32
1 “Maw lei le van,
ka òong hi ngai hnik uh,
Ka simmi hi òha tein theihnik uh.
2 Ka thuzirhmi cu
vanruah bangin surseh,
Lei parah dai bangin tlaseh.
Ka òong cu thingkung note parah,
ruahhmai bangin tlaseh.
Ruah neemte bangin
hrampi note parah surseh.
3 Bawipa ih hmin cu
ka thangòhat ding,
Nannih in a maksaknak thu
4 “ Bawipa cu nanmah òantu
bawi cak bik a si,
A tuahmi tinkim hi a dik ih
a famkim a si.
Nan Pathian cu a dikmi le
rinsan tlak a si,
A dikmi le a famkimmi lawng a tuah.
5 Asinan nannih hlawhhlang phun,
a minung si dingah a tlak lomi,
Misual le mibum hmang phun nan si.
6 Hitiin maw Bawipa ih parah
nan nun ding?
Mi-aa le theihthiamnak nei lo
minung pawl!
Amah cu a lo Siamtu nan Pa a si,
Miphun phun khatih
a lo tuahtu cu Amah a si.
7 “A cem cia mi tikcu khi
vun ruatsal hnik uh.
Hlanlaipi ih tikcu caan kha.
Nan pa sut uhla a lo sim ding,
Nan patar pawl dil uhla
an phuang ding.
8 Cungnungbik in miphun pawl
ram a pek hai,
An umnak dingah hmun a zem.
Miphun hrangah ramri a bun sak,
Israel ih fapa pawl,
An tam an mal zoh in a zem.Ref 32:8 Tirh 17:26;
9 Asinan Jakob tefa pawl cu
10 “Nelrawn ah vakvai in
an tawi kha a hmu,
Thlaler ramòhing ih thli kha
nelrawn ah.
A humhim ih a kilkhawi hai,
Amah ih mitmu a kilkhawi tluk in.
11 Muvanlai in a bu a hnin ih,
a fano tlunah a zam;
Cule a fano cu zuan a zirh ih,
Him tein a thla parih
a cawi bangin,
Bawipa in Israel mi cu,
Him tein a cawi a si.
12 Bawipa lawngin
a minung pawl cu a hruai,
ramdang khawzing tel lo in.
13 “Leitlun ih hmunsang pawl cu
a ukter ih,
Lo sungih a suakmi pawl an ei.
Lung tum pipi lakah khuaitizu
an tong ih,
Lung sepsel lakih olif kung òha
siti thawn a cawm hai.
14 An caw le an me pawl ih
hnawi cu a tam,
Tuu, me le caw òha bik pawl an nei.
Sangvut lakah sangvut òha bik
an ei ih,
Sabit lakih sabit thaw bik an in.
15 “ Bawipa ih minung
Jeshurunh 32:15 Jeshurun timi hi miding tican a si. A sawh duhmi cu Israel mi an si. pawl cu
An lian ih an puarthau,
Rawl an khop zet ih an thau.
Anmah Semsuahtu an Pathian cu
dung an tun ih,
An Runtu Lungpi maksak an hnong.
16 Milem an biaknak
Bawipa in a thiik ih,
Thil borhbah an tuah ruangah
a thin a heng.
17 An thawinak cu
Pathian hnen si lo in,
Khawsia hnenah an pek,
Israel mi pawl in an biak dah lomi
khawzing hnenah,
An pupa pawl ih an òihzah lomi,
Tubaite a ra thlengmi
pathian lem hnen ahcun.Ref 32:17 1 Kor 10:20;
18 Nanmah lo Semsuahtu Lungpi cu
nan thlauthla,
Nanmah lo hringtu
Pathian maksak nan hngilh.
19 “Cumi cu Bawipa in a hmu ih
a thin a heng,
Amah ih fanu le fapa pawl in
an hnon ruangah.
20 “Annih ih hmu lo dingah
ka hmai ka thup ding,
Ziang an cang ding ti
ka zoh hnik pei,” a ti.
Hi tefa mibum hmang le
mi zuangzam pawl!
21 Pathian a si lomi ruangah
ka thiik a si,
An milem pawl ruangah ka thin a heng.
Curuangah siartlaklo
miphun hmangin,
An thin ka hengter dingih,
Mi hlothlau phun ruangah,
An thiik ka siatter ding.Ref 32:21 Rom 10:19; 1 Kor 10:22;
22 Ka thinhennak cu
mei bangin, a alh dingih,
Leilung le a thuaiih a um hmuah
a kang òheh ding.
Lei le a thlairawl a kang ding,
Tlang pawl ih hram òohnak cu
23 “An parah catbang lo in,
Vanduainak ka thlenter dingih,
Anmah donak ah ka conkiang pawl
ka hmang ding.
24 Rilrawnnak le khurhnat in
an thi dingih,
Tuksumza natsia in an thi ding.
Ramsa hrang pawl anmah
dehtu dingah ka thlah dingih,
Mi cuk hrang turnei rul pawl
an lakah ka vakter ding.
25 Raldonak ruangah lamzin tluanah
an thi dingih,
Thinlau in innsung khalah
an thi ding.
Fala tlangval pawl an thi dingih,
Nauno le patar pawl tla
an luat lo ding.
