22
1 “Israel na unau pakhatkhat ih caw asilole tuu a tlan ahcun zoh men hlah; va pesal aw.
2 A neitupa umnak a hlat tuk asilole a neitu na thei lo a si ahcun na inn ah hruai aw. A neitupa in a ra hawl tikah na rak pek pei.
3 Na unau Israel mi pakhatkhat ih rang, hnipuan asilole thil dangdang a hloh tikah cubangtuk òhiamòhiam in na tuah pei.
4 “Na unau Israel mi pakhatkhat ih laak asilole caw lamzin ah a rilh ahcun tlansan lo in va thawh bawm aw.Ref 22:1-4 Suah 23:4, 5;
5 “Nunau in mipa hnipuan nan hruk lo pei; mipa khalin nunau hnipuan nan hruk lo pei. Bawipa nan Pathian in cubangtuk cu a hua a si.
6 “Thing parah siseh, leilung ah siseh, vatebu na hmu ih a pi in a ti a op, asilole a fanote pawl an um a si ahcun a pi cu va kai hlah.
7 Na duh ngaingai a si ahcun a fano cu la aw; asinain a pi cu na thlah pei; cutiin na nun a nuam dingih na nunkhua a sau ding a si.
8 “Inn thar na sak tikah na diphun ah dithla ri in kulh aw. Diphun in mi pakhatkhat a tlak ih a thih khalle mawh na phur lo ding.
9 “Na sabit hmuan sungah sabit le thlaici dang va cingtlang hlah. Na cintlang asile sabit siseh, na cinmi rawl dang siseh, a zarhmi ah an cang dingih na sung ding.
10 “Lei lehnak ah cawcang le laak na hmang tlang lo pei.
11 “Tuuhmul le pat rawi ih tahmi hnipuan na hruk lo pei.Ref 22:9-11 Pui 19:19;
12 “Na sinmi puantlang pali ah a fem na tuah pei.”Ref 22:12 Mipum 15:37-41;
Nunau Le Mipa Hrang Daan
13 “Mi pakhat in fala pakhat a òhi ih a nupi ah a hmang ih neh hnuah a duh nawn lo tikah,
14 sual a phunphun a puh ih, “Ka òhit pekte ah fala him a rak si lo” tiah a thang a siat.
15 “Cubangtuk a si ahcun, nunau ih nu le pa in fala him a rak sinak langternak ah òhitawk zan ihphah khuh cu khuasung upa thuòhentu pawl hmaiah an suahpi pei.
16 Cutikah nunau ih pa in, “Ka fanu cu hi pa ih hnenah ka rak pek, asinain atu ahcun a nupi dingah a duh nawn lo.
17 Ka fanu cu sual a puh ih an rak òhitawk lai ah fala him a si lo, a ti. Asinan ka fanu cu pasal a neih hlanah fala him a si, ti theinak ka nei” a ti pei ih an òhitawk zan ih an hmanmi ihphah khuh kha upa hmaiah an pharh pei.
18 Cule khuasung upa pawl cun cuih a pasal cu an kai pei ih an vuak pei.
19 Cuih tlunah ngun tangka zakhat an cawh pei ih cuih tangka cu nunaunu ih pa an pek pei, ziangahtile Israel nunau pakhat parah ningzahnak a thlenter a si. Cule a nupi òhiamòhiam a si pei ih a nunsung hmuahhmuah ah a maak thei lo pei.
20 “Sikhalsehla a pasal ih sualpuhnak cu a dik ih a nupi cu fala him a rak si ngaingai tiih fianter theinak a um fawn lo a si ahcun,
21 cunu cu an suahpi pei ih a pa ih inn sangka hmaiah an khuasung ih mipa pawl in lungto in an dengthat pei. A pa ih inn ih a um lai, pasal a neih hlanah nupa sualnak a rak tuah ruangah kan miphun parah ningzahnak a thlenter a si. Cuticun hibangtuk thil òha lo cu nan cemter pei.
22 “Mipa pakhat cu pasal a neimi nunau thawn an sual lai nan hmuh ahcun an pahnih in thah an si pei. Hibangtuk thil borhbah cu cemter uh.
23 “Mipa pakhat cu midang ih ham cia mi nunau pakhat thawn khuasung ih an sual lai nan hmuh ahcun,
24 hnarpawn ah suahpi uhla an pahnih in lungto in deng that uh. Midang ih theih theinak khuasung ah a si ih midang ih ra bawm dingin a au thei nain a au lo ruangah nunaunu cu a thih a òul a si. Mipa pa khal a unau Israel mi pakhat ih ham cia mi a sualpi ruangah a thih a òul a si. Cuticun hibangtuk thil borhbah cu nan cemter pei.
25 “Mipa pakhat in hramlak ah midang ih ham cia mi nunau pakhat a tong ih a kaihrem a si ahcun, mipa pa lawng thah a si pei.
26 Nunaunu parah zianghman tuah ding a si lo; thah tlak in ziang sualnak hman a tuah lo. Hi thu cu ziangthawn a bang tile, mipa pakhat in a dang pakhat a zon ih a thah vek a si.
27 Mipa pa in hramlak ah nunau cu a kaihrem ih i bawm uhlaw, tiin au hmansehla zohman bawmtu an um lo.
28 “Mipa pakhat in ham lomi fala pakhat a kaihrem a si ahcun,
29 ngun tangka sawmnga a man ah a pa a pek pei; cule hramhram in a sualpi ruangah a nupi ah a cang dingih a nunsung hmuahhmuah a maak thei lo pei.Ref 22:28, 29 Suah 22:16, 17;
30 “Zohman a pa ih nupi pakhatkhat sualpi tahrat in a pa ih parah ningzahnak thlenter hlah seh.”Ref 22:30 Pui 18:8; 20:11; Daan 27:20;