20
Raldo Tikih Thlun Ding Daan
1 “Raldo dingin nan feh ih nan ral pawl cu minung in siseh, rang le rangleng in siseh, nanmah hnakin an tam deuh ngaingai a si, ti nan hmuh tikah va òih hlah uh. Bawipa nan Pathian, Izipt ram in a lo runsuaktu cu nan hnenah a um ding.
2 Nan do awk hlanah puithiam cu nan ralkap pawl ih hmaiah a ra suak dingih anih in,
3 “Maw Israel mi pawl, ngai uh! Tuih sun ahhin nan ral pawl nan do ding. Nan ral ziangzat an si khalle nan thin nau hlah uh, ziang khal òih hlah uh, phang thlohthlo khalin um hlah uh.
4 Bawipa nan Pathian cu nan hnenah a um dingih nehnak a lo pe ding a si,” tiah a au ding.
5 “Cule ralbawi pawl in an ralkap pawl hnenah, “Nan lakah inn thar a sak ih a lut hrih lomi nan um maw? Nan um asile nan inn ah va kir uh. Nan thih pang ahcun midang in nan inn an lut ding.
6 Nan lakah sabit hmuan thar a tuah ih sabit rah a lo hrih lomi nan um maw? Nan um a si ahcun nan inn ah kir uh. Nan thih pang ahcun midang in nan sabit hmuan an co ding.
7 Nan lakah nupi òhi dingah fala a hamtu nan um maw? Nan um asile nan inn ah kir uh. Nan thih pang ahcun nan hammi fala cu mi dangin an òhi ding,” tiah an ti ding.
8 “Cuih tlunah ralbawi pawl in an ralkap pawl hnenah, “Nan lakah thin a naumi le òihphang ih a ummi nan um maw? Nan um asile nan inn ah kir uh. Cuti a si lo ahcun nan rualpi dang pawl ih thinlung nan nauter thluh ding,” an ti ding.
9 Ralbawi pawl in ralkap pawl hnenih thusimnak an òheh tikah a bur a bur ih ralkap pawl hruaitu dingah hotu hril an si pei.
10 “Khua pakhat nan do tikah hmaisabik ah remnak thu ngaihtuah uh.
11 An kotka an ong ih remnak kan duh, an ti ahcun an zate in nan sal ah kai òheh uhla nan hna òuanter uh.
12 Asinan khuasungmi pawl in remnak tuah an duh lo ih raldo an duh sawn a si ahcun cuih khua cu kulh òheh uh.
13 Bawipa in nehnak a lo pek tikah khuasung ih mipa hmuahhmuah pakhat hman zuah lo in that òheh uh.
14 Cule nanmah hrangah nunau, nauhak, òilva le thildang hmuahhmuah cu nan lak thei. Nan ral pawl thilri hmuahhmuah cu nan duh vekin hmang uh. Bawipa in nan hnenah a lo pek a si.
15 Nan umnak ding ramsung si lo in lamhlapi ih a ummi khuapi pawl khal cubangtuk thotho in nan tuah pei.
16 “Sikhalsehla Bawipa nan Pathian ih a lo pek dingmi ram sungih khuapi pawl nan lak tikah cun khuasungmi an zate in that òheh uh. Thaw a neimi pakhat hman nan zuah lo pei.
17 Bawipa ih thupeknak bangtukin Hit mi, Amor mi, Kanaan mi, Periz mi, Hiv mi le Jebus mi pawl cu an ci hmit òheh uh.
18 Cuti nan ti lo ahcun an khawzing an biak tikih an thil tidan fihnungza pawl tuah ve dingah an lo zirh hai dingih Bawipa nan Pathian parih nan sual pang ding.
19 “Khuapi pawl lak nan tum ih caan reipi nan kulh hmanah rah a neimi thingkung pawl cu hreitlung thawn hau hlah uh. A rah pawl cu ei uhla a kung pawl cu siatsuah hlah uh; nan ral an si lo.
20 Thingkung dang rah nei lo pawl cu nan duh ahcun hau uhla cuih khuapi nan lak lai hlan lo nan kulh ih nan òannak donhleisang tla ah hmang uh.”