22
Jerusalem Sualnak
1 Bawipa in ka hnenah,
2 “Milaipa, mithat pawl an khahnak khuapi hi a thu òhen dingah na tim na tuah maw? Fihnungza thil tampi a tuahmi hi fiang tein a hnenah simta aw.
3 Cungnungbik Bawipa keimah ih ka òongmi hi sim aw: Na minung tampi na that ih milem bia tahrat in na borhhlawhter awk ruangah na tikcu a ra thleng cing ding.
4 Mi na that ih na tuahcopmi na milem pawl thawn na borhhlawhter awk ruangah na tikcu a ra thleng ding, na caan a cem cing ding a si. Curuangah a si miphun pawl ih hnihsuahsainak ah ka lo canter ih ram tampi ih hmuhsuam dingah ka lo tuah.
5 Cin le daan zianghman na neih lo ruangah ram hla tilo, ram nai tilo in an lo nautat ciamco.
6 Israel hotu pawl in anmah ih thazang an ring ih mi an that.
7 Khuapi sung mi zohman nu le pa upattu an um lo. Ramdang mikhual pawl nan bum ih nuhmei le ngakòah pawl par ihsin hlawknak nan hawl.Ref 22.7 Suah 20:12; 22: 21, 22; Daan 5:16; 24:17;
8 Hmun thianghlim pawl zianghman ah nan siar lo ih Sabbath khal nan buar.Ref 22.8 Pui 19:30; 26:2;
9 Mihrek in midang pawl thah duh ah thuphan an per. Mihrek in raithawinak sa an ei. Mihrek in an taksa hiarnak lawnglawng an diriamter.
10 Mihrek cu an pa ih nupi thawn an it tlang. Mihrek in nunau pawl thi an neih lai hmanah hramhram in an sualpi.
11 Mihrek cu an uire; Midang in an mo nu siseh, an pa ih fanu siseh, an thlem.Ref 22.10, 11 Pui 18:7-20;
12 Nanmah lakih mihrek in tangka duh ah mi nan phil. Mihrek in an unau Israel mi hnenah tangka cawih tahrat in tangka òhang an lak ih a miat hawl in an lian. Kei cu in thei nawn lo,” a ti. Cungnungbik Bawipa in a sim zo.Ref 22.12 Suah 22:25; 23:8; Pui 25:36-37; Daan 16:19; 23:19;
13 “Ruk nan ru ih mi nan thah ruangah ka kuttum in ka lo cuum ding.
14 Cutiih ka lo tuah ngaingai ni ahcun, cahnak le ralòhatnak kan nei ding tiah maw si nan ruat? Keimah Bawipa in ka sim zo ih ka thu cu ka kimter ding.
15 Nan minung pawl cu miphun dang hnenah le ram dangdang ah ka òhekdarh dingih thil sualral nan tuahmi cu ka cemter ding.
16 Cuticun miphun dang pawl in an lo thangsiat ding, asinain nannih in Bawipa ka si kha in thei ding,” tiah a ti.
Pathian Ih Thianternak Somei
17 Bawipa in ka hnenah,
18 “Milaipa, Israel mi pawl hi ka hrangah hman tlak an si lo. Thir-eek vek an si: Sodengtu in somei sungih a tantami ngun, dar, rangva, thir le suan pawl ih eek bangtuk an si.
19 Curuangah Cungnungbik Bawipa keimah in thir eek vekih santlai lo an si, ti kha atu ah ka sim a si: Jerusalem ah ka ko òheh dingih,
20 ngun, dar, thir, suan le rangva pawl somei sungih an finkhawm vekin ka finkhawm ding. Cupawl cu somei sungih an titter vekin ka tuah ding. Ka thinhennak le ka aithawhnak in ka titter òheh hai ding.
21 A si, Jerusalem ah ka finkhawm dingih an hnuai ihsin meisa ka muah dingih ka thinhennak in ka titter hai ding a si.
22 Somei sungih ngun an titter vekin Jerusalem ah ka titter hai dingih cuticun Bawipa ih thinhennak kan tuar ti an thei ding,” tiah a ti.
Israel Hotu Pawl Ih Sualnak
23 Bawipa in ka hnenah hitiin a simsal.
24 “Milaipa, Israel mi pawl hi sim aw: An ram hi a thianghlim lo; curuangah ka thinheng in ka hrem ding.
25 An hotu pawl cu anmah ih deh cia mi ramsa tlunih a huuk reromi kiosa bangtuk an si. Mi an that, an zate in an ngah theizat in tangka le thilri an lak; mi an thah ruangah nunau tampi nuhmei ah an cangter.
26 Puithiam pawl in ka daan an bal ih thil thianghlim kha an upat lo. Thil thianghlim le thil borhbah an thleidang thiam lo. A thiangmi le a baalmi an danawknak kha mi an zirh lo. Sabbath khal zianghman ah an siar lo. Curuangah Israel mi pawl hin keimah in upat lo a si.Ref 22.26 Pui 10:10;
27 Acozah bawi pawl cu an deh cia mi ramsa a bauhthlek rerotu cinghnia hrang vek an si. Milian si duh ah mi an that.
28 Mi in phar pawl cu siirang an hnih vekin an sualnak cu profet pawl in an thuh sak a si. Profet pawl in langnak dik lo an hmu ih simsungnak thuphan an sim. Cungnungbik Bawipa ih thu ka sim an ti; asinain Bawipa keimah in an hnenah thu ka sim dah lo.
29 Milian pawl in mi an bum ih mi an ram. Farah zonzai an tisiat ih ramdangmi parah hlawknak an hawl.
30 Phardawl a dawl theitu minung ka hmu lo; phar pawl bal òheh a sinak zawn ih a ding theitu le ka thinheng in ram pumpi siatsuah ding ka tum tikah rampi a òan theitu ding minung ka hawl rero nain pakhat hman ka tong lo.
31 Curuangah ka thinhennak cu an parah ka burh dingih an thil tuahmi ruangah ka thinlingnak meisa in ka siatsuah ding,” tiah a ti. Cungnungbik Bawipa in a sim zo.