20
Pathian Duhnak Milai In An El
1 Thawng kan tlaknak kum sarih kum, thla nga thla, ni hra ni ah Israel mi hotu hrekkhat pawl cu Pathian ih duhnak theih duh ah thuron dingin ka hnenah an ra ih ka hmaiah an to.
2 Bawipa in ka hnenah,
3 “Milaipa, himi pawl hnenah hin Cungnungbik Bawipa ih ka òongmi cu sim aw: Ka duhnak sut dingah nan ra a si lo maw? A nungmi Pathian ka sinak hmin saal in ka lo sim: Ka hnenah zianghman nan dil thei lo ding. Cungnungbik Bawipa keimah in ka sim zo.
4 “Milaipa, an parah thuòhennak relcat dingin na tiar aw maw? Na tiar aw asile tuahzang aw. An pale pawl in thil fihnungza an tuahmi hi theiter hai aw.
5 Ka simmi hi theiter aw: Israel ka rak hril lai ah an hnenah thukamnak ka rak tuah. Izipt ram ah an hnenah ka lang ih, ‘Keimah hi nan Bawipa ka si,’ tiah ka sim.
6 Culai ah Izipt ram ihsin ka suahpi dingih an hrangih ka hrilcia mi ram, cawhnawi le khuaitizu a luannak ram, ram hmuahhmuah lakih ramòha bik ah ka fehpi hai ding, tiah thu ka kam a si.Ref 20.5, 6 Suah 6:2-8;
7 Keimah hi Bawipa an Pathian ka si ruangah an duh zetmi fihnungza milem pawl cu hlon dingah le Izipt ram ih khawzing pawl thawn anmah le anmah mi borhbah siter aw lo dingah ka sim.
8 Sikhalsehla in dodal ih ka thu in ngai lo. An milem fihnungza pawl cu an hlon lo ih Izipt khawzing pawl khal an tlansan cuang lo. Ka thinhennak cu Izipt ram ah nasa zet in an tuar dingah ka ruat zo.
9 Sikhalsehla ka tuartersal lo, ziangahtile an umnak Izipt ramsung minung pawl hmaiah ka hmin a sia pang ding ka ti. Israel mi pawl hnen ahcun Izipt ram ihsin ka lo hruaisuak ding a si, tiah ka than.
10 “Cuticun Izipt ram ihsin nelrawn sungah ka hruai.
11 A thluntu pawl an nunnak dingah ka thukham pawl ka pek ih ka daan pawl ka zirh.Ref 20.11, 13, 21 Pui 18:5;
12 Kan karlak ih thukam hminsinnak ah le keimah hi anmah thianghlimtertu an Bawipa ka si, ti theihternak dingah Sabbath ni ul dingah thu ka pek.Ref 20.12 Suah 31:13-17;
13 Sikhalsehla nelrawn ramsung khalah in dodal òhiamòhiam. A thluntu hnenah nunnak a thlengtertu ka daan pawl cu an bal ih ka thupekmi pawl an hnong. Sabbath ni an buar òheh. Nelrawn ram ahcun ka thinhennak nasa zet ih an tuarnak dingah le anmah siatsuah òheh dingah ka ruatcat zo.
14 Asinan ka ti suak lo, ziangahtile Izipt ram ihsin Israel mi pawl ka hruaisuahnak a hmutu miphun pawl lakah ka hmin a sia pang ding, ka ti.
15 Curuangah cawhnawi le khuaitizu a luannak ram, ram hmuahhmuah lakih ramòha bik ka pekmi ram ahcun ka thlenpi lo ding tiah ban phar le siatcam in thu ka kam a si.Ref 20.15 Mipum 14:26-35;
16 Ka thupekmi an hnong ih ka daan an bal. Sabbath an buar ih milem biak an duh sawn ruangah cutiih siatcam in thu ka kamnak a si.
17 “Sikhalsehla an parah zangfahnak ka neisal ih nelrawn ram ah that òheh lo in ka um.
