6
Bawipa In Milem Biaknak A Hnong
1 Bawipa in ka hnenah,
2 “Milaipa, Israel tlangsang pawl lam khi zoh awla ka thu hi sim aw.
3 Israel tlangsang pawl hnenah Cungnungbik Bawipa ih òongkam cu sim aw. Cungnungbik Bawipa in tlangsang pawl, tlangniam pawl, horkuam pawl le phairawn pawl hnenih ka òongmi hi an theihnak dingah sim hai aw: Misenpi in milem an biaknak hmun pawl siatsuahtu dingah ralnam pakhat ka thlah ding.
4 Raithawinak biakòheng pawl cu balsiat òheh an si dingih rimhmui urnak biakòheng pawl cu khuai òheh an si ding. Cutawkih
milai pawl hmuahhmuah cu an milem pawl hmai ahcun thah òheh an si
ding.
5 Israel mi pawl ih ruak cu khuazakip ah ka òhekdarh òheh ding; an ruh pawl khal biakòheng pawl ih kimvel ah ka òhekdarh òheh ding.
6 Israel ramsung khua hmuahhmuah cu siatsuah òheh an si dingih an biakòheng pawl le an milem pawl cu vuakkuai òheh an si ding; an rimhmui urnak biakòheng pawl cu khuai òheh an si dingih an tuahmi hmuahhmuah cu a hloral òheh ding.
7 Khuazakip ah milai cu thah an si dingih a nungsun pawl cun Bawipa ka si kha an thei ding.
8 “Mihrek cu thahnak ihsin ka luatter dingih miphunkip lakah ka òhekdarh ding;
9 cuticun ramkip ah sal ah an tang ding a si. Zumnak nei lo an thinlung pawl in, in tlansan ih keimah hnakin milem an duh deuh ruangah ka hrem ih mualpho in ka umter kha cutawkah an thei dingih an ciing ding. Thil òha lo le thil borhbah an tuah ruangah anmah le anmah an fih aw ding.
10 Keimah cu Bawipa ka si ih ralrinnak ih ka simmi cu bumnak men a si lo ti kha an thei ding,” tiah a ti.
11 Cungnungbik Bawipa in, “Na kut vai aw, na ke tur awla Israel mi pawl in fihnungza le thilsual an tuah ruangah riahsia in
òap aw! Ral in maw, rawl lo in maw, natnak in maw an thi ding a si.
12 Lamhla ih a ummi pawl cu natnak in an thi ding; lamnai i a ummi pawl cu ral kut in an thi ding; a tanglai pawl cu rawl lo in an thi ding a si. Ka thinhennak hmual cu nasa zet in an tuar ding a si.
13 Miruak pawl cu milem pawl lakah le biakòheng pawl kiangkap ah, thlua le tlangpar kipah, hnahhring thingkung tang le sasua
kungpi hnuai kipah le an milem pawl hnenih mei-ur rai an thawinak
hmunkipah òhekdarh òheh an si ding. Cule mi hmuahhmuah in Bawipa ka si kha in thei ding.
14 A si, ka kut ka hawi dingih an ram cu ka siatsuah òheh ding. Thlanglam nelrawn ihsin saklam ih a ummi Riblah khua tiang hnawmpen
ah ka canter òheh ding; Israel mi pawl an umnak ziangvek hmun hman
ka zuah lo ding. Cuticun mi hmuahhmuah in Bawipa ka si kha in thei ding,” tiah a ti.