18
1 Bawipa in ka hnenah,
2 “Israel ram sungih misenpi in,
‘An nu le an pa in sabit thur
an in ih an faate pawl ih ha a òim,’
tiah an saal leuhleuh mi òongòhimnak hi ziangso a si?Ref 18.2 Jer 31:29;
3 “Pathian nung ka sinak hmin saal in Cungnungbik Bawipa keimah in ka lo sim: Israel ram sungah hi òongòhimnak cu nan saal nawn lo ding.
4 Mi hmuahhmuah ih nunnak cu ka ta a si; nu le pa ih nunnak siseh, faale pawl ih nunnak siseh, ka ta an si òheh. Sualnak a tuahtu cu a thi ding.
5 “Thuòhimnak ah miòha zet, miding le mifel zet pakhat a um ti bang sehla.
6 Israel mi pawl ih biakmi milem a bia ve lo, khawsia biaknak ih ti le rawl khal a in a ei lo. Midang nupi a thlem lo ih thi a neilai mi nunau thawn a sual lo.
7 Zohman a bum lo ih an thil khal a ru lo. Tangka cawitu ih thukamnak thilri khal òha tein a khirhsal. Rilrawngmi a cawm ih hnipuan nei lo pawl hnipuan a pek.
8 A pungòhang duh ah tangka mi a cawih lo. Thil òha lo tuah cu a duh hrimhrim lo; thu elawknak ah fel tein thu a relcat.
9 Cuvek milai cun ka thupekmi a tuah ih ka daan fel tein a thlun. Miding a si ih a nung ding,” tiah Cungnungbik Bawipa in a ti.Ref 18.9 Pui 18:5;
10 “Thuòhimnak ah hi pa hin fapa pakhat, sim theih lo fapa, nei sehla; cuih a fapa cun a pa ih a tuah dah lomi thil tuah sehla:
11 ruk a ru, mi a that, khawsia biaknak ti le rawl a ei ih mi nupi khal a thlem.
12 Mifarah a bum, mi thil a ruk, tangka cawitu ih thukamnak thilri khal a khirh nawn lo. Lawki mi raithawinak hmunah a feh, fihnungza milem a biak ih,
13 a pungòhang duh ah tangka mi a cawih. Cupa cu a nung ding maw? A nung lo ding. Hibangtuk thil, fihnungza thil a tuah ruangah a thi ding. A thih cu amah ih mawh ruangah a si ding.
14 “Thuòhimnak ah hi pa in fapa pakhat a nei ve. A pa ih tuahmi thil òha lo tampi kha a hmu, asinain a thlun lo.
15 Israel mi pawl ih biakmi milem kha a bia ve lo; khawsia biaknak ti le rawl a ei lo. Midang nupi a thlem lo;
16 zohman a hmuhsuam lo, zo ih thil hman a ru lo. Tangka cawitu ih thukamnak thil òha tein a khirhsal. Rilrawngmi a cawm ih hnipuan nei lo pawl hnipuan hruk ding a pek.
17 Thilsual tuah cu a duh hrimhrim lo ih a pungòhang duh ah tangka mi a cawih lo. Hi pa in ka daan a thlun ih ka thupekmi a tuah. Hi pa hi a pa ih sual ruangah a thi lo ding; a nung tengteng ding a si.
18 Sikhalsehla a pa cun mi a bum, ruk a ru ih mikip parah thil òha lo a tuah. Curuangah a thi, amah rori ih tuahmi sualnak ruangah a thi a si.
19 “Asinan thu nan sut ih, ‘Ziangtinso a pa ih sual ruangah a fapa tuar ve lo in a um ding?’ nan ti a si ahcun thulehnak cu: A fapa cun a dingmi le a òhami a tuah ruangah a si, tihi a si. Ka daan pawl a thlun ih ralring zet in a tuah a si; curuangah anih cu a nung tengteng ding.
20 Midang si lo in a sualtu lawng a thi ding. A pa ih sualnak ruangah a fapa a tuar lo ding; cuvek òhiamòhiam in a fapa ih sualnak ruangah a pa in a tuar ve lo ding. Miòha cu a òhatnak ruangah laksawng a ngah dingih miòha lo cu a òhatlonak ruangah a tuar ding.Ref 18.20 Daan 24:16;
21 “Miòha lo pakhat in thilsual tuah a bansan ih ka daan pawl thlun in thil ding le thil òha a tuah ahcun a thi lo ding, a nung tengteng ding.
22 A sualnak hmuahhmuah cu ngaihthiam a si dingih a nung ding, ziangahtile a dingmi a tuah a si.
23 Miòha lo pakhat a thih tikah lungawi dingah maw si in ruat? Si hrimhrim hlah; sir aw in nung sehla ka duh sawn a si,” tiah Cungnungbik Bawipa in a ti.
24 “Miding pakhat in thil òha tuah a bansan ih thilsual le fihnungza thil a tuahsal a si ahcun a nung vivo ding maw? Nung hlah! Thil òha a rak tuah cia mi hman hngilh òheh a si ding. Rin tlak lo a sinak le a sualnak ruangah a thi ding a si.
25 “Sikhalsehla nannih in, ‘Cungnungbik Bawipa ih a tuahmi hi a dik lo a si,’ nan ti. I ngai hnik uh, Israel mi pawl! Ka thil tuahdan hi a dik lo nan ti maw si? Nanmah ih thiltuah mi sawn a dik lo a si.
26 Midingpa pakhat cu a òhami tuah a bansan ih thil òha lo a tuahsal ih a thi; thilsual a tuah ruangah a thi a si.
27 Miòha lopa pakhat in thil òha lo tuah a bansan ih a dingmi le a òhami a tuah; cutiin a nunnak a hum a si.
28 A thiltuahmi ziangvek a si tikha a thei ih sual nawn lo in a um ruangah a thi hrimhrim lo ding, a nung vivo sawn ding.
29 Cule nannih Israel mi pawl in, ‘ Bawipa ih thiltuahmi hi a dik lo a si,’ nan ti. Ka thil tuahdan hi a dik lo nan ti ngai maw? Nanmah ih thiltuahdan sokhaw a dik lo sawn cu!
30 Cungnungbik Bawipa keimah in ka lo sim: Israel mi pawl, nan thiltuahmi zoh in pumpak ciar in nan thu ka òhen ding. Thil òha lo nan tuahmi ihsin kirsal uh; nan sualnak in lo siatsuah hlah seh.
31 Thilòha lo nan tuah ringringmi pawl hi tlansan thlang uhla thinlung thar le ruahnak thar nei thlang uh. Israel mi pawl, ziangahso thih cu nan duh?
32 Zohman nan thih ding ka duh lo. Nan sualnak sir uhla nung uh,” tiah Cungnungbik Bawipa in a ti.