18 Anmah lakih mino pawl cu: Nan pu le nan pa pawl ih an tuahmi daan tla cu thlun hlah uh; an nunphung khal cawng hlah uhla an milem pawl thawn borhbah awter hlah uh, tiah ralrinnak ka pek.
19 Keimah hi Bawipa nan Pathian ka si. Ka daan le ka thupekmi pawl thlun uh.
20 Sabbath ni cu ni thianghlim ah tuah uhla cuticun thukamnak kan tuahmi hminsinnak ah a cang pei ih keimah hi Bawipa nan Pathian ka si kha a lo theihtertu a si ding, ka ti.
21 “Sikhalsehla cuih san milai pawl khalin in dodal òhiamòhiam. A thluntu pawl cu an nung ding tiih ka timi ka daan pawl le ka thupekmi pawl cu an bal. Sabbath khal an buar. Nelrawn ah ka thinhennak nasa zet tuar dingah le that òheh dingah ka tum zo.
22 Asinan ka tuahsuak lo, ziangahtile Izipt ram ihsin Israel mi ka hruaisuaknak a hmutu miphun pawl lakah ka hmin a sia pang ding, ka ti ruangah a si.
23 Curuangah thu ka lo kamsal. Leilung pumpuluk ah ka òhekdarh hai ding tiah ka kam a si.Ref 20.23 Pui 26:33;
24 Ziangah hitiin ka tuah tile annih in ka thupekmi an hnong, ka daan an bal, Sabbath an buar ih an pupa pawl ih an rak renmi milem pawl kha an biak òhiamòhiam a si.
25 “Cuih tlunah an hrangih a òha lomi daan le nunnak a pe thei lotu thu pawl ka pek.
26 An milem thawinak thawn an borhhlawhter aw ih an fapatir thawinak ih an pekmi khal ka kham lo. Anmah hremnak ah le keimah hi Bawipa ka si, ti langternak ah hitiin ka tuahmi a si.
27 “Cule milaipa, Cungnungbik Bawipa keimah in Israel mi hnenih ka òongmi hi sim aw: An pupa pawl rin tlak lo an sinak in keimah in thangsiat a si.
28 An hnenah pek dingih ka tiamciami ram ah ka hruai hai. Asinan tlangsang le thinghring an hmuh tik poh ah thawinak an pek vivo. Thawinak an urmi le sabitti an pekmi pawl in ka thin in hengter ngaingai.
29 Nan va fehnak òhumhmun pawl hi ziangso an si? tiah ka sut. Curuangah cuih hmun pawl cu ‘Bamah,’k Bamah ti cu òhum Hmun timi a si ih Nan Fehnak ti thawn a aw suah a bangrep. Khawvel pawl an khawzing biaknak hmun a si ih Israel mi pawl cun an kham. tiah kawh tata an si.
30 Ka òongmi hi Israel mi sim aw: Ziangahso nan pupa pawl ih sualnak an tuahmi cu nan tuah ve ih an milem hnenah an taksa tiang an pek vekin nan pek duh ve?
31 Tuih sun tiang thilri nan pe lai ih cuih milem hnen ahcun nan faate pawl hman meisa ah ur tahrat in thawinak ah nan pek ih cuticun nan borhhlawhter aw a si. Cuih hnuah nannih Israel pawl ra tahrat in ka hnenah ‘Na duhnak ziang a si?’ tiah in ra ti lai hrih. A nungmi Pathian ka sinak hmin saal in ka lo sim: Zianghman in sut thei lo ding.
32 Miphun dang pawl vekin um nan duh ih ramdang ih a ummi thing le lung a betu pawl vekin um nan duh a si; nan thinlung sungah a hliah aw zo. Sikhalsehla cuvek cun a si dah lo ding.
