5
Ruat Fel Cia Lo In Thukamnak Tuah Hlah
1 Pathian biakinn ih na feh tikah ralring zet in feh aw. Zianghman ruatlo ih sualnak a tuahtu mi-aa pawl ih thawinak pekmi hnakin a thu thlun duhnak thinlung thawn feh a òha sawn.
2 Ruat hmaisa lo in òong hlah; Pathian hmai ahcun man mawh zet ih òong ding khal ruat hlah. Pathian cu vancung ah a um; nang cu leilung parah na um; curuangah na òongmi malter aw.
3 Thinlung a har tikah mang a tam,
Mi-aa pawl cu an òong a tam.
4 Pathian hnenih thukamnak na tuah tikah na thukam vekih tuahsuak dingah na khulfung hlah. Ziangahtile Pathian in mi-aa cu zianghman ah a hai lo. Na thukam vekin pe aw.Ref 5.4 Saam 66:13-14;
5 Na thukam vekih na pek lo hnak cun thukamnak zianghman tuah lo a òha sawn.
6 Na òongkam in sualnak ah lo hruai hlah seh! A lo hruai asile Pathian palai hmaiah, “Ka ti sual a si!” ti hlah. Culo le na òongmi ruangah Pathian a thin a heng dingih na thil tuahmi hmuahhmuah a lakah an cang òheh ding.
7 Mang a tam le thulolak a tam.
Pathian cu òihzah aw!
Nunnak Cu Zianghman Lo Men A Si
8 Ramòhen pakhatkhat sungah mifarah an namsuk ih an co ding le an ngah ding khal ngah lo ih an um na hmuh a si ahcun mangbang in va um hlah; ziangahtile bawi pakhat cu a tlunah bawi dang pakhat a um lai ih an zate ih tlunih bawi upa bik in a zoh ringring a si.
9 Leiram ih a suakmi cu mi hmuahhmuah hrang a si. Siangpahrang hman in leiram sung suak a ring a si.
10 Tangka duhtu cu saduhthah in tangka a nei dah lo ding; tangka lawnglawng a ruattu cun ziangzat a miat khalle a mal tuk a ti ringring ding. Cukhal cu zianghman lo a si!
11 Neihmi a tam tikah a eitu an tam ve; thilri neitu pawl hrangah an thilri an mit in an zoh fang dah tilo cun ziangso òhathnemnak a um?
12 Hnaòuantu cu mal a ei khalah, tam a ei khalah, a ihthat a thaw ringring; asinain milian pa cu tam tuk a neih ruangah a itthat thei lo.
13 Leilungtlun ah thil poimawhzet pakhat ka hmuh mi cu: Milai in amah siatsuahtu ding lennak a khawl ciamco mi hi a si.
14 Cule a khawl mi cu rinlopi in a hloral ih a fapa hnenah a roh ding zianghman a tang nawn lo!
15 Tak lawngte in a nui pum sung ihsin a suah vekin tak lawngte in a kirsal ding; a hnaòuan man hmuahhmuah ken thei dingmi zianghman a nei lo ding.Ref 5.15 Job 1:21; Saam 49:17; 1 Tim 6:7;
16 Hi khal hi thil òha lo ngaingai a si, a ratlam vek cekci in a kirsal hi; hna kan òuan, thli kan dawi ih a kaih kan tum; cuti lawng ih hna a òuan hi ziangso a hrangah miatnak a um?
17 A san sung hmuahhmuah ah khawthim sungah rawl a ei ih riahsiatnak, helhkamnak, natnak le thinhennak thawn a um fawn!
18 Curuangah ka hmuhsuak mi cu hihi a si: Milai in a òha bik a tuah thei mi cu Pathian in caan tawite a pek sungah hin ei le in ih a òuan mi sungin a ngahmi kha nompi hi a si ko. Cucu a covo a si.
19 Pathian in minung cu a nompi dingah lennak le thilri a pek ahcun, a hnaòuan man cu nompi in lungawipi ding a si. Cucu Pathian ih laksawng a si.
20 Cuvek minung cun mi santawi a si kha a ruat lemlo ding, ziangahtile Pathian in a thinlung cu lungawinak in a khahter.