingih a retmi tilper mipa Hathak cu Esther in a ko ih Mordekai cutiih a umnak thuhla va sut dingah a hei thlah.
6 Hathak cu Mordekai hnenah, siangpahrang inn kotka hmaiih tualrawn ahcun a va feh.
7 Cutikah Mordekai in thuhla hmuahhmuah cu a rak sim ih Judah mi hmuahhmuah thah òheh an si ahcun siangpahrang tangka inn ah Haman in tangka pek dingih a kammi zat tla a sim òheh.
8 Judah mi siatsuah thluh dingah thupeknak Susa Khuapi ih an suah mi tla cu Hathak hnenah pakhat a pek. Mordekai in cuih ca cu Esther pe tahrat ih thu umdan khal simfiang dingin le siangpahrang hnenah Esther cu feh in a phunpi pawl hrangih zangfahnak dil dingah Esther cu thu a cah.
9 Mordekai thucahmi vek cun Hathak in a tuah òheh.
10 Cutikah Esther in Hathak cu Mordekai hnenah a thlahsal ih,
11 “Mi pakhatkhat, nunau siseh, mipa siseh, siangpahrang bawipa ih kawh lo in siangpahrang umnak khaan sungih a luh a si ahcun thah a si pei, ti cu daan a si. Siangpahrang ruahnak petu pawl thokin ramòhen sungih mi hmuahhmuah in cuih daan cu an thei òheh. Hi daan ihsin luat theinak lamzin ziangti hman in a um lo; Siangpahrang bawipa in a sui kianghrol a thlir lawngah cupa, asilole cunu cu thihnak ihsin a luat thei. Keimah khal siangpahrang bawipa in i kawh lonak thla khat a si zo,” tiih sim dingah a fial.
12 Mordekai in Esther ih thucahmi cu a theih tikah,
13 Esther hnen ahcun hitiin ralrinnak a pek: “Siangpahrang inn ih na um ruangah Judah midang pawl hnakin ka him deuh ding, tiah ruat duh hlah.
14 Hibangtuk tikcu ahhin daiziar ih na um a si ahcun, van ihsin Judah mi bomnak cu a ra dingih in run ding; asinain nang cu na thi dingih na pa ih innsang cu a cem ding a si. Hibangtuk tikcu hrangah siangpahrang bawinu ih na cannak khal hi a rak si lo ding maw si? Zoso a thei?” tiah a ti.
15 Cutikah Esther in Mordekai hnenah thu a cahsal ih,
16 “Feh awla Susa Khuapi ih Judah mi hmuahhmuah kokhawm aw; rawl ul uhla ka hrangah thlacam uh. Ni thum le zan thum sung zianghman ei lo le in lo in rak um uh. Kei le ka hnenum nunau pawl tla cuticun kan rak um ve ding. Cuih hnuah, daan a si lo nain, siangpahrang hnenah ka feh ding. Curuang ih ka thih ahcun ka thi ko pei,” tiah a ti.
17 Cule Mordekai cu a feh ih Esther ih thucahmi vekin a tuah thluh.