26 Ka òhekdarh thluh hai ding
tiin ka ruat,
Zohman ih an thuhla theih thei
nawn lo dingin.
27 Asinan an ral pawl in,
“Kanmah in kan neh òheh a si,
Pathian cahnak zianghman
a tel lo tiah,
tluangkhawng hlah hai seh,” a ti.
28 “Israel cu theihthiamnak
nei lo phun a si,
Fimnak zianghman a nei lo.
29 Ziangruangah ral kan sung,
ti an hmu thei lo,
Ziangah hitiin kan cang,
ti khal an zoh thiam lo.
30 Ziangruangah so mi pakhat in
thawngkhat a neh ih,
Mi pahnih lawngin thawnghra
an dawihlo thei?
Bawipa an Pathian in
a tlansan ih,
An Pathian cak zet cun
a dungtun hai ruangah a si.
31 Thungai ti ahcun, an lungpi in
kan Lungpi a tluk lo,
Israel ih Pathian a tluk lo,
ti kha kan ral pawl in an thei.
32 An sabit cu Sodom ihsin a rami,
Gomorrah ihsin a keuhmi sabit hri,
Thihsii in a khatmi rah le
a kha mi sabit bawr an si.
33 An sabitti cu rul pawl ih
tur vek a si,
òihnungza rulha tur vek a si.
34 “ Bawipa in an ral pawl ih
thiltuahmi cu a thei,
Anmah hrem dingah a khawl cia zo,
tikcu òha lawng a bawh.
35 Bawipa in phu a lak ding
phuhlamnak cu Amah ih ta a si.
An rilh an bahnak tikcu a nai zo,
An siatnak ni a ra thleng cing ding.Ref 32:35 Rom 12:19; Heb 10:30;
36 Bawipa in amah ih mi pawl
A minung pawl cu a run ding,
An tha a cem, ti a hmuh tikah
Amah riantu pawl cu
a zangfah ding,
Miluat ti le sal ti um cuang lo in
Zohman an tang nawn lo,
ti a hmuh tikah cun.
37 Cutikah Bawipa in,
A minung pawl cu a sut ding:
“Khuiahso nan rinsan zetmi,
khawzing cak zet pawl cu an si?
38 Nan thawinak thau a eitu pawl le,
Nan sabit thawthaw a intu pawl cu?
Atu ah ra in lo bawm hai seh,
Nanmah hum dingah ra tlan hai seh.
39 “Keimah lawng, Keimah lawng
rori hi Pathian cu ka si,
Pathian taktak a dang
zohman an um lo.
Ka that ih ka nungter,
ka hriam ih ka damter,
Ka kut sung ihsin a dirhsuak theitu
zohman an um lo.
40 Keimah cu a nungmi Pathian ka si ih,
van lamah ka banpharh in le,
ka nunnak sal in thu ka kam:
41 Ka ralnam tleu cu
ka tathriam dingih,
thudik in thu ka rel ding.
Ka ral pawl parah phu ka lak dingih,
I huatu pawl cu ka hrem ding.
42 Ka conkiang pawl cu
an thisen in a ciah dingih,
Ka ralnam in i raltu pawl ka sat ding.
Keimah i dotu hotu samsau pawl,
zohman ka zuah lo dingih,
Hriamhma a pu mi le
thawngtla mi khal,
43 “Maw leilungmi pawl,
Bawipa ih minung pawl thawn
nan lungawi uh,
A minung a thattu pawl cu
a hrem dingih,
A ral pawl parah phu a lak ding.
A minung le an ram sungih mawhnak cu,
a kholhfai thluh ding a si.”Ref 32:43 Rom 15:10; Thup 19:2;
44 Moses le Nun ih fapa Joshua in hi hla cu Israel misenpi theihhngan ah an seh.
Moses Ih Thucah Netabik
45 Moses in Pathian thukham pawl cu Israel mi pawl hnenih a sim òheh tikah,
46 “Tuih sun ih ka lo pekmi thukham pawl hi thlun dingah ralring tein nan thinlung sungah khum uh. Nan faale pawl tla in an thlunnak dingah zirh uh.
47 Hi daan pawl hi nan hrangah tican nei lo an si lo, nan nunnak an si. Thlun uhla nan luah dingmi Jordan Tiva ral ram ah reipi nan um ding,” tiah a ti.
48 Cuih ni òhiamòhiam ah Bawipa in Moses hnenah,
49 “Jerikho khuapi ihsin nisuahnak lam, Moab ramsung, Abarim Tlangtluan ah hung feh awla, Nebo Tlang parah hung kai aw; cutawk ihsin Israel mi pawl ka pek dingmi Kanaan ram cu va cuan aw.
50 Na u Aaron cu Hor Tlang ah a thi zo; nang khal Nebo Tlangah na thi ding,
51 ziangahtile Israel mi hmuhhnganah nan pahnih in keimah rinsan lo in nan nung. Zin nelrawn, Kadesh khua kiang, tidai umnak Meribah ih nan um lai ahkhan Israel mi pawl hmuhhnganah upatnak pe lo in ka thang in siat a si.
52 Kanaan ram cu hlavang in na hei thlir ding nain Israel mi pawl ka pek dingmi ram ahcun na lut lo ding,” tiah a ti.Ref 32:48-52 Mipum 27:12-14; Daan 3:23-27;