Pathian In A Hrem Ih A Ngaithiam
33 “A nungmi Pathian, Cungnungbik Bawipa keimah in ralrinnak ka lo pe: Ka thinheng in ka baan thacak le ka huham hmuahhmuah thawn ka lo uk hai ding.
34 Ka lo òhekdarhnak miphun pawl le ram pawl ihsin ka lo kirter dingih ka ban thacak, ka huham le ka thinhennak thawn in ka lo finkhawm hai ding.
35 ‘Miphun pawl ih Nelrawn,’ ah ka lo hruai dingih nan mithmuh ah nan thu ka òhen ding.
36 Nan pupa pawl Izipt ram Sinai Nelrawn ih ka hnon vek khan nanmah khal atu ah ka lo hnong hai ding,” tiah Cungnungbik Bawipa in a ti.
37 “Nan duhduh ih caangvai thei lo dingin ka lo uk dingih ka thukam thlun tengteng dingah ka lo tuah ding.
38 Nanmah lak ihsin raltho le mi dodal pawl cu ka hlon ding. Atu ih an umnak ram ihsin ka suah ding, asinain Israel ram ahcun ka kirter lo ding. Cutiin Bawipa ka si kha in thei ding.
39 Cungnungbik Bawipa in, “Israel mi pawl, tho uhla feh uh, nan milem pawl cu nan duh vekin va bia uh! Sikhalsehla atu ihsin ralrinnak ka lo pe cia: Hibangtuk ih nan tuah òheh hnu ahcun ka thu nan thlun a òul ding; nan milem hnenah thawinak pe tahrat in ka hmin thianghlim cu nan thangsiatter nawn lo pei.
40 Khi ram sungah ka tlang thianghlim, Israel ram ih tlangsang parah cun Israel mi nan zate in Keimah in bia ding. Nan parah ka lung a awi dingih ka hnenah nan hlanmi òha bik, nan thawinak pekmi le nan laksawng thianghlim pawl pe dingin ka lo ring ding.
41 Ka lo òhekdarhnak ramsung ihsin ka lo suah ih hmun khatih ka lo finkhawm tikah, mei-ur thawinak nan pekmi pawl cu ka sang dingih miphun pawl in a thianghlimmi ka si kha in hmu ding.
42 Nan pu le nan pa pawl hnenah pek dingih ka rak tiamciami Israel ram ih ka lo kirpi tikah cun Bawipa ka si kha in thei ding.
43 Cutikah ziangtlukih fihnungza thil so kan tuah tile ziang vekin kan borhhlawhter aw ti kha nan vun mangsal ding. Thil òha lo tampi nan tuah ruangah nanmah le nanmah nan fih aw ding.
44 Ka hmin hum dingih thil ka tuah tikah cun nanmah Israel mi pawl in Bawipa ka si kha in thei ding, ziangahtile nan òhat lo le nan sual tluk cun ka lo tisiat lo sokhaw,” tiah Cungnungbik Bawipa in a ti.
Thlanglam Ih Meisa
45 Bawipa in ka hnenah,
46 “Milaipa, thlanglam vun hoi hnik! Thlanglam kha vun hro awla thlanglam Negeb tupi parah na thu vun phuang aw.
47 Cungnungbik Bawipa ih òongmi cu thlanglam tupi hnenah sim aw: Zoh hnik! Keimah in meisa ka muah dingih thingkung a hring siseh, a ro siseh, na sungih ummi thingkung hmuahhmuah an kang òheh ding. Zohman in an mit thei lo ding. Thlanglam in saklam ah a hung tlul dingih mi hmuahhmuah in a mi-emnak an tuar ding.
48 Bawipa keimah ih urmi a si kha an hmu dingih zohman in an mit thei lo ding,” tiah a ti.
49 Sikhalsehla kei in, “Cungnungbik Bawipa, cubangtuk cu i tuarter hram hlah aw. Mi hmuahhmuah in anih cu tahòhimnak lawnglawng in a òong a si, tiah ka parah an phun ciamco,” tiah ka ti.