25
Ammon Parih Profet Òong
1 Bawipa in ka hnenah,
2 “Milaipa, Ammon ram hi mawhthluk awla a òhatlonak hi phuangsuak aw.
3 Cungnungbik Bawipa keimah i ka òongmi hi ngai dingah sim aw: Ka Biakinn borhbah in a um hi na lung a awi; Israel ram siatsuah òheh in a um ih Judah mi pawl sal ih an taan hi na di a riam a si.
4 Cutiih na lung a awi ruangah nisuahnak lam nelrawn ih a um miphun pawl ka lo nehter ding. Na ram sungah ralkap riahnak an sak dingih na ram an luah ding. Na ei dingmi le na in dingmi thingrah le cawhnawi pawl cu an ei an in ding.
5 Rabbah khuapi cu kalauk tlannak ram ah ka tuah dingih Ammon ram pumpi cu tuu pawl tlannak hmunah ka cangter ding; cuticun keimah hi Bawipa ka si kha in thei ding.
6 “Cungnungbik Bawipa in hitiin a ti: Na za na beng ih lungawi in na khir ciamco; Israel ram parah iksiknak na nei.
7 Cutiih na um ruangah miphun dang kut ah ka lo pe dingih annih in an lo ram ding, na thilri an lo long ding. Ka lo siatsuahnak cu a besia zet dingih miphun pakhat na si thei nawn lo ding; ka ram ti ding khal na nei nawn lo ding. Cutikah keimah hi Bawipa ka si kha na thei ding,” a ti.Ref 25:7 Jer 49:1-6; Ezk 21:28-32; Amo 1:13-15; Zef 2:8-11;
Moab Parih Profet Òong
8 Cungnungbik Bawipa in, “Moab,l Grik le Latin Baibal sungah Moab tiin a um. Hebru Baibal sungah cun Moab le Seir tiin a um. in Judah khal hi midang vek thotho a si ko ual, a ti ruangah,
9 Moab ramri kiltu khua pawl, khua mawi bik Beth Jeshimoth, Baal Meon le Kiriathaim pawl tla telin, ral pawl ka doter hai ding.
10 Nisuahnak lam nelrawn ih ummi miphun pawl in, Ammon mi thawn Moab ram cu an neh ding. Keimah in ka nehter dingih Ammon mi pawl ti a um nawn lo ding.
11 Moab cu ka hrem dingih keimah hi Bawipa ka si kha an thei ding,” a ti.Ref 25:8-11 Isa 15:116:14; 25:10-12; Jer 48:1-47; Amo 2:1-3; Zef 2:8-11;
Edom Parih Profet Òong
12 Cungnungbik Bawipa in, “Edom mi pawl in Judah mi parah zangfahnak nei lo in phuba an lak ruangah Edom mi pawl cu kumkhua in mawhphurtu ah an cang.
13 Atu ah ka than a si: Edom cu ka hrem dingih minung le òilva hmuahhmuah ka that òheh ding. Teman khua ihsin Dedan khua tiang an ram cu ramòhing ah ka tuah dingih an minung pawl cu ralnam in an thi ding.
14 Ka minung Israel mi pawl in ka ai ah Edom mi parah phuba an la dingih ka thinhennak le ka aithawhnak cu Edom mi pawl an tuarter ding. Keimah ih phuba lakmi cu ziangvek a si, ti cu Edom in a thei ding,” a ti. Cungnungbik Bawipa in a sim zo.Ref 25:12-14 Isa 34:5-17; 63:1-6; Jer 49:7-22; Ezk 35:1-15; Amo 1:11, 12; Oba 1-14; Mal 1:2-5;
Filistin Parih Profet Òong
15 Cungnungbik Bawipa in, “Filistin mi pawl in kumkhua an ral a simi pawl parah zangfahnak zianghman nei lo in phuba an lak ih an mitkem in an siatsuah òheh a si.
16 Curuangah atu ah thu ka than: Filistin cu ka do dingih ka that òheh hai ding. Filistin Rawn ih a nung hrihmi pawl khal ka siatsuah ding.
17 Nasa zet in ka hrem dingih an parih phuba ka lakmi cu a na ngaingai ding. Ka thinhennak an tuar rero ding. Cuticun keimah hi Bawipa ka si kha in thei ding,” a ti.Ref 25:15-17 Isa 14:29-31; Jer 47:1-7; Joe 3:4-8; Amo 1:6-8; Zef 2:4-7; Zek 9:5